Hesekiel 24:3 - AHYERƐLƐ KRONGRON

³ Bu ɛlɔenyɛlɛ abusua ne anyandera, ná se bɛ kyɛ, AWURADE Nyameɛ nwa nyoo: Fa kukue ne sie see so, fa sie so, hwie nzue gua nu;

Hesekiel 24:3 Iomraidhean Croise

2 Ahemvo 4:38

Elisa sa wale Gilgal. Sɔ mmerɛ ne, né ɛhɔen ape maen ne anu. Mmerɛ bɔ ngɔmhyɛlɛfoɛ fekue ne bɛtete Elisa nyunu berɛ ne, osele ye somvoɛ ne kyɛ, “Fa turonzemaa piri ne sie see so, na yɛ turoo ma ngɔmhyɛlɛfoɛ fekue ne.”

Edwein 78:2

Ngobukye me noa ngobu anyandera. Ngɔhã tete dwirɛ bɔ ye bo telɛ yɛ se ɔ,

Yesaya 1:2

O nyameɛso, ɛ́mɔtie, O aseɛ, ma wɔ so bra wa! Ofikyɛ AWURADE nwa nyoo: “Matete ngwadaa manea bɛ so maa banyi, nakoso bayɛ me nwo lɔen.

Yesaya 29:2

nakoso ngɔma Ariɛl kɔhɔ anwokyere nu, ɔkɔyɛ esuɛ ne awuyebɔlɛ, na ɔkɔyɛ kyɛ Ariɛl kɔma me.

Yesaya 30:1

AWURADE nwa nyoo, “Mmaa bɔ bayɛ lɔen, bɛ yaakɔ, bɛbɔ porɛ bɔ nna me nhyehyɛleɛ ahɔ ɔ, bɛyɛ apam bɔ me sunzum mvoa so ɔ, bɛyɔ bɔne bɛtoatoa bɔne so.

Yesaya 30:9

Ofikyɛ bɛte maen bɔ bɛyɛ lɔen ɔ, mmaa nnakannakafoɛ, mmaa bɔ bɛnyɛ sotie bɛmma AWURADE mmeraa ɔ.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Yeremia 1:13

AWURADE lale ye dwirɛ ali hyirele me ye pɛen nyɔ so, na obisale me kyɛ, “Bɔ enwu ye e, nzikyɛ ɛne?” Na mmuale kyɛ, “Menwu kukue bɔ ohu, bɔ ye noa kyire sorɔ dɔ ɔ.”

Yeremia 1:14

Yeɛ AWURADE sele me kyɛ, “Sorɔ dɔ yeɛ musue kofi kɔwa aseɛ ne aso ama mukoraa bɛ so ɔ.

Hesekiel 11:11

Sɔ kuro he ngɔyɛ ɛmɔ turonzemaa, yeɛ ɛmɔngɔyɛ naen wɔ nu; na ngobua ɛmɔ ndɛen wɔ Yisrael wɛen so.

Hesekiel 11:3

Bɛ yeɛ bɛnwa: ‘Mmerɛ bɔ bɛfa besisi sua ne onnya oddwuli. Kuro he ole turonzemaa ne, yeɛ yɛ ole naen ne.’

Hesekiel 11:7

Yiti AWURADE Nyameɛ nwa nyoo: Mmenia bɔ ɛmɔahũhũ bɛ bagua nu ne, bɛ ole naen ne, yeɛ kuro he ole turonzemaa ne; nakoso ɛmɔ de, ngotu ɛmɔ ngofi nu.

Hesekiel 12:2

“Sona awa, abusua bɔ bayɛ lɔen ɔ yeɛ ɛte bɛ nu ɔ. Bɛte mmenia bɔ bele anyeɛ bɔ odi kyɛ onwu nikye, nakoso bennwu nikye; bele asoɛ bɔ odi kyɛ ɔte dwirɛ, nakoso bɛnde dwirɛ, ofikyɛ bɛte ɛlɔenyɛlɛ abusua.

Hesekiel 12:25

Ofikyɛ me ole AWURADE: ngodwudwo, na edwirɛ bɔ ngɔhã ne yeɛ ɔkɔwa nu ɔ. Mengɔtwetwe me gya ase wɔ edwirɛ ne anwo. Ofikyɛ, ɛlɔenyɛlɛ abusua, ɛmɔ aberɛ so, ngɔhã edwirɛ ne, na ngɔyɔ, AWURADE Nyameɛ noa dwirɛ ɛne.”

