Hesekiel 26:16 - AHYERƐLƐ KRONGRON

¹⁶ Na afei, ɛpo so ahemvo amukoraa bekodwu ase bekofi b’ahennie bia so, bekopuropuro bɛ ndaadeɛ aguasoɛ, na bekodwa bɛ ndena bɔ bali adwii bagua nu ɔ bekogua berɛ. Ahunundetelɛ kɔtɔ bɛ so, bekopofo aseɛnwo, bɛ nwo kɔwoso bɛ mmerɛ biala, na ɔnate wɔ ti, bɛ nwo kodwiri bɛ.

Hesekiel 26:16 Iomraidhean Croise

YOB NWOMAA NE 8:22

Animguaseɛ kɔmata wɔ pɔfoɛ mɔ, na amumuyɛɛfoɛ awuro kɔbɔ tɔɔ.”

Edwein 109:18

Ɔfale amoenwaa yɛle kyɛ ataadeɛ wurale, yiti maa ɔmeme hɔ ye nwonaen nu kyɛ nzue, kyɛ ngoo oowura ye mmowue nu.

Edwein 109:29

Ma me pɔfoɛ mɔ bɛfa nyanzoen bɛhera, ma bɛ bɔbɔ b’animguaseɛ owura bɛ kyɛ ataadeɛ.

Edwein 132:18

Ngɔfa animguaseɛ ngɔhera ye pɔfoɛ mɔ, nakoso ye de, ye ahennie abotire bɔ ɔbɔ ye ne, ɔkɔta hyireinn.”

Edwein 35:26

Bɛ bɔ bedi ahurusi wɔ m’anwokyere mmerɛ nu ne, ma bɛ mukoraa bɛ nyunu ogua ase, ná bɛfɛre; bɛ bɔ bɛmoma bɛ bati so bekyire me ne, maa bɛfa animguaseɛ ne nyanzoen bɛhera.

Ɛksadɔso 15:15

Afei Edom ahemvo mɔ babɔ fuin; ɛserɛ aha Moabo atitirefoɛ; na bɛ bɔ bɛte Kanaan amukoraa b’ahone atu.

Yesaya 3:26

Ye pambim nemɔ kosũ kɔbɔ awuye, bɛkɔla berɛ too, na kuro ne kɔtɔ ase.

Yesaya 41:5

Supɔ mɔ banwu bɔ mayɔ ɔ, na besuro, aseɛ noa dɔ paa nwo wosowoso ye, bapingye wa, bawa.

Yesaya 47:1

Dwu bra baatena asefuo nu, O, Babilɔn awa brasua ababunu, tena aseɛnwo berɛ bɔ engonya ahennie bia ngɔtena so ɔ, O Kaldeafoɛ bɛ wa brasua, ofikyɛ bɛngɔfrɛ wɔ brasua nomenome ne sokoo ko.

Yesaya 52:2

O Yerusalem bɔ bahye wɔ nnure ɔ, dwɔso poroporo wɔ nwo mvuture ne! O Sion awa brasua bɔ bahye wɔ nnure ɔ, nyangye ngɔnzɔngɔnzɔ bɔ bafa bagua wɔ kɔme ne!

Yeremia 48:39

Nea kyɛbɔ basi badwiri ye bagua ase ɔ! Nea kyɛbɔ besi bɛbɔ awuye ɔ! Nea kyɛbɔ Moabo le animguaseɛ wakakyi ye kɔme asi ɔ! Yiti Moabo ayɛ ngorohoɛ nikye ne anwodwiri nikye wɔ bɛ bɔ bapɛ ye nwo bayia amukoraa bɛ nye so.

Awuye 2:10

Sion awa brasua ye mbanyi mɔ bɛtete ase, na bayɛ konn. Bafa mvuture bagua bɛ ti so, na baherahera ɛsɛen tena. Yerusalem ababunu nemɔ, basisi bɛ ti ase.

