Hesekiel 26:4 - AHYERƐLƐ KRONGRON

⁴ Bɛkɔɔsɛkye Tiro fasue nemɔ, na bekobubu ye abandenden nemɔ bekogua. Ngɔprapra so anweaa ne ngofi so, na ngɔmaa ɔkɔyɛ kyɛ nyɔbotaen wosee.

Hesekiel 26:4 Iomraidhean Croise

Yesaya 23:11

Watengyɛ ye sa wahyire ɛpo so, wapusu ahennie mɔ, na AWURADE ahyɛ mmeraa wafa Kanaan nwo, kyɛ bɛsɛkye ye anwoserɛ afealeɛ nemɔ.

Yeremia 5:10

“Ɛ́mɔfo bɛhɔ ye bobe boo nemɔ anu bɛɛsɛkye bɛ, nakoso nnɛma ɛmɔsɛkye ye mukoraa bɔkɔɔ; ɛ́mɔpomba ye maen nemɔ, ofikyɛ nna AWURADE deɛ ɔ.

Hesekiel 26:12

Bɛkɔfa w’anwonyadeɛ bɛkɔyɛ koɛ nu nzesadeɛ, ná bafẽ wɔ dwaa nningyein bafa. Bekobubu wɔ fasue nemɔ bekogua, ná basɛkye wɔ sua nyemenenyemene nemɔ. Na bekofindi wɔ nyɔboɛ mɔ ne wɔ mmakaa ne wɔ nnɛterɛ bekogua nzue ne anu.

Hesekiel 26:9

Ɔkɔfa nikyee bɔ bɛfa bebubu fasue ɔ kɔwa wɔ so, na ɔkɔfa ye akodeɛ kobubu w’abandenden mɔ kogua.

Amose 1:10

Na ngɔto Tiro fasue nu see maa ɔkɔyera ye anwoserɛ afealeɛ nemɔ.”

Sakaria 9:3

Tiro sili anwoserɛ afealeɛ fale, ɔboaboale ɛdwetɛ noa kyɛ mvuture, ɔne sikaa kɔkorɛ paa noa kyɛ mmorɔnoɛ so nnɛterɛ.