Hesekiel 24:11 - AHYERƐLƐ KRONGRON

¹¹ Afei, fa dadesɛn ne too sie see ne aso, maa ɔyɛ hye paa bɔ nu kɔɔbere ne kɔbe kɔyɛ kɔɔ ɔ, amaa ɔnate so nu fiɛ ne wahuro wɔ nu, ná ye naakye ne watu wafi nu.

Hesekiel 24:11 Iomraidhean Croise

Yesaya 1:25

Ngɔfa me tumi ngɔhwe wɔ so, ngohuro wɔ ngɔye wɔ nwo fiɛ ne, ná maye wɔ nwo wohyee ne amukoraa magua.

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Yesaya 4:4

mmerɛ bɔ AWURADE kɔfa ndɛenbualɛ sunzum so ne ɛyeralɛ sunzum so kobia Sion mma mmrasua nwo fiɛ kogua, ná wanwunzi mogya bɔ Yerusalem ahã agua ne.

Yeremia 21:10

Ofikyɛ matu me nye masie kuro he aso kyɛ ngɔfa bɔ ɔtte mayee ɔ ngoli ye, na mmom nna paa ɔ, AWURADE noa dwirɛ ɛne. Bɛkɔfa bekowura Babilɔn hene sa, na ɔkɔfa see kɔyera ye.’

Yeremia 32:29

Na Kaldeafoɛ bɔ bafa koɛ bateta kuro he ne, bɛkɔwa bɛkɔɔto kuro he anu see, na bɛkɔyera ye ne sua mɔ bɔ mmenia ayera ɛyɛɛ wɔ bɛ ti afia bama Baal, ná basa babɔ anonneɛ afɔleɛ wɔ bɛ ti afia bama nyameɛ foforɛ mɔ kyɛ bɛfa bewura me apue ne.

Yeremia 37:10

Ofikyɛ Kaldeafoɛ koɛhonɛfoɛ amukoraa bɔ bafa koɛ baatoa ɛmɔ ne, sɛ ɛmɔdi bɛ so ngonim, ná ɔka bɛ mmenia bɔ bapurapura angome twe po a, bɛ nu biala kodwɔso kofi ye tena sua nu, na bɛkɔfa see bɛkɔɔyera kuro he.’ ”

Yeremia 38:18

Nakoso sɛ amvite amva wɔ nwo angɔamma Babilɔn hene mbanyi nemɔ a, ye de, kuro ye koowura Kaldeafoɛ bɛ sa, na bɛkɔfa see bɛkɔto nu bɛkɔyera ye, na engonya wɔ ti ngodidi nu ngofi bɛ sa nu.”

Yeremia 39:8

Kaldeafoɛ nemɔ fale see bɛyerale ahemvie ne, ɔne amanvoɛ awuro mɔ, na bedwirili Yerusalem fasue ne beguale ase.

Yeremia 52:13

Ɔyerale AWURADE awuro ne, ahemvie ne, ɔne Yerusalem sua amukoraa, na atitire nemɔ sua ne koso, ɔtole bɛ nu see yerale bɛ.

Hesekiel 20:38

Na mmenia bɔ bayɛ lɔen, ɔne bɛ bɔ bɛto me mmeraa ne, ngɔpa nu ngɔye bɛ ngofi ɛmɔ nu. Ngɔɔye bɛ ngofi aseɛ bɔ bɛtete so ne aso de, nakoso bɛ gya baa ngotia Yisrael aseɛ so. Na afei ɛmɔkonwu kyɛ me ole AWURADE.

Hesekiel 24:10

Fa eyein pee guagua so, maa see ne ogye, ma naen ne ɔbe paa, kã nu ma ɔfra, ná ma mmowue ne ɔyera.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”