Hesekiel 24:16 - AHYERƐLƐ KRONGRON

¹⁶ “Sona awa, bɔ ɔla w’ahone nwo ne, mebaamaa ofi wɔ sa mvum nu. Nakoso ɔnzɛ kyɛ ɛbɔ awuye, esu, anaa ɛporo moen.

Hesekiel 24:16 Iomraidhean Croise

YOB NWOMAA NE 23:2

“Ɛnɛ koso, me nye aboro yeɛ mebɔ somoɛ ɔ, me penenɛ bɔ mepene ne asi ne po, wasa wafa amaneɛ wato me so.

YOB NWOMAA NE 36:18

Nea yé né anwonya annakalaka wɔ, yeɛ nnɛma fea-ase-ma osi wɔ nye.

Anyandera 5:19

Ɔte dabɔɔ beleɛ anwonyemene ne wanzane beleɛ bɔ ole animnyam ɔ, ma wɔ nye gye ye nyɔfone nwo mmerɛ biala, ná ma ye hurolɛ oli wɔ ti mmerɛ biala.

Edwein Nu Dwein 7:10

Nde me kurofoɛ ne deɛ, me yeɛ ye wora dɔ me ɔ.

Yeremia 13:17

Nakoso sɛ ɛmɔngotie de a, ɔnate ɛmɔ anwomasoɛ ti, me kra kosũ wɔ mvealeɛ nu; me nye kohwi moen pupuropupuro, na me nye kɔporo moen, ofikyɛ bahye AWURADE mmoaen kure ne nnure bahɔ.

Yeremia 16:5

“Ofikyɛ bɔ AWURADE kã ɛhe: Nnɛkɔ awuro bɔ bɛyɛ sɛen wɔ nu ne anu, yeɛ nnɛkɔ dɔ kosũ, anaa nnɛkɔyɛ bɛ yaakɔ; ofikyɛ maye m’asomdwee mafi maen he aso, yeɛ me dɔ bɔ onni ngasi ne m’anwumvoinnwunɛ koso maye mafi bɛ so, AWURADE noa dwirɛ ɛne.

Yeremia 22:10

Nnɛma ɛmɔsu awufoɛ; yeɛ nnɛma ɛmɔdodo ye, na mmom odi kyɛ ɛmɔsu bɔ ɔkɔ (nnurehyelɛ nu) ne hahii, ofikyɛ ongosa ngɔwa ko, yeɛ ongonwu ye bɔbɔ ye maen ko.

Yeremia 22:18

Yiti Yehoakim bɔ ɔte Yuda hene Yosia awa ne, bɔ AWURADE kã fa ye nwo ɛhe: “Bengoli ye nwo aworabɔlɛ kyɛ, ‘Ayaa, nniɛma bienzua!’ anaa ‘Ayaa, nniɛma brasua!’ Bengoli ye nwo aworabɔlɛ kyɛ, “Ayaa, me mene!’ anaa ‘Ayaa, ye animnyam!’

Yeremia 9:1

Ao, ahaa né me ti te mbombonzue, ná me nye te abura bɔ opu moen ɔ. Ahaa eyia ne kɔngɔen ngosu me maen awa brasua ye mmenia bɔ bahũhũ bɛ ne!

Yeremia 9:18

Ɛ́mɔma bɛyɛ ndɛndɛ besu yɛ, amaa ɔnate so yɛ nye aporo moen, ná yɛ nye so aporo nzue.

Awuye 2:18

B’ahone sũ frɛle AWURADE. Ao Sion awa brasua fasue, ma wɔ nye moen poro gua kyɛ asue eyia ne kɔngɔen. Nnɛde wɔ nwome, yeɛ nnɛma wɔ nye kyiremvua yakyi suɛ.

Hesekiel 24:15

Yeɛ AWURADE lale ye dwirɛ ali hyirele me kyɛ,

Hesekiel 24:18

Yiti ndwudwo ngyirele maen ne ngyerɛmɔ, na ye nɔsoa ne, me ye ne wuli. Na aleɛ hyene ngyerɛmɔ ne, nyɔle kyɛbɔ ɔhyɛle me kyɛ nyɔ ne ala.

Lewitikɔso 21:4

Nakoso nnɛmaa ɔyɔ huɛ asɛdeɛ ma ye abusuaniɛ biala bɔ ogya biaa ɔ, ná wangua ye bɔbɔ ye nwo fiɛ.

1 Tɛsalonikafoɛ 4:13

Aliɛmaa mɔ, yɛkuro kyɛ ɛmɔnwu nahorɛ bɔ ɔfa bɛ bɔ balela nemɔ anwo, ná ɛmɔ wora ammɔ kyɛ mmenia bɔ baha bɔ belle anyelasoɛ ne.