Hesekiel 24:13 - AHYERƐLƐ KRONGRON

¹³ Nu naakye ne gyi berɛ ma w’adwaman bra ne. Ahaa mepena kyɛ mete wɔ nwo mefi w’adwaman bra ne anwo, nakoso amma wɔ nwo ande wamvi wɔ nyanzoen bra ne anwo, yiti wɔ nwo ngɔte ngofi wɔ nwo fiɛ ne anwo ko, kɔpem kyɛ ngɔhwe wɔ so maa m’ahone bɔ wahu wɔ so ne ɔkɔtɔ nzue nu ɔ

Hesekiel 24:13 Iomraidhean Croise

Yesaya 22:14

Na Asafo AWURADE waye me asotire kyɛ, “Susu amba kyɛ, sɔ amumuyɛɛ ne ati, mengɔfa ɛmɔ nwo ngɔhyɛ ɛmɔ kɔpem mmerɛ bɔ ɛmɔkowu ɔ,” Asafo AWURADE Nyameɛ noa dwirɛ ɛne.

Yeremia 13:27

Manwu w’agyaasɛkyelɛ ne, wɔ ehurolɛ nu ndeateamuɛ ne, w’animguaseɛ gyandera ne, yeɛ w’akyiwadeɛ yɔleɛ wɔ eburo mmokaa nemɔ aso ne. Ao Yerusalem, wɔ yaakɔ! Ɔkwaadwu kyinzu koraka né wɔ nwo ate.

Yeremia 31:18

Amba, mate kyɛ Efraim ɔ́bɔ abubue kyɛ, ‘Ahwe me so, na manya asohwenɛ, kyɛ nandwie ba bɔ bennya bɛffale kɔnnua bɛttole ye kɔme ɔ. Maa nza mmra, na ngosa ngɔwa, ofikyɛ wɔ yeɛ ɛte AWURADE me Nyameɛ ɔ.

Awuye 1:9

Ye nwo bɔ wagua fiɛ ne, wayɛ ye ataadeɛ ne anu; wangaye ye ayieleɛ, yiti wafi ase buramm, na olle aworakyekyerɛniɛ biala. “Ao AWURADE, nea m’amaneɛnwunɛ, ofikyɛ pɔfoɛ ne, wali ngonim.”

Awuye 5:22

Nakoso apo yɛ bɔkɔɔ, w’ahone ahu yɛ so paa.

Hesekiel 16:42

Na m’ahone bɔ wahu wɔ so paa ne, sɔ yeɛ ɔkɔmaa ɔkɔtɔ nzue nu ɔ. Ngɔyakyi wɔ nwo nungunɛhwenɛ ne, na me kunu kodwo bɔ mengɔfɛ yaa ko ɔ.

Hesekiel 22:24

“Sona awa, kã kyire ye kyɛ, ‘Ɛte aseɛ bɔ bɛttele ye nwo, bɔ esue ɔttɔ ogguale so wɔ ahonehulɛ kyẽa ne ɔ.

Hesekiel 24:11

Afei, fa dadesɛn ne too sie see ne aso, maa ɔyɛ hye paa bɔ nu kɔɔbere ne kɔbe kɔyɛ kɔɔ ɔ, amaa ɔnate so nu fiɛ ne wahuro wɔ nu, ná ye naakye ne watu wafi nu.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Hosea 7:1

Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Lewitikɔso 13:55

Sɛ bɛpo nikyee bɔ ngekalewa wɔ nu ne beyie a, odi kyɛ ɔsɔfo ne nea nikyee ne. Na nekaa bɔ ngekalewa ne wɔ ne, sɛ berɛ anwosue ne tɛ te kyɛ bɔ ɔte hɔ a, ye de sɛ anwonyerɛ ne wandrɛ po a, ye nwo nde. Nekaa bɔ kwata ne ayɔ ne, kyɛ ɔwɔ ye nyunu oo, anaa ye si oo, odi kyɛ ɛfa see yera ataadeɛ ne.

Lewitikɔso 14:43

“Sɛ bɛyeye nyɔboɛ ne, ná bɛwɔngyewɔngye terɛ ne anwo, ná bɛma awuro ne anwo beyie, ná ye si ye anwonyerɛ ne sa ba awuro berɛ a,

Sefania 3:2

Wandie AWURADE dwirɛ ne, wandie foɛtulɛ, wamva ye wora wanwura AWURADE nu, wandwe wambingye ye Nyameɛ.

Sefania 3:7

Ngane kyɛ, ‘Esurolɛ yeɛ odi kyɛ esuro me ɔ, me ngyerɛkyerɛ yeɛ odi kyɛ etie ɔ, amaa ɔnate so mannua wɔ boso wɔ bɔ mahyehyɛ mama wɔ amukoraa nwo; nakoso ɛmɔkɔ so bɛma ɛmɔ yɔleɛ amukoraa yɛ bɔne.”

Sakaria 6:8

Na ɔteane nu sele me kyɛ, “Nea, bɛ bɔ bɛ́kɔ sorɔ dɔ maen ne anu ne, bama me Sunzum kunu adwo ye fɔnwoo wɔ sorɔ dɔ maen ne anu.”

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Nyekyire 22:11

Bɔ ɔndengyɛ ne, ɔhɔ so yɛ sona bɔ ɔndengyɛ ɔ; yeɛ bɔ ye nwo nde ne, ɔhɔ so yɛ sona bɔ ye nwo nde ɔ. Bɔ ɔtengyɛ ne, ɔhɔ so yɛ sona bɔ ɔtengyɛ ɔ, yeɛ bɔ ɔte krongron ne, ɔhɔ so yɛ sona bɔ ɔte krongron ɔ.”