Hesekiel 24:23 - AHYERƐLƐ KRONGRON

²³ Ɛmɔkɔbɔ ɛmɔ abotire, yeɛ ɛmɔkowura ɛmɔ mbaboa. Ɛmɔngɔbɔ awuye, yeɛ ɛmɔngosu, na mmom ɛmɔkoli aworabɔlɛ bekonwu ɛmɔ amumuyɛɛ nwo amaneɛ, na ɛmɔkɔpenepene bekohyirehyire ɛmɔ nwo ngoko ngoko.

Hesekiel 24:23 Iomraidhean Croise

2 Samuel 15:30

Dawide fo hɔle Olive bokaa ne aso. Ɔfo kɔ ne, né osũ, né wakata ye ti so, yeɛ né ye gya gua ase. Mmenia bɔ bɛboka ye so ne amu bɛkatale bɛ ti so, na bɛfale esuɛ yeɛ bɛfo bɛhɔle ɔ.

YOB NWOMAA NE 27:15

Ye bosofoɛ bɔ bɛkɔha ne, ewue anwonyerɛ kohũ bɛ, na ye kunafoɛ mmrasua ngosu.

Edwein 107:17

Ebiemɔ yɛle ngwaseafoɛ ɔnate bɛ mmeraatolɛ ti, na ɔnate b’amumuyɛɛ ti benwuni amaneɛ.

Edwein 78:64

B’asɔfo mɔ totɔle ngrandɛ noa, bɔ bɛ kunafoɛ mɔ bangora banzu bɛ ɔ.

Yesaya 20:2

sɔ mmerɛ ne, AWURADE fale Amoso awa Yesaya so hane kyɛ, “Kɔye ɛsɛen tena bɔ afa apɛ wɔ bo ne gua berɛ, ná puropuro wɔ mbaboa ne fi wɔ gya gua berɛ.” Ɔyɔle sɔ, na ɔyele ye nwo tole so fale ye gya guale ase.

Yesaya 59:11

Yɛ mukoraa yɛpo kyɛ kwabrafo, yɛpene kyɛ mmubure, yɛpena pɛpɛɛpɛyɛlɛ, nakoso ebie nne berɛ, yeɛ yɛpena ngoalelɛ, nakoso ɔne yɛ afia atee wale.

Yeremia 13:18

Kã kyire ɛhene ne ɛhemmaa ne kyɛ, “Ɛ́mɔbrɛ ɛmɔ nwo ase, ɛ́mɔtena ase, ofikyɛ ɛmɔ ahennie ne kɔtɔ ase, ɛmɔ animnyam ahennie abotire nyemene ne, ɔkɔtɔ ase.”

Awuye 4:9

Bɛ bɔ bafa ngrandɛ bahũhũ bɛ ne, bɛte paa bɛtra bɛ bɔ ɛhɔen amaa bawuwu ɔ, bɔ bafɔ bayɛ kangenaen, ɔnate fieso aleɛ bɔ wabɔ bɛ ne ati.

Hesekiel 24:22

Na ɛmɔkɔyɔ bɔ mayɔ ne bie, ɛmɔngɔfa nikyee bɛngɔkata ɛmɔ noa, yeɛ ɛmɔngoli ɛsɛenvoɛ aleɛ.

Hesekiel 33:10

“Na wɔ, Sona awa, se Yisrael awuro ama kyɛ, Ɛmɔnwa: ‘Yɛ mmeraatolɛ ne yɛ bɔne wabu watia yɛ, ye sɔ ati yeɛ onyie yɛ yé ye; na ɔkɔyɛ sɛɛ né yanya ngoa?’

Hesekiel 4:17

amaa ɔnate so aleɛ ne nzue nwo ayɛ se ama bɛ; na ebiala nwu obiɛngo a, ye nwo kɔyɛ ye anwodwiri, na ɔnate bɛ bɔne ti bɛkɔfɔ bɛkɔtete.

Hesekiel 44:18

Odi kyɛ bɛbɔ nwera abotire, ná bewura nwera pieto. Onni kyɛ bɛfa nikyee biala bɔ ɔkɔmaa bekofi mvifire ɔ bɛbɔ abɔsoɛ.

Lewitikɔso 26:16

bɔ me koso ngɔfa ngɔyɔ ɛmɔ ɛhe: ngɔmaa asane kandinga kɔto ɛmɔ; anwonyerɛ koangɔ kɔbɔ ɛmɔ, yeɛ ebunu bɔ ɔma bɛ nye yɛ wusiwusi ná ɔma sona ngoa so te ɔ kɔhye ɛmɔ. Sɛ ɛmɔdua nningyein a, ɛmɔkɔfɛ bekogua mbaen, ofikyɛ ɛmɔ pɔfoɛ mɔ yeɛ bekoli ɔ.

Lewitikɔso 26:39

Na ɛmɔ nu mmenia bɔ bekonya bɛ ti bekodidi nu ne, ɔnate b’amumuyɛɛ ti, bɛ nwo kɔhyere bɛ wɔ ɛmɔ pɔfoɛ mɔ aseɛ so. Afei ɔnate bɛ nana mɔ amumuyɛɛ ti, bɛ bɔ banya bɛ ti badidi nu ne, bɛ nwo kɔhyere bɛ.