Hesekiel 23:5 - AHYERƐLƐ KRONGRON

⁵ “Né Ohola te me deɛ de, nakoso ɔbɔle gyandