Hesekiel 24:25 - AHYERƐLƐ KRONGRON

²⁵ “Na wɔ, Sona awa, kyẽa bɔ ngole ɛhemɔ ngofi bɛ sa nu ne: anwoserɛ, b’animnyam nwo anika, bɔ bɛ nye gye ye nwo, bɔ ɔla b’ahone nwo, yeɛ bɛ mma mmienzua ne bɛ mma mmrasua ne,

Hesekiel 24:25 Iomraidhean Croise

Edwein 48:2

bɔ ogyi berɛ tendenn nyemenenyemene ne, ɔte aseɛ ye amukoraa anika; Sion bokaa, bɔ ɔwɔ sorɔ dɔ dedeede ne, ɔte Ɛhene piri ne, ye kuro.

Edwein 50:2

Sion bɔ ye anwonyemene di mu ne, Nyameɛ ta hyireinn fi berɛ.

Yeremia 11:22

Yiti bɔ Asafo AWURADE kã ɛhe: “Tie, ngɔhwe bɛ so, mmerandeɛ nemɔ kɔtotɔ ngrandɛ noa, na ɛhɔen kɔma bɛ mma mmienzua ne bɛ mma mmrasua bekowuwu,

Yeremia 52:10

Babilɔn hene huhuni Sedekia mma mmienzua bɔ ye nye tua ɔ, na osa huhuni Yuda atitirefoɛ amukoraa wɔ Ribla.

Yeremia 7:4

Nnɛma ɛ́mɔfa ɛmɔ wora bewura ngondombo dwirɛ hemɔ anu: ‘AWURADE asɔneyɛɛ sua ne, AWURADE asɔneyɛɛ sua ne, AWURADE asɔneyɛɛ sua ne ɛhe.’

Awuye 2:4

Wakondo ye agyaen nu kyɛ pɔfoɛ, wagyina watengyɛ ye sa famaa kyɛ ebie bɔ okyi bɛ ɔ. Ohuhuni bɔ ɔyɛ yɛ nye so nyemene amukoraa, wɔ Sion awa brasua ɛtena sua ne anu. Ohwiele ye yaa bɔ wafɛ ye hahii ne kyɛ see.

Hesekiel 24:21

‘Kã kyire Yisrael awuro ama kyɛ, AWURADE Nyameɛ nwa nyoo: Tie, mebaagua me nekaa krongron ne anwo fiɛ, bɔ ɔte ɛmɔ anwoserɛ bɔ ɛmɔfa bɛhoahoa ɛmɔ nwo ne, nikyee bɔ ɔla ɛmɔ ahone nwo ne, ɔne bɔ ɛmɔ kra nye gye ye nwo ne. Na ɛmɔ mma mmienzua ne ɛmɔ mma mmrasua bɔ ɛmɔyakyili bɛ berɛ bɛwale ne, bɛkɔtotɔ ngrandɛ noa.

Hesekiel 33:22

Na AWURADE tumi wale me so nɔsoa ne koraka yeɛ biaa bɔ wanwati ne ɔbaawa ɔ. Na anzana biaa ne ɔbaawa me berɛ ngyerɛmɔ nen, né AWURADE ate me noa ne, yiti ɔtele me noa ne, na mandɔ mumu ko.

Deuteronomi 28:32

Bɛkɔsesa wɔ mma mmienzua ne mmrasua bɛkɔɔma maen foforɛ wɔ aberɛ bɔ wɔ nye tua ɔ, ɛkɔhenahena wɔ nye kɔpena bɛ alehyeleɛ biala, nakoso ɛngɔhora ngosi ye nwo ate.