Hesekiel 27:3 - AHYERƐLƐ KRONGRON

³ ná se Tiro kyɛ: Wɔ, kuro bɔ bɛkyekyele wɔ wɔ mboanoa, bɔ ɛne maen maen bedi dwaa wɔ supɔ pee so ɔ, AWURADE Nyameɛ nwa nyoo: “O Tiro, wɔ de ɛnwa, ‘M’anwonyemene di mu bɔkɔɔ.’

Hesekiel 27:3 Iomraidhean Croise

Edwein 50:2

Sion bɔ ye anwonyemene di mu ne, Nyameɛ ta hyireinn fi berɛ.

Edwein 83:7

Gebal ne Amon ne Amalɛke, Filistia ne Tirofoɛ.

Anyandera 31:14

Ɔte kyɛ dwadiniɛ ye lɛen mɔ, ɔfa ye aleɛ fi dedeede ba.

Yesaya 23:11

Watengyɛ ye sa wahyire ɛpo so, wapusu ahennie mɔ, na AWURADE ahyɛ mmeraa wafa Kanaan nwo, kyɛ bɛsɛkye ye anwoserɛ afealeɛ nemɔ.

Hesekiel 16:15

“Nakoso elili w’anwonyemene si ɛbɔle gyandera, ɔnate w’animnyam ne ati, na ɛfale wɔ nwo mane ebiala bɔ ɔpɛ nu kɔ ɔ.

Hesekiel 26:12

Bɛkɔfa w’anwonyadeɛ bɛkɔyɛ koɛ nu nzesadeɛ, ná bafẽ wɔ dwaa nningyein bafa. Bekobubu wɔ fasue nemɔ bekogua, ná basɛkye wɔ sua nyemenenyemene nemɔ. Na bekofindi wɔ nyɔboɛ mɔ ne wɔ mmakaa ne wɔ nnɛterɛ bekogua nzue ne anu.

Hesekiel 26:17

Na bɛkɔbɔ wɔ nwo awuye bekose wɔ kyɛ, ‘O kuro piri bɔ ale dumaa ɔ, bɔ mmenia bɔ bɛkɔ ɛpo ɔ bɛɛtenane wɔ so ɔ, kuro bɔ né wɔ nwo yɛ se wɔ ɛpo so ɔ, ɛne wɔ nu ama, ɛmɔmane ɛmɔ nwo suronyi tɔle mmenia mukoraa bɔ bɛte berɛ ɔ so.

Hesekiel 27:4

Wɔ wɛen nemɔ bɛwɔ ɛpo afia, na bɛ bɔ bɛkyekyele wɔ ne, bɛmane w’anwonyemene lili mu.

Nyekyire 18:3

Ofikyɛ maen maen amukoraa bano ye adwamanbɔlɛ nzaa ne bie, na aseɛ so ahemvo mɔ bɛne ye babɔ adwaman, na aseɛ so dwadifoɛ bɛnate ye anwonya tam mmorosoɛ ne aso banya bɛ nwo.”