Hesekiel 27:2 - AHYERƐLƐ KRONGRON

² “Afei wɔ, Sona awa, bɔ Tiro nwo awuye,

Hesekiel 27:2 Iomraidhean Croise

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Yeremia 9:10

Mmokaa nemɔ ati, ngosu ngɔbɔ abubue, yeɛ ɛserɛ so nekaa bɔ ngaka didi ne ati, ngɔbɔ awuye, ofikyɛ bayera bɛ bɔ ebiala ngora mbɛ nu berɛ ɔ, na bɛnde nyɛmmoa suɛ; ewienu nnomaa yeɛ eburo ngaka koso, banwati bahɔ.

Yeremia 9:16

Maen maen bɔ bɛ ne bɛ nana mɔ bɛttele bɛ nga le ne, so yeɛ ngɔbɔ bɛ ngɔsande ngɔhɔ ɔ; na ngɔsoma ngrandɛ maa okoli bɛ si kɔpem kyɛ ngonua bɛ boso ɔ.”

Hesekiel 19:1

Na wɔ, bɔ Yisrael atitirefoɛ nwo awuye,

Hesekiel 26:17

Na bɛkɔbɔ wɔ nwo awuye bekose wɔ kyɛ, ‘O kuro piri bɔ ale dumaa ɔ, bɔ mmenia bɔ bɛkɔ ɛpo ɔ bɛɛtenane wɔ so ɔ, kuro bɔ né wɔ nwo yɛ se wɔ ɛpo so ɔ, ɛne wɔ nu ama, ɛmɔmane ɛmɔ nwo suronyi tɔle mmenia mukoraa bɔ bɛte berɛ ɔ so.

Hesekiel 27:1

Yeɛ AWURADE lale ye dwirɛ ali bieku hyirele me kyɛ,

Hesekiel 27:32

Bɛ suɛ ne anu, bɛbɔ wɔ nwo awuye, na bɛbɔ wɔ nwo awuye kyɛ, ‘Kuro beni yeɛ né ɔte kyɛ Tiro bɔ afei de wayɛ pasaa wɔ ɛpo nu e?

Hesekiel 28:12

“Sona awa, bɔ Tiro hene nwo awuye, ná se ye kyɛ, AWURADE Nyameɛ nwa nyoo: Né ɛte sona bɔ odi mu paa nwo nhwɛsoɛ, bɔ nworɛ ayi wɔ ti anu tɛkyɛ, ná w’anwonyemene di mu paa ɔ.

Hesekiel 32:2

Sona awa, bɔ Misraim hene Faro nwo awuye, ná se ye kyɛ, “Ebu wɔ nwo kyɛ ɛte maen maen mɔ nu gyata akrɔngrɔma, nakoso ɛte kyɛ bonzu bɔ ɔla ɛpo nu ɔ; ehuru totɔ wɔ w’asue nemɔ anu, ɛfa wɔ gya boro nzue ne, na ɛponda b’asue nemɔ.

Amose 5:1

Ao Yisrael awuro ama, ɛ́mɔtie edwirɛ he bɔ mékã mefa ɛmɔ nwo, bɔ ɔte awuyebɔlɛ ye.

Amose 5:16

Yiti AWURADE, Asafo Nyameɛ, AWURADE, ɔnwa, “Bɛkɔbɔ awuye wɔ dwaa nemɔ amukoraa so, yeɛ bɛkɔkekã ye wɔ atimbire nemɔ amukoraa so kyɛ, ‘Ayaa! Ayaa!’ Na bɛkɔfrɛ kuafoɛ maa bekoosu, ɔne bɛ bɔ bɛse sũ ɔ maa bɛkɔɔbɔ awuye.