Hesekiel 24:7 - AHYERƐLƐ KRONGRON

⁷ Ofikyɛ mogya bɔ wahã wagua ne, ɔtɛwɔ nu, ɔhã guale wɔ nyɔbotaen wosee so, wanhwie wangua aseɛnwo maa anweaa angata so.

Hesekiel 24:7 Iomraidhean Croise

1 Ahemvo 21:19

Se ye kyɛ, “AWURADE nwa, ‘Ali awue yeɛ asa afa agyapadeɛ ɔ?’ Ka kyire ye kyɛ, ‘AWURADE nwa: Nekaa bɔ ngyea bɛtafele Nabɔto mogya ne, berɛ ala yeɛ ngyea kɔtafe wɔ koso wɔ mogya deɛ ɔ.’ ”

YOB NWOMAA NE 16:18

“Oo aseɛ, nnɛkata me mogya so, nnɛma me sufrɛ ne ye bo pɛ.

Yesaya 26:21

Ofikyɛ AWURADE fi ye atenaleɛ berɛ ɔ́ba, kyɛ aseɛ so ama b’amumuyɛɛ ti ɔbaahwe bɛ so. Aseɛ kɔma mogya bɔ bahã bagua so ɔ nwo kɔla ali, na ɔngɔfa bɛ bɔ bahu bɛ wɔ so ne ngɔfea ko.

Yesaya 3:9

Kyɛbɔ basi bayɛ bɛ nyunu ne, odi adanzeɛ tia bɛ, bɛbɔ bɛ bɔne nwo dawure kyɛ Sodom, bɛmva bɛmvea. Bɛ kra yaakɔ! Ofikyɛ bahwehwe musue babrɛ bɛ nwo.

Yeremia 2:34

Ehiafoɛ bɔ bedi be ɔ, bɛ mogya yeɛ wayɛ wɔ ndaadeɛ nu ɔ, ɔwɔ nu kyɛ angye bɛ kyɛ betu anoa bo de, nakoso ɛhe amukoraa si ne,

Yeremia 6:15

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Hesekiel 22:4

Ɔnate wɔ mogya bɔ ahã agua ne ati, edi fɔ; na afa wɔ mmosoen bɔ ayɔ ne agua wɔ nwo fiɛ. Ama wɔ kyẽa ne apingye, na w’afoɛ nemɔ b’ayieleɛ ne adwu. Yiti, mamaa ayɛ nyanzoen nikyee wɔ maen maen mɔ bɛ nyunu, ɔne ngorohoɛ nikyee wɔ aseɛ amukoraa so.

Hesekiel 23:45

Nakoso mmienzua bɔ bɛtengyɛ ne, bekobua Ohola ne Oholiba ndɛen, kyɛbɔ bebua agyaasɛkyelɛ mmrasua bɔ bɛkã mogya begua ɔ ndɛen ɔ; ofikyɛ bɛsɛkye agyaa, na bahã mogya bagua.

Lewitikɔso 17:13

Na Yisraelniɛ biala anaa ɛwɔfoɛ biala bɔ waatena ɛmɔ nu ne, sɛ oku kaka anaa anomaa biala bɔ bedi a, odi kyɛ ohwie ye mogya gua ase ná otu nnɛterɛ kata so.

Sefania 1:17

Ngɔma aworabɔlɛ kɔto mmenia bɔ ɔkɔmaa bɛkɔnate kyɛ anyesiniwaafoɛ ɔ, ofikyɛ bayɔ bɔne batia AWURADE; bekogyi bɛ mogya bekogua kyɛ mvuture, na bekogyi bɛ nwonaen ne bekogua kyɛ bondua.

Deuteronomi 12:16

Nakoso ye mogya ne ngome yeɛ nnɛma ɛmɔdi ɔ; hwie gua aseɛnwo kyɛ nzue.

Deuteronomi 12:24

Nnɛdi mogya ne. Hwie gua aseɛnwo kyɛ nzue.