Hesekiel 16:10

Mvale ɛtena bɔ bali adwii bagua nu ɔ ngerale wɔ, na mvale nwomaa mbaboa nwurale wɔ; yeɛ mvale nwera paa ne kende ngatale wɔ nwo.

Hesekiel 26:21

Ngɔma w’ayieleɛ kɔyɛ suronyisuronyi, na wɔ boso komini. Bɛkɔpena wɔ boso de, nakoso bengonwu wɔ ko le, AWURADE Nyameɛ noa dwirɛ ɛne.”

Hesekiel 28:17

W’anwonyemene ti ɛyɛle anwomasoɛ, wɔ talɛ bɔ ɛta ti ɛsɛkyele wɔ nworɛ. Yiti mvindini wɔ ndole ase, nguale wɔ nyunu ase wɔ ahemvo mɔ bɛ nyunu, maa betuli bɛ nye beguale wɔ so.

Hesekiel 31:15

“AWURADE Nyameɛ nwa nyoo: Kyẽa bɔ owuli hɔle ɛborɔ dɔ ne, mmaa besuni ye. Ɔnate ye ti, ngatale buma ne aso, na mamma ye nzue ne wanze. Nzili ye nzue pembepembe ne ate; na ɔnate ye ti, mama Lebanon ahera ɛsɛen tena; na ɔnate ye ti, eburo mmakaa mukoraa bɛ nwo tole.

Hesekiel 32:10

Ɔnate wɔ ti ngɔma maen maen pee bɛ nwo kodwiri bɛ; na mmerɛ bɔ ngɔnwaha me ngrandɛ wɔ bɛ nyunu ne, ɔnate wɔ ti awɔse kogua b’ahemvo mɔ. Na kyẽa bɔ ɛkɔtɔ ase ne, bɛ nwo kɔwosowoso bɛ, bɔ ebiala kɔpena ye ti ngoa ɔ.

Hesekiel 7:27

Ɛhene ne koli yealɛ, aworabɔlɛ kotira atitirefoɛ, na aseɛ ne aso ama mɔ b’abasa nu kodwo. Ngotua bɛ so kerɛ kyɛbɔ bɛ yɔleɛ te ɔ, bɔ bayɔ ɔ so yeɛ ngogyina ngɔhwe bɛ so ɔ, na bekonwu ye kyɛ me ole AWURADE.”

Hesekiel 7:8

Ɔngɔhyɛ biala, ngɔma m’ahone bɔ wahu ne kɔwa wɔ so, ngɔfɛ wɔ so yaa, ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Daniel 5:6

Yeɛ ɛhene ne nyunu tole, ye nwo dwirili ye, ye nwo yɛle ye hodwoo, na ye nangoroma kekã bɔle nu biribiribiri.

Hosea 11:10

Bekoli AWURADE si. Afei ɔkɔbobɔ nu kyɛ gyata, na sɛ ɔbobɔ nu a, ye mmaa mɔ kofi eyia atɔleɛ bɛkɔwa bɔ bɛ nwo wosowoso bɛ ɔ.

Yona 3:6

Na Ninewe hene tele edwirɛ bɔ wasi nen, ofili ye ahennie bia so dwɔsole, odwale ye ataadeɛ aguasoɛ guale, ɔfale ɛsɛen tena herale, na ɔtenane nzoen nu.

Hagae 2:22

Ngogu ahennie mɔ bɛ bia mɔ bɔkɔɔ; ngɔsɛkye maen maen mɔ b’ahennie anwoserɛ; ngɔhã teaseɛnam mɔ ne teaseɛnamhanɛfoɛ mɔ ngogua; mbɔngɔ ne pɔngɔhanɛfoɛ nemɔ kofifi ase, na ebiala kɔtɔ wɔ obiɛngo ngrandɛ noa.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

Nyekyire 18:9

Na aseɛ so ahemvo mɔ bɔ bɛne ye bɔle adwaman ná bɛne ye gyele bɛ nye anwonya nu ne, sɛ benwu nwosina bɔ ofi ye yeralɛ ne anu a, bɛkɔbɔ ye nwo awuye ná basu ye.