Hesekiel 27:12 - AHYERƐLƐ KRONGRON

¹² “W’anwonya pee amukoraa ne ati, Tasise ne wɔ belili dwaa. Bɛfale ɛdwetɛ, buralɛ, kyɛnzee ne sum yeɛ bɛsesane wɔ dwaa nningyein ɔ.

Hesekiel 27:12 Iomraidhean Croise

Gyenesise 10:4

Yawan mma mɔ ole Elisa, Tasise, Kitim ne Dodanim.

1 Ahemvo 10:22

Ofikyɛ né Nana Solomon le Tasise ɛlɛen pee bɔ begua ɛpo so bɛboka Hiram ɛlɛen nemɔ aso ɔ. Afoɛ nza biala, Tasise ɛlɛen pee nemɔ bɛfa esikaa kɔkorɛ, ɛdwetɛ, ɛsoen gye, kondromvi mɔ ne asraen mɔ bɛba.

1 Ahemvo 22:48

Yɛhosafate yɔle Tasise ɛlɛen ne sɛso mɔ kyɛ ɔfa kɔ Ofire ɔkɔfa esikaa kɔkorɛ. Nakoso bangora kɔ, ofikyɛ beetimuni wɔ Esion Gebɛre.

2 Aberɛso Dwirɛ 9:21

Ofikyɛ né Nana Solomon ɛlɛen nemɔ, bɛ ne Huram somvoɛ nemɔ bɛkɔ Tasise. Afoɛ nza biala, Tasise ɛlɛen nemɔ, bɛfa esikaa kɔkorɛ, ɛdwetɛ, ɛsoen gye, kondromvi mɔ ne asraen mɔ bɛba.

Edwein 72:10

Tasise ahemvo ne dedeede aseɛ ahemvo nemɔ, maa betua ndɔ bɛma ye; ma Hyeba ne Seba ahemvo mɔ bɛfa akyɛdeɛ bɛbrɛ ye.

Yesaya 2:16

ɔkɔwa Tasise ɛlɛen amukoraa so, ɔne nu nningyein bɔ bali adwii bayɔ ye nyemene amukoraa so.

Yesaya 23:10

O Tasise awa brasua, yi fa w’aseɛ ne aso kyɛ asue Naele, ofikyɛ ɛlɛen agyinaleɛ biala nne berɛ ko.

Yesaya 23:14

O Tasise ɛlɛen mɔ, ɛ́mɔbɔ awuye, ofikyɛ babubu ɛmɔ anwoserɛ afealeɛ ne.

Yesaya 23:6

O mboanoafoɛ, ɛ́mɔpɛ nu bɛhɔ Tasise! Ɛ́mɔbɔ awuye!

Yesaya 60:9

Amba, supɔ mɔ kɔnwondɛ me, Tasise ɛlɛen mɔ yeɛ bekoli moa ɔ, bɛkɔfa wɔ mma mɔ bekofi dedeede bɛkɔwa bɔ b’ɛdwetɛ ne bɛ sikaa kɔkorɛ boka so, bɔ bɛbaafa bɛhyɛ AWURADE wɔ Nyameɛ dumaa animnyam, ɔne Yisrael Krongronniɛ ne animnyam ɔ, ofikyɛ wahyɛ wɔ animnyam.

Yeremia 10:9

Bɛfa ɛdwetɛ bɔ baboro ye taataa ɔ befi Tasise, yeɛ esikaa kɔkorɛ bɔ ofi Yufase ɔ bɛba. Bɛte adwiililɛfoɛ ne esikaa kɔkorɛ dwumvoɛ bɛ sa noa adwuma. Bɛ ndaadeɛ te bibire ne koogyan, ye mukoraa te adwiililɛfoɛ bɛ sa noa adwuma.

