Hesekiel 23:8 - AHYERƐLƐ KRONGRON

⁸ Ye gyandera bra bɔ ɔbɔle fili mmerɛ bɔ né ɔwɔ Misraim ne, wanyakyi; ofikyɛ ofi ye mmaayaa nu yeɛ mmienzua ne ye bala basosɔ ye ababunu nyɔfone nu, ná bɛ ne ye babɔ adwaman ɔ.

Hesekiel 23:8 Iomraidhean Croise

1 Ahemvo 12:28

Yiti Nana Yeroboam fale adwene, na ɔfale esikaa kɔkorɛ yɔle nandwie mmaa nyɔ. Osele maen ne kyɛ, “Ɛmɔahɔ Yerusalem bie a, ɔte paa. Yisrael ee, ɛmɔ nyameɛ mɔ bɔ bɛyele ɛmɔ befili Misraim aseɛ so bɛwale ne, bɛ ɛhe.”

2 Ahemvo 10:29

Nakoso bɔne bɔ Nebate awa Yeroboam hwehwene Yisrael hɔle nu, kyɛ ɔmaa bɛsɔnene esikaa kɔkorɛ nandwie mmosoen bɔ ɔwɔ Betel ne Dan ne de, Yehu wanyakyi ye yɔlɛ.

2 Ahemvo 17:16

Bɛpole AWURADE bɛ Nyameɛ mmeraa dwirɛ amukoraa, na behurole nikyee bɛfa bɛyɔle nandwie mmaa amoen nyɔ bɛfale. Begyinane Asera dosii, na bɛsɔnene nyameɛso abɔdeɛ pembepembe amukoraati, na bɛsole Baal.

Ɛksadɔso 32:4

Olele sikaa kɔkorɛ bɔ bɛfa bɛbrɛle ye ne, ohurole ye, na ɔfa yɔle nandwie ba amoen. Na bɛhane kyɛ, “O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Hesekiel 20:7

Na nzele bɛ kyɛ: Odi kyɛ ɛmɔ nu biala ogyi akyiwadeɛ nningyein bɔ ɛmɔ nye gye ye nwo ne ogua. Nnɛma ɛmɔfa Misraim mmosoen begua ɛmɔ nwo fiɛ. Me ole AWURADE ɛmɔ Nyameɛ ne.

Hesekiel 23:19

Nakoso ɔhɔle so lɔle asukɔ wɔ gyanderabɔlɛ nu, ɔkayele ye mmaayaa mmerɛ nu, mmerɛ bɔ né ɔbɔ gyandera wɔ Misraim aseɛ so ne.

Hesekiel 23:21

Ɛkayele wɔ mmaayaa nu nyanzoen bra ne, mmerɛ bɔ wɔ nyɔfone mbokua ne ati Misraimfoɛ bemiamiane wɔ nyɔfone ne.”

Hesekiel 23:3

Bɛbɔle gyandera wɔ Misraim; bɛbɔle gyandera wɔ bɛ mmaayaa nu’. Berɛ yeɛ bɛmaa bemiamiane bɛ nyɔfone ná bɛsosɔle bɛ nyɔfone mbokua nu ɔ.

Hesekiel 23:34

Ɛkɔno kotu ye bo, ɛkɔpesa kɔma nu kobubu, na ɛkɔwɔngye wɔ nyɔfone kofi berɛ, ofikyɛ me yeɛ mahã ɔ, AWURADE Nyameɛ noa dwirɛ ɛne.

Nyekyire 11:8

Na bɛ fuin nemɔ kɔlela kuro piri ne dwaaso, kuro bɔ sunzum nu bɛfrɛ ye Sodom ne Misraim ne, nekaa bɔ bɛbɔle b’Awurade koso mmeamudua nu ne.