Hesekiel 17:12

“Bisa ɛlɔenyɛlɛ abusua ne kyɛ, Aso ɛmɔnde ɛhemɔ abo hɔ ɔ? Kã kyɛ, Ɛ́mɔtie, Babilɔn hene wale Yerusalem, ɔhyehyele nu hene ne nu atitire, na ɔsesale bɛ hɔle Babilɔn.

Hesekiel 17:2

“Sona awa, kã Nana Nyameɛ nikyee bie bɔ ɔwɔ berɛ ɔ nwo dwirɛ, ná ka mvandoho dwirɛ kyire Yisraelfoɛ.

Hesekiel 2:2

Na mmerɛ bɔ odwudwo hyirele me ne, Sunzum ne wurale me nu, na ɔpagyale me maa ngyinane me gya so, na ndele kyɛ odwudwo kyire me ɔ.

Hesekiel 2:3

Osele me kyɛ, “Sona awa, mésoma wɔ wɔ Yisraelfoɛ berɛ, ɛlɔenyɛlɛ maen bɔ bayɛ me nwo lɔen ne berɛ; bɛ ne bɛ nana mɔ yeɛ batiatia me mmeraa so maa waadwu ɛnɛ ɔ.

Hesekiel 2:5

Na sɛ betie oo, sɛ bandie oo, (ofikyɛ bɛte abusua bɔ bayɛ lɔen ɔ), kyɛbɔ ɔkɔyɛ biala, bekonwu kyɛ ngɔmhyɛlɛniɛ wɔ bɛ nu.

Hesekiel 2:6

Na wɔ, Sona awa, nnɛsuro bɛ, yeɛ nnɛsuro bɛ noa dwirɛ. Ɔwɔ nu kyɛ ɛfone ne agurɛ nu yeɛ ɛla ɔ, yeɛ anyanyangyeleɛ mɔ nu yeɛ ɛte ɔ de, nakoso nnɛsuro bɛ noa dwirɛ, yeɛ nnɛsuro bɛ nyunu, ɔwɔ nu kyɛ bɛte abusua bɔ bayɛ lɔen ɔ de.

Hesekiel 2:8

“Na wɔ, Sona awa, tie bɔ méka mékyire wɔ ye. Nnɛyɛ lɔen kyɛ sɔ ɛlɔenyɛlɛ abusua ne. Bukye wɔ noa nu, ná di bɔ méfa méma wɔ ye.”

Hesekiel 20:49

Yeɛ nzele kyɛ, “Yieee, AWURADE Nyameɛ! Bɛkekã bɛfa me nwo kyɛ, ‘Aso nna anyandera nu yeɛ odwudwo e?’ ”

Hesekiel 24:6

“Yiti AWURADE Nyameɛ nwa nyoo: ‘Awuelilɛ kuro, wɔ yaakɔ! Wɔ bɔ ɛte dadesɛn bɔ nu ali naakye, bɔ ye naakye ne omvi nu ɔ! Yeye naen porɛ porɛ ne fi nu ngoko ngoko, bɔ ɛngɔpa nu ngɔyakyi bie ɔ.

Hesekiel 3:9

Mama w’ahone ayɛ se watra nyɔboɛ bɔ ɔyɛ se tra twerɛboɛ ɔ. Nnɛsuro bɛ, yeɛ nnɛsuro bɛ nyunu, ofikyɛ bɛte abusua bɔ bayɛ lɔen ɔ.”

Mika 2:4

Sɔ kyẽa ne, bekobu anyandera bɛkɔfa ɛmɔ nwo, ná basu babɔ awuye yeayea bahã kyɛ, “Edwirɛ piri ato yɛ oo! Wafa me maen agyapadeɛ ne bie oo! Nea kyɛbɔ wale wafi me sa nu ɔ! Wahyɛ yɛ boo mɔ wama bɛ bɔ bahye yɛ nnure ne.

Marko 12:12

Na ahaa bɛpena kyɛ bɛkye Yesu ɔ, ofikyɛ benwuni kyɛ anyandera bɔ obuli ne, ɔne bɛ. Nakoso né besuro ɛlɔen ne, yiti bɛyakyili ye berɛ bɛhɔle.

Luka 8:10

Na obuale kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ, nakoso mmenia ngaa ne de, bafa bama bɛ anyandera nu, amaa ɔnate so banwu ye, nakoso bannwu nu, ná bate, nakoso bande ye bo.”

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!