Hesekiel 27:11

Arwadefoɛ ne b’ɛlɔen bɛwɛne wɔ fasue nemɔ bɛbra beyia; Gamadefoɛ bɛwɔ w’abandenden nemɔ anu. Bɛfa b’akokyɛm mɔ besinzesinze wɔ fasue nwo bɛbra beyia, na bɛma w’anwonyemene di mu.

Hesekiel 27:13

Yawan, Tubal ne Meseke bɛ ne wɔ lili dwaa; bɛfale kuro mmenia ne kɔɔbere nningyein yeɛ bɛsesane wɔ dwaa nningyein ɔ.

Hesekiel 27:16

Ɔnate wɔ dwaa nningyein pee ne ati yeɛ Siria ɔne wɔ belili dwaa ɔ. Ɔfale ɛmerade nyɔboɛ, adaabene, ɛtena bɔ bali adwii bagua nu, nwera paa, nyɔboɛ nahanaha ne nyɔboɛ bɔ oli agate yeɛ ɔsesane wɔ dwaa nningyein ɔ.

Hesekiel 27:18

Damasko ne wɔ belili dwaa, ɔnate wɔ dwaa nningyein pee ne, ɔne w’anwonya ahoroɔ mukoraa, Helebon nzaa ne mmoaen nwiaa fufue ne ati.

Hesekiel 27:33

Mmerɛ bɔ né wɔ dwaa nningyein fi ɛpo so ba ne, ɛfa mane maen maen pee maa benyane bɔ bɛpena ɔ; na w’anwonya ne wɔ dwaa nningyein worawora ne, ɛfa mane aseɛ so ahemvo maa benyane bɛ nwo.

Hesekiel 28:16

Ngɔsoɛ wale wɔ dwaalilɛ ne anu maa ɔnate so basabasayɔlɛ yili wɔ nu tɛkyɛ, na ɛyɔle bɔne; yiti ɛkakyili nikyee bɔ ye nwo agua fiɛ ɔ, maa ɔnate so mvindini wɔ mvili Nyameɛ bokaa ne aso. Wɔ, kɛrubo bɔ ɛkataso ɔ, ngɔsɛkye wɔ pasapasa ngofi see nyɔboɛ nemɔ b’afia.

Hesekiel 28:5

Wɔ dwaalilɛ nu nworɛ piri ne, ɛnate so ama w’anwonya asone pee, na w’anwonya ne ama anwomasoɛ awa wɔ nu.

Hesekiel 38:13

Na Hyeba ne Dedan, yeɛ Tasise dwadifoɛ ne ye nguraa nu ama mukoraa bekobisa wɔ kyɛ, ‘Awa kyɛ ɛbaafa koɛ nu nzesadeɛ hɔ ɔ? Aboaboa wɔ lɔen noa kyɛ ɛbaafẽ nningyein kɔ anaa, kyɛ ɛbaasesa ɛdwetɛ ne sikaa kɔkorɛ, nyɛmmoa ne nningyein, ná ɛfa koɛ nu nzesadeɛ pee ɛkɔ anaa?’

Yona 1:3

Nakoso Yona dwɔsole kyɛ ɔnwati fi AWURADE nyunu ɔkɔ Tasise. Ɔhɔle Yopa, na onwuni ɛlɛen bie bɔ ɔkɔ Tasise ɔ. Yiti otuale ye ɛlɛen sikaa ne, na ɔfo ɔtenane nu kyɛ ɔnwati fi AWURADE nyunu ɔne bɛ kɔ Tasise.

Nyekyire 18:12

esikaa kɔkorɛ, ɛdwetɛ, nyɔboɛ bɔ ye nyɔboɛ yɛ se paa ɔ, afire paa, nwera paa, kende, serekye ne ago, mmakaa fonafona amukoraa, nningyein bɔ bafa ɛsoen gye bali adwii bayɔ amukoraa, nningyein bɔ bafa ndaboa paa, kɔɔbere, buralɛ ne nyɔbosanyene bayɔ amukoraa;