Hesekiel 24:8 - AHYERƐLƐ KRONGRON

⁸ Na mogya bɔ wahã wagua ne, mafa magua nyɔbotaen wosee so, kyɛbɔ so ngɔkata ɔ, amaa ɔnate so m’ahone ahu, ná matɔ so wereɛ.

Hesekiel 24:8 Iomraidhean Croise

2 Ahemvo 22:17

Ofikyɛ bapo me, bayera ɛyɛɛ bama nyameɛ foforɛ mɔ, na ɔnate so bafa bɛ sa noa adwuma amukoraa bahu m’ahone. Yiti mafɛ maen ye aso yaa, bɔ m’ahone ngodwo ɔ.

2 Ahemvo 24:4

ɔne mogya bɔ odi be bɔ ɔhã guale ne ati. Ofikyɛ ɔhane mogya bɔ odi be ɔ guale wɔ Yerusalem nu amukoraa, na né AWURADE ayɛ ye adwene kyɛ ɔngɔfa sɔ bɔne ne ngɔhyɛ.

2 Aberɛso Dwirɛ 34:25

Ofikyɛ bapo me, bayera ɛyɛɛ bama nyameɛ foforɛ mɔ, na ɔnate so bafa bɛ sa noa adwuma mukoraa bawura me apue. Yiti mafɛ maen ye aso yaa piri paa, bɔ m’ahone ngɔtɔ nzue nu ɔ.

Yesaya 26:21

Ofikyɛ AWURADE fi ye atenaleɛ berɛ ɔ́ba, kyɛ aseɛ so ama b’amumuyɛɛ ti ɔbaahwe bɛ so. Aseɛ kɔma mogya bɔ bahã bagua so ɔ nwo kɔla ali, na ɔngɔfa bɛ bɔ bahu bɛ wɔ so ne ngɔfea ko.

Yeremia 7:18

Ngwadaa bubu eyein, seɛ mɔ sɔ see, na mmrasua mɔ fete mɔle bɛfa bɛto taterɛ bɛma bosoen bɔ bɛfrɛ ye Nyameɛso Hemmaa ne; na behwie anonneɛ afɔleɛ bɛma mmosoen foforɛ mɔ bɛfa bewura me apue.

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Hesekiel 22:4

Ɔnate wɔ mogya bɔ ahã agua ne ati, edi fɔ; na afa wɔ mmosoen bɔ ayɔ ne agua wɔ nwo fiɛ. Ama wɔ kyẽa ne apingye, na w’afoɛ nemɔ b’ayieleɛ ne adwu. Yiti, mamaa ayɛ nyanzoen nikyee wɔ maen maen mɔ bɛ nyunu, ɔne ngorohoɛ nikyee wɔ aseɛ amukoraa so.

Hesekiel 23:45

Nakoso mmienzua bɔ bɛtengyɛ ne, bekobua Ohola ne Oholiba ndɛen, kyɛbɔ bebua agyaasɛkyelɛ mmrasua bɔ bɛkã mogya begua ɔ ndɛen ɔ; ofikyɛ bɛsɛkye agyaa, na bahã mogya bagua.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Sefania 1:17

Ngɔma aworabɔlɛ kɔto mmenia bɔ ɔkɔmaa bɛkɔnate kyɛ anyesiniwaafoɛ ɔ, ofikyɛ bayɔ bɔne batia AWURADE; bekogyi bɛ mogya bekogua kyɛ mvuture, na bekogyi bɛ nwonaen ne bekogua kyɛ bondua.

Mateo 7:2

ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

Nyekyire 18:16

“Yaakɔ oo, yaakɔ oo! Kuro piri bɔ né ɔhera nwera paa, kende ne ago, ná ɔfa sikaa kɔkorɛ, mbembenanneɛ ne afire paa siesie ye nwo ɔ!