Hesekiel 26:14 - AHYERƐLƐ KRONGRON

¹⁴ Ngɔmaa ɛkɔkakyi nyɔbotaen wosee; ɛkɔyɛ nekaa bɔ bɛworɛ asawu nu ɔ; bɛngɔkyekye wɔ (nguro nemɔ) ko, ofikyɛ me, AWURADE, me yeɛ mahã ɔ. AWURADE Nyameɛ noa dwirɛ ɛne.

Hesekiel 26:14 Iomraidhean Croise

YOB NWOMAA NE 12:14

Sɛ odwiri nikyee gua a, ebiala ngɔhora ngosa ngosi, sɛ ɔto sona kuku nu a, ebiala ngɔhora ye bukye.

YOB NWOMAA NE 40:8

Ɛnwa nzɛ mebua ndɛengyea anaa? Ebua me fɔ maa wɔ de edi be anaa?

Yesaya 14:27

Asafo AWURADE ayɛ ye adwene, na nwa yeɛ ɔkɔhora kɔbɔ kogua ɔ? Watengyɛ ye sa nu, na nwa yeɛ ɔkɔhora kɔhwe ye sa ne kosa nziɛ ɔ?

Yesaya 23:12

Na wahã kyɛ, “O Sidon awa brasua, ababunu bɔ bɛhyɛ wɔ so ɔ, ɛngɔhɔ so ngoli ahurusi ko, dwɔso, pɛ nu kɔ Kitim, na dɔ po, engonya wɔ nwome ngole.”

Hesekiel 21:32

Bɛkɔfa wɔ bɛkɔkakyi eyein bekohua see, bɛkɔhã wɔ mogya bekogua wɔ aseɛ ne aso, na bɛngɔkaye wɔ ko, ofikyɛ me, AWURADE, me yeɛ mahã ɔ.’ ”

Hesekiel 22:14

Kyẽa bɔ me ne wɔ yɛkoli ye weewee so ne, aso ɛkɔhora kosi wɔ hue, anaa ɛkɔhora kogyina ye noa’? Me, AWURADE, me yeɛ mahã ɔ, na ngɔyɔ koso.

Hesekiel 26:12

Bɛkɔfa w’anwonyadeɛ bɛkɔyɛ koɛ nu nzesadeɛ, ná bafẽ wɔ dwaa nningyein bafa. Bekobubu wɔ fasue nemɔ bekogua, ná basɛkye wɔ sua nyemenenyemene nemɔ. Na bekofindi wɔ nyɔboɛ mɔ ne wɔ mmakaa ne wɔ nnɛterɛ bekogua nzue ne anu.

Hesekiel 30:12

Ngɔma asue Naele nu nzue kɔwewe, na ngɔyɛ aseɛ ne atɔen ngɔma nzɛmmɔnefoɛ. Ngɔfa ɛwɔfoɛ mɔ so ngɔsɛkye aseɛ ne ɔne so nningyein pasaa; me, AWURADE, yeɛ mahã ɔ.

Hesekiel 47:10

Bekogyina ɛpo ne noa fi Ɛn Gedi bɔ ɔkwaadwu Ɛn Englaim, na berɛ yeɛ bɛkɔworɛ asawu mɔ nu ɔ. Nu naen mɔ kɔyɛ ahoroɔ pee, kyɛ ɛpo piri nu naen ahoroɔ pembepembe ne ala.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Hesekiel 5:15

Na sɛ mebua wɔ ndɛen wɔ ahonehulɛ ne anyeborolɛ so, ná metwe wɔ so serɛserɛ a, ɛkɔkakyi animguaseɛ, ngorohoɛ nikye, kɔkɔbɔlɛ ne edwirɛ nwanwa kɔma maen maen bɔ bapɛ wɔ nwo bayia nemɔ; me AWURADE, me yeɛ mahã ɔ.

Hesekiel 5:17

Ngɔsoma ɛhɔen piri ne ngaka aboyaa maa bɛkɔwa ɛmɔ so, bɛkɔma ɛmɔ mma mɔ bekofi ɛmɔ sa, ɛmɔkonwu ewue anwonyerɛ ne mogya, na ngɔfa ngrandɛ ne ngɔwa ɛmɔ so. Me, AWURADE, me yeɛ mahã sɔ ɔ.”

Malaki 1:4

Na sɛ Edom kã kyɛ, “Babɔ yɛ maen ne de, nakoso yɛkosa yɛkosi bɔ badwiri bagua ne” a, bɔ Asafo AWURADE ɔkã ole kyɛ, “Bekosi de, nakoso ngodwiri ngogua. Na mmenia kɔto bɛ dumaa kyɛ, “Amumuyɛɛfoɛ maen,” ne “Maen bɔ AWURADE afɛ bɛ so yaa afebɔɔ ɔ.”

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Mateo 24:35

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Deuteronomi 13:16

Koɛ nu nzesadeɛ bɔ ekonya ye kuro ne anu ne, boaboa ye mukoraati noa wɔ dwaaso, ná afei fa see yera kuro ne ɔne nu nzesadeɛ ne ma ɔyɛ afɔleɛ mumua yeralɛ ma AWURADE wɔ Nyameɛ. Na ɔkɔyɛ kurofoen, bɔ bɛngɔkyekye ye ko le ɔ.