Hesekiel 27:21 - AHYERƐLƐ KRONGRON

²¹ Arabia, yeɛ Kedare atitire amukoraa bɛ ne wɔ lili dwaa. Bɛfale mmoaen mmaa, mmoaen nyii ne mbɔngye yeɛ betuale wɔ kerɛ ɔ. Bɛ ne wɔ lili sɔ nningyein nemɔ nwo dwaa.

Hesekiel 27:21 Iomraidhean Croise

Gyenesise 25:13

Yismael mma nemɔ dumaa, kyɛbɔ belili so wɔ aworɛ nu ɛhe: Ye bamuɛbaa ole Nebayote, yeɛ afei Kedare, Adebel ne Mibesam,

1 Ahemvo 10:15

asora bɔ né benya befi dwadifoɛ nemɔ, bɛbɔ bɛkɔ atee so nemɔ, Arabia ahemvo amukoraa ɔne maen ne anu amrado nemɔ berɛ ɔ.

1 Aberɛso Dwirɛ 1:29

B’aworɛ ndoatoasoɛ ɛhe: Yismael ye bamuɛbaa ole Nebayote, yeɛ afei ɔwole Kedare, Adebel, Mibesam,

2 Aberɛso Dwirɛ 17:11

Filistifoɛ nemɔ bie fale akyɛdeɛ bɛbrɛle Yehosafate, yeɛ bɛfale ɛdwetɛ koso betuale ndɔ bɛmane ye. Na Arabofoɛ koso bɛfale mmoaen nyii apee nzoo ɛyaa nzoo, yeɛ mbɔngye nyii apee nzoo ɛyaa nzoo bɛbrɛle ye.

Edwein 120:5

Edwirɛ ato me oo, kyɛ nde amanvraniɛ wɔ Meseke, kyɛ nde Kedare ɛtena sua nemɔ anu ɔ!

Anyandera 27:26

ye de ekonya mmoaen nwo nwiaa kɔfa kɔyɛ wɔ tena, ekonya mbɔngye kɔtɔne bɛ kɔfa kɔtɔ aseɛ;

Edwein Nu Dwein 1:5

O Yerusalem ndaluwa, nde bire, na me nwo yɛ nyemene kyɛ Kedare ɛtena sua mɔ, kyɛ Solomon mbɛmuɛ tena.

Yesaya 21:13

Arabia nwo nyekyire ɛhe: O Dedanimfoɛ bɔ bɛtete mbɔngɔ so betu atee ɔ, Arabia ɛhɔayeɛ nu yeɛ ɛmɔkosikye kɔngɔen ɔ.

Yesaya 21:16

Ofikyɛ edwirɛ he yeɛ AWURADE hã hyirele me ɔ: “Kyɛ odwu afoɛnoa ne, kyɛbɔ paaniɛ osi ka ye afoɛ pɛpɛɛpɛ ne, Kedare animnyam amukoraa kɔwa ayieleɛ.

Yesaya 42:11

Aseɛ pralaa so ne so nguro mɔ, ɛ́mɔma ɛmɔ komvi so, namue mɔ bɔ Kedare te so ne; bɛ bɔ bɛte Sela ne, odi kyɛ bɛto ahurusi dwein, odi kyɛ bɛbɔ ese befi mmokaa nemɔ ti afia.

Yesaya 60:7

Bɛkɔboaboa Kedare nyɛmmoa amukoraa noa bɛkɔbrɛ wɔ, Nebayote mmoaen nyii kɔyɛ wɔ deɛ, bɛkɔyɛ anyesɔ afɔleɛ wɔ m’afɔleɛ bokyea so, na ngɔhyɛ m’animnyam awuro ne animnyam.

Yeremia 2:10

Ɛ́mɔpɛ nu bɛhɔ Kipro supɔ nemɔ aso bɛɛnea, ɛ́mɔsoma maa bɛhɔ Kedare bɛneanea nu yé; ɛ́mɔnea sɛ edwirɛ sɔaa bie wasi berɛ le a!

Yeremia 25:24

Arabia ahemvo amukoraa, amanvrafoɛ bɔ bɛtete ɛserɛ so ɔ, b’ahemvo amukoraa;

Yeremia 49:28

Kedare ne Hasɔ ahennie mɔ bɔ Babilɔn hene Nebukadenesa kɔbɔ bɛ ne, bɔ AWURADE kã fa bɛ nwo ɛhe: “Ɛ́mɔdwɔso bɛfa koɛ bɛɛtoa Kedare, ná ɛ́mɔnua eyia afiteleɛfoɛ nemɔ boso.

Asomafoɛ 2:11

Yudafoɛ ne Amaenmaensofoɛ bɔ baaboka Yudasom so ɔ, ebiemɔ koso befi Krete ne Arabia, nakoso yɛ mukoraa yɛte kyɛ bɛ́fa yɛ bɔbɔ yɛ dwudwolɛ bɛka Nyameɛ anwanwadwuma bɔ wayɔ ɔ!”

Galatiafoɛ 4:25

Hagar gyi berɛ ma Sinai bokaa ne bɔ ɔwɔ Arabia, na osa gyi berɛ ma ɛnɛ Yerusalem, ofikyɛ Yerusalem ne ye mma wɔ ngoaasolɛ nu.