Hesekiel 24:21 - AHYERƐLƐ KRONGRON

²¹ ‘Kã kyire Yisrael awuro ama kyɛ, AWURADE Nyameɛ nwa nyoo: Tie, mebaagua me nekaa krongron ne anwo fiɛ, bɔ ɔte ɛmɔ anwoserɛ bɔ ɛmɔfa bɛhoahoa ɛmɔ nwo ne, nikyee bɔ ɔla ɛmɔ ahone nwo ne, ɔne bɔ ɛmɔ kra nye gye ye nwo ne. Na ɛmɔ mma mmienzua ne ɛmɔ mma mmrasua bɔ ɛmɔyakyili bɛ berɛ bɛwale ne, bɛkɔtotɔ ngrandɛ noa.

Hesekiel 24:21 Iomraidhean Croise

1 Ahemvo 9:7

ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.

Edwein 105:4

Ɛ́mɔpena AWURADE ne ye tumi. Ɛ́mɔpena ye si atee daa biala.

Edwein 132:8

Ao AWURADE, dwɔso ná kɔ wɔ nekaa bɔ ede wɔ nwome ne, ɛne wɔ tumi alaka ne.

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Edwein 74:7

Bato wɔ nekaa krongron ne anu see; bafa efiɛ bahã wɔ dumaa krongron atenaleɛ ne, na badwiri bagua ase.

Edwein 79:1

Ao Nyameɛ, maen maen mɔ bafa koɛ baateta w’agyapadeɛ, bafa efiɛ bahã w’asɔneyɛɛ sua krongron ne, babɔ Yerusalem kuro ne.

Edwein 84:1

Ao Asafo AWURADE, w’atenaleɛ ne, kyɛbɔ osi yɛ nyemene ɔ!

Edwein 84:3

Ao Asafo AWURADE, me Hene ne me Nyameɛ, akatipire po wanya atenaleɛ, yeɛ nandwinoma anya ye saen wɔ w’afɔleɛ bokyea ne anwo bɔ ɔkɔfa ye mma kogua nu ɔ.

Edwein 96:6

Anidie ne animnyam wɔ ye nyunu, na tumi ne nyemene wɔ ye nekaa krongron berɛ.

Yesaya 65:11

Nakoso ɛmɔ bɔ ɛmɔpo AWURADE, bɔ ɛmɔ wora fi me bokaa krongron ne, bɔ ɛmɔto poen bɛma bosoen bɔ ɛmɔfrɛ ye Saleɛ, bɔ ɛmɔfa nzaa mvrafra begua kwangoa nu tɛkyɛɛ bɛma bosoen bɔ ɛmɔfrɛ ye Ngrabea ɔ;

Yeremia 6:11

Yiti AWURADE ahonehulɛ ne wawura me nu tɛkyɛ bɔ mengora me nwo so hyɛ ɔ. “Ngɔfa me yaa piri ne ngɔhɔ ngwadaa so wɔ mmorɔnoɛ nemɔ aso, yeɛ mmerandeɛ kure ne aso; ofikyɛ bɛkɔhye biaa ne ɔye po, yeɛ nworowaa ne mmenia bɔ banyi paa ɔ koso.

Yeremia 7:14

yiti awuro he bɔ me dumaa la so, bɔ ɛmɔafa bɛ wora bawura nu ne, ɔne nekaa bɔ mva mane ɛmɔ ne ɛmɔ nana mɔ ne, edwirɛ bɔ mamaa wato Silo ne yeɛ ngɔmaa ɔkɔto ye ɔ.

Yeremia 9:21

Ofikyɛ ewue afo waagyina yɛ mboma mɔ anu, wawura y’ahemvie mɔ anu, kyɛ ɔbaahũhũ ngwadaa nemɔ fi dwaa nemɔ aso, yeɛ mmerandeɛ nemɔ fi mmorɔnoɛ nemɔ aso.

Awuye 1:10

Pɔfoɛ ne, watengyɛ ye sa wɔ ye nningyein nyemene ne amukoraa so, na wanwu kyɛ maenmaensofoɛ nemɔ, bɔ ahyɛ bɛ kyɛ nnɛmaa bɛkɔ wɔ badwa ne anu ne, bahɔ ye nekaa krongron ne anu.

Awuye 2:1

Nea kyɛbɔ AWURADE ole yaa, wafa munungum wamundu Sion awa brasua ne aso ɔ! ná wagyi Yisrael anwonyemene wafi nyameɛso waato ase, bɔ wangaye ye gya bo ndiasoɛ, wɔ ye ɛyaafɛlɛ kyẽa ne anu ɔ.

