Hesekiel 26:17 - AHYERƐLƐ KRONGRON

¹⁷ Na bɛkɔbɔ wɔ nwo awuye bekose wɔ kyɛ, ‘O kuro piri bɔ ale dumaa ɔ, bɔ mmenia bɔ bɛkɔ ɛpo ɔ bɛɛtenane wɔ so ɔ, kuro bɔ né wɔ nwo yɛ se wɔ ɛpo so ɔ, ɛne wɔ nu ama, ɛmɔmane ɛmɔ nwo suronyi tɔle mmenia mukoraa bɔ bɛte berɛ ɔ so.

Hesekiel 26:17 Iomraidhean Croise

2 Samuel 1:19

“O Yisrael, w’animnyam mɔ yeɛ bahu bɛ bagua asɔneyɛɛ mɔ so dɔ ye! Yieee, katakyie mɔ baho batɔ!

Yesaya 14:12

“O, Alehyeleɛ Nzramaa, Alebahyene ɔwa, ɛtetɔlɛ yeɛ efi nyameɛso ate atɔ ase sɔaa e! Wɔ bɔ elili maen maen mɔ so ngonim ne, aseɛnwo yeɛ bafindi wɔ bato sɔaa ye!

Yesaya 23:4

O Sidon, ɛpo nu anwoserɛ afealeɛ, maa ɔyɛ wɔ nya, ofikyɛ ɛpo nwa: “Mmvole aworɛ so le, yeɛ nnwole baa le, nndetele mmerandeɛ le, yeɛ nndetele ndaluwa le.”

Yesaya 23:8

Tiro bɔ osi ɛhene mɔ, bɔ ye dwadifoɛ te nnehyeɛ, bɔ ye dwadifoɛ te mmeni titire wɔ wiase ɔ, nwa yeɛ ɔyɔle sɔ nhyehyɛleɛ ne tiale wɔ ye?

Yeremia 48:39

Nea kyɛbɔ basi badwiri ye bagua ase ɔ! Nea kyɛbɔ besi bɛbɔ awuye ɔ! Nea kyɛbɔ Moabo le animguaseɛ wakakyi ye kɔme asi ɔ! Yiti Moabo ayɛ ngorohoɛ nikye ne anwodwiri nikye wɔ bɛ bɔ bapɛ ye nwo bayia amukoraa bɛ nye so.

Yeremia 50:23

Aseɛ ye amukoraa so bɔsobaka ne, nea kyɛbɔ basi bapepɛ nu babubu nu ɔ! Nea kyɛbɔ Babilɔn wayɛ maen maen mɔ nu kurofoen ɔ!

Yeremia 6:26

Ao, me maen awa brasua, kera ɛsɛen tena, munumunu wɔ nwo wɔ nzoen nu, ná sũ hahii kyɛ esu bahorɛ ɔ, bɔ awuye yealɛ paa, ofikyɛ mvum nu yeɛ sɛkyefoɛ ne kɔwa yɛ so ɔ.

Yeremia 7:29

Tete wɔ ti nwiaa gyi gua; bɔ awuye wɔ mmokaa pralaa nemɔ aso, ofikyɛ aworɛ ndoatoasoɛ bɔ bahu AWURADE ahone ne, wapo bɛ waye ye sa wafi bɛ bo.’

Yeremia 9:20

Ao mmrasua mɔ, ɛ́mɔtie AWURADE dwirɛ ne, ná ɛ́mɔyɛ asoɛ bétie ye noa dwirɛ ne; ɛmɔhyirehyire ɛmɔ mma mmrasua mɔ ɛsɛen dwein, ná ebiala ohyire obiɛngo awuyebɔlɛ.

Awuye 1:1

Ao, kuro bɔ né mmenia ayɛ nu mitimiti ne, ye yeɛ afei waha ye ngome e! Kuro bɔ né odi mu wɔ maen maen mɔ nu ne, ye yeɛ afei wakakyi kyɛ kunaniɛ ye! Kuro bɔ né odi maen maen mɔ so hemmaa ne, ye yeɛ afei de bede ye ndɔ e!

