Hesekiel 27:5 - AHYERƐLƐ KRONGRON

⁵ Wɔ lɛen ndaboa ne, bɛfale asia mmakaa bɔ ofi Seniri yeɛ bɛyɔle ɔ; sida bakaa bɔ ofi Lebanon yeɛ bɛfa bɛyɔle ɛlɛen frangaa bakaa bɛmane wɔ ɔ.

Hesekiel 27:5 Iomraidhean Croise

1 Ahemvo 5:1

Tiro hene Hiram tele kyɛ bapopa Solomon ngoo maa wali ye baba bia. Na ɔsomane ye somvoɛ mɔ wɔ Solomon berɛ, ofikyɛ né Hiram te Dawide obiɛngo fi tete.

1 Ahemvo 5:6

Yiti maa bebu sida mmakaa béfi Lebanon bɛbrɛ me. Me somvoɛ mɔ kɔɔboka wɔ somvoɛ mɔ so, na akatuaa biala bɔ ɛkɔhã kyɛ mva mma wɔ somvoɛ nemɔ ne, ngɔfa ngɔma wɔ; ofikyɛ ɛse kyɛ ebiala nne yɛ wa bɔ ɔse mmakaa bu kyɛ Sidonfoɛ ɔ.”

1 Aberɛso Dwirɛ 5:23

Manase abusua kure ne bue ne, né bɛsone pee, na bɛtenane bɛpetene aseɛ ne aso fite Basan kodwu Baal Hɛmɔn, Seniri ne Hɛmɔn bokaa ne.

2 Aberɛso Dwirɛ 2:7

Yiti kekesaala ye, ma me sona bɔ ɔkora fa esikaa kɔkorɛ, ɛdwetɛ, kɔɔbere, buralɛ, koogyan, adaabene ne bibire di adwii, na afei ɔkora kolikoli nningyein so ɔ. Adwiililɛfoɛ bɔ me baba Dawide penane bɛ siele berɛ bɔ me ne bɛ wɔ Yuda ne Yerusalem ne, sɔ sona ne kɔɔboka bɛ so.

Edwein 104:16

AWURADE guagua ye mmakaa so nzue pee paa, Lebanon sida bɔ olualuale ne.

Edwein 29:5

AWURADE komvi bubu sida mmakaa; AWURADE bubu Lebanon sida mmakaa.

Edwein 92:12

Teneneefoɛ befifi kama kyɛ ayee, na benyi kyɛ sida bɔ ɔwɔ Lebanon ɔ.

Edwein Nu Dwein 4:8

M’atɔmvorɛ braa, maa yɛfi Lebanon yɛhɔ, maa yɛfi Lebanon yɛhɔ. Fi Amana bokaa ti afia dwu bra, fi Seniri ne Hɛmɔn bokaa ti afia dwu bra, fi gyata mɔ bɛ bue nu bra, fi aboa mmokaa ne aso dwu bra.

Yesaya 14:8

Bɔ wato wɔ ne, ɔyɛ ɛframmire mɔ fɛ, ɔne Lebanon sida mɔ koso fɛ, na bɛkã kyɛ, ‘Ofi mmerɛ bɔ bɛbrɛle wɔ ase ɔ, sona biala ɔmma kyɛ ɔbaabu yɛ gua.’

Hesekiel 27:4

Wɔ wɛen nemɔ bɛwɔ ɛpo afia, na bɛ bɔ bɛkyekyele wɔ ne, bɛmane w’anwonyemene lili mu.

Deuteronomi 3:9

(Sidonfoɛ frɛ Hɛmɔn Sirion, yeɛ Amorifoɛ frɛ ye Seniri).