Hesekiel 24:9 - AHYERƐLƐ KRONGRON

⁹ Yiti AWURADE Nyameɛ nwa nyoo: Awuelilɛ kuro, wɔ yaakɔ! Me koso ngɔboaboa nwuaka ne noa maa ɔkɔhɔ anwuro.

Hesekiel 24:9 Iomraidhean Croise

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

Yesaya 31:9

Ɛserɛ kɔmaa ɔkɔnwati kofi ye anwoserɛ afealeɛ nu, yeɛ ahunundetelɛ kɔma ye safohene mɔ bɛkɔnwati bɛkɔyakyi bɛ frangaa berɛ.” AWURADE bɔ ye see wɔ Sion, bɔ ye foonoo wɔ Yerusalem ne, ye noa dwirɛ ɛne.

Hesekiel 21:2

“Sona awa, fa wɔ nye kyire Yerusalem, ná kã dwirɛ fa nekaa krongron nemɔ anwo; hyɛ ngɔm tia Yisrael aseɛ ne,

Hesekiel 21:3

ná se Yisrael aseɛ ne kyɛ, AWURADE nwa nyoo: Tie, meko metia wɔ, ngɔhwe me sɛpɔ ne ngofi ye bɔha nu, na teneneefoɛ oo, bɔnefoɛ oo, ngonua bɛ boso ngofi wɔ nu.

Hesekiel 22:2

Wɔ, Sona awa, ekobua ndɛen anaa, ekobua awuelilɛ kuro ne ndɛen anaa? Nzaade maa onwu ye akyiwadeɛ bra bɔ wabɔ amukoraa.

Hesekiel 22:31

Yiti mama m’ahone ahu bɛ so piri paa, mafa m’anyeborolɛ see ne mayera bɛ, na mama bɛ yɔleɛ abɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 24:10

Fa eyein pee guagua so, maa see ne ogye, ma naen ne ɔbe paa, kã nu ma ɔfra, ná ma mmowue ne ɔyera.

Hesekiel 24:5

Mmoaen nemɔ, ye nu ko bɔ walɔ paa ne, kua see wɔ kukue ne abo; to naen ne ma ɔbe paa, ná to ye mmowue ne koso wɔ nu ma ɔbe.

Hesekiel 24:6

“Yiti AWURADE Nyameɛ nwa nyoo: ‘Awuelilɛ kuro, wɔ yaakɔ! Wɔ bɔ ɛte dadesɛn bɔ nu ali naakye, bɔ ye naakye ne omvi nu ɔ! Yeye naen porɛ porɛ ne fi nu ngoko ngoko, bɔ ɛngɔpa nu ngɔyakyi bie ɔ.

Nahum 3:1

Awuelilɛ kuro, wɔ yaakɔ oo! Ngondombo ne awerɔm awue yeɛ wayi ye to ɔ, apaabɔlɛ bo ɔngɔpɛ wɔ ye nu.

Habakuku 2:12

Sona bɔ ɔnate mogya hãgualɛ so ɔkyekye kuro, ná ɔnate amumuyɛɛ so ɔma kuro bo tindim ne, ye yaakɔ!

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

Yuda 1:7

Na sɔ ala yeɛ Sodom ne Gomora ne nguro bɔ bapɛ bɛ nwo bayia, bɔ bɛyɛle kyɛ ɛhemɔ, bɔ bɛlɔle asukɔ wɔ adwamanbɔlɛ nu, ná bɛbɔle nnaa nu musue ne, bafa bɛ bayɛ see afebɔɔ nwo nhwɛsoɛ bato berɛ ɔ.

Nyekyire 14:20

Na betiatiale bobe mmaa ne aso wɔ kumaa bɔ betwi nzaa wɔ nu ne anu, wɔ kuro ne bondua, na mogya fili kumaa bɔ betwi nzaa wɔ nu ne anu hɔle anwuro oodwuli pɔngɔ tendenn, na ɔtengyɛle hɔle kɔyɛ kwanzii ɛyaa nyɔ.

Nyekyire 16:19

Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.

Nyekyire 16:6

Na ɔnate kyɛ bahwie anwoteefoɛ ne ngɔmhyɛlɛfoɛ mogya bagua ne ati, wɔ koso ama bɛ mogya maa bano, na bɔ ɔfata bɛ hɔ ɛne.”

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”