Hesekiel 19:1

Na wɔ, bɔ Yisrael atitirefoɛ nwo awuye,

Hesekiel 19:14

Na see afi bakaa ne anu, waatɔ ye mmaen nemɔ anu, ɔne ye mma ne anu wayera bɛ. Yiti mmaen serɛserɛ biala nne berɛ ko bɔ ɔkɔyɛ ahemvo mɔ bɛ hɔtɔ ɔ. Ɛhe te awuyebɔlɛ, na waayɛ awuyebɔlɛ.

Hesekiel 32:16

Awuye he yeɛ bɛkɔfa bekosu ye ɔ: Maen maen mmaa mmrasua mɔ bekosu ye; bekosu Misraim ne ye lɔen worawora ne amukoraa, AWURADE Nyameɛ noa dwirɛ ɛne.”

Hesekiel 32:2

Sona awa, bɔ Misraim hene Faro nwo awuye, ná se ye kyɛ, “Ebu wɔ nwo kyɛ ɛte maen maen mɔ nu gyata akrɔngrɔma, nakoso ɛte kyɛ bonzu bɔ ɔla ɛpo nu ɔ; ehuru totɔ wɔ w’asue nemɔ anu, ɛfa wɔ gya boro nzue ne, na ɛponda b’asue nemɔ.

Hesekiel 32:23

Bapɛ b’asieleɛ ne bato ɛborɔ kumaa ne abo dɔ paa, na ye lɔen ne apɛ ye asieleɛ ne nwo bayia. Bahũ bɛ mukoraa, batotɔ ngrandɛ noa, bɛ bɔ bɛmane ahunundetelɛ tɔle mmenia so wɔ ateasefoɛ aseɛ so ne.

Hesekiel 32:27

Na bɛmbɛ-bɛ-bienzuafoɛ anwoserɛfoɛ bɔ batotɔ, bɔ bɛfale b’akodeɛ bɛhɔle ɛborɔ, bɔ bɛfale bɛ ngrandɛ besiele bɛ, bɔ b’amumuyɛɛ ahã bɛ mmowue ne, bɛ ne bɛ ngɔla ngɔbɔ nu; ɔwɔ nu kyɛ anwoserɛfoɛ nemɔ bɛmane bɛ nwo suronyi tɔle mmenia so wɔ ateasefoɛ aseɛ so de.

Yoel 1:18

Nea kyɛbɔ nyɛmmoa nemɔ bɛpenepene ɔ! Nandwie kure nemɔ bɛteetee, ofikyɛ bennya aleɛ benni; amba, mmoaen kure nemɔ benwu amaneɛ.

Obadia 1:5

Sɛ awuefoɛ bɛba wɔ so, sɛ awerɔm awuefoɛ bɛba wɔ so kɔngɔen a, (nea kyɛbɔ basi bayɛ wɔ pasaa ɔ!) aso bengowua alaa bɔ bɛ kunu kuro ɔ? Sɛ bobe telɛfoɛ nemɔ bɛba wɔ bobe boo nu a, aso ahaa bɛngɔyakyi bobe si ne bie wɔ so?

Mika 2:4

Sɔ kyẽa ne, bekobu anyandera bɛkɔfa ɛmɔ nwo, ná basu babɔ awuye yeayea bahã kyɛ, “Edwirɛ piri ato yɛ oo! Wafa me maen agyapadeɛ ne bie oo! Nea kyɛbɔ wale wafi me sa nu ɔ! Wahyɛ yɛ boo mɔ wama bɛ bɔ bahye yɛ nnure ne.

Sefania 2:15

Anwomasoɛ kuro bɔ né ye so anu atɔ ye ne, ye ɛne oo, ye bɔ osele ye nwo kyɛ, “Me ɛne, ebiala nne berɛ ko bɔ ɔte kyɛ me ɔ” ne. Nea kyɛbɔ wasi wakakyi kurofoen ɔ, kyɛbɔ wakakyi ngaka dabea ɔ! Ebiala bɔ ɔkɔpɛ nu berɛ ne, ɔkɔwoso ye ti kosobi ye noa.

Yosua 19:29

Ɛwɛen ne nate Rama alaa kodwu kuro Tiro bɔ bato ye nwo fasue ne. Afei ɔkondo kɔ Hosa, na ye noa kɔpem ɛpo ne. Nguro hemɔ boka so: Mahalabo, Akisibo,