Awuye 2:21

Ngwadaa ne mbanyi, bɛlela aseɛnwo wɔ dwaa nemɔ aso. Me ndaluwa mɔ ne me mmerandeɛ mɔ, batotɔ ngrandɛ noa. Ahũhũ bɛ wɔ wɔ yaafɛlɛ kyẽa ne anu; ahũhũ bɛ, na annwu bɛ anwumvoin.

Hesekiel 23:25

Ngɔhwe wɔ nwo nungunɛ maa bɛ ne wɔ koli ye anyeborolɛ so. Bɛkɔpepɛ wɔ bonyi ne wɔ so, na wɔ nu mmenia bɔ baha ne, bɛkɔtotɔ ngrandɛ noa. Bɛkɔhyehye wɔ mma mmienzua ne wɔ mma mmrasua bɛkɔhɔ, na wɔ nu mmenia bɔ baha ne, bɛkɔfa see bɛkɔyera bɛ.

Hesekiel 23:47

Ɛlɔen ne kɔboro bɛ nyɔboɛ, ná bafa bɛ ngrandɛ nemɔ bawowɔ bɛ; na bekohũhũ bɛ mma mmienzua ne bɛ mma mmrasua, ná bato bɛ sua mɔ nu see.

Hesekiel 24:16

“Sona awa, bɔ ɔla w’ahone nwo ne, mebaamaa ofi wɔ sa mvum nu. Nakoso ɔnzɛ kyɛ ɛbɔ awuye, esu, anaa ɛporo moen.

Hesekiel 24:20

Yeɛ nzele bɛ kyɛ, “AWURADE lale ye dwirɛ ali hyirele me kyɛ,

Hesekiel 24:22

Na ɛmɔkɔyɔ bɔ mayɔ ne bie, ɛmɔngɔfa nikyee bɛngɔkata ɛmɔ noa, yeɛ ɛmɔngoli ɛsɛenvoɛ aleɛ.

Hesekiel 24:25

“Na wɔ, Sona awa, kyẽa bɔ ngole ɛhemɔ ngofi bɛ sa nu ne: anwoserɛ, b’animnyam nwo anika, bɔ bɛ nye gye ye nwo, bɔ ɔla b’ahone nwo, yeɛ bɛ mma mmienzua ne bɛ mma mmrasua ne,

Hesekiel 33:28

Ngɔkakyi aseɛ ne kurofoen, na ɔkɔla berɛ mbaen, na ye anwomasoɛ anwoserɛ ne, ye bo kɔpɛ; yeɛ Yisrael mmokaa nemɔ kɔla berɛ mbaen bɔ ebiala ngɔfa so ɔ.

Hesekiel 7:24

Ngɔfa maen maen bɔ bɛ ti anu yɛ se paa ɔ ngɔwa maa bɛkɔɔfa b’awuro nemɔ. Ngɔma anwoserɛfoɛ b’anwomasoɛ ne bo kɔpɛ, na ngogua bɛ nekaa krongron nemɔ nwo fiɛ.

Hesekiel 9:7

Yeɛ osele bɛ kyɛ, “Ɛ́mɔgua sua ne anwo fiɛ, ná ɛ́mɔfa bɛ bɔ ɛmɔahũhũ bɛ ne béyi aluo berɛ to. Ɛ́mɔsi nu bɛhɔ!” Yiti besili nu bɛhɔle, na behuhuni mmenia wɔ kuro ne anu.

Daniel 11:31

Ɔkɔma ye koɛhonɛfoɛ mɔ bɛkɔfa efiɛ bɛkɔhã nekaa krongron ne, bɔ ɔte anwoserɛ ne; bɛkɔbera daa biala naen yeralɛ afɔleɛ ne, na bekogyina akyiwadeɛ bɔ ɔbɔ maen ne.

Hosea 9:16

Bafa nikyee babɔ Efraim, bɛ ndii akese, bengosu mmaa. Sɛ bɛwo mmaa po a, ngohũ bɛ mma mɔ bɔ b’ahone la bɛ nwo paa ne.

Lewitikɔso 26:19

Ngɔbrɛ anwoserɛ bɔ ɛmɔfa bekyire bɛ nwo ne ase, ngɔma ewienu bɔ ɔkata ɛmɔ so ne kɔyɛ kyɛ buralɛ, ná aseɛ bɔ ɛmɔte so ne ayɛ kyɛ kɔɔbere.

Malaki 2:12

Na bienzua biala bɔ ɔyɔ sɔ, kyɛ okyirekyire oo, anaa osua oo, AWURADE konua ye boso ama mukoraa bɛ bo kofi Yakob ɛtena sua nu, bɔ ebiala ngɔha bɔ ɔkɔfa afɔleɛ kɔbrɛ Asafo AWURADE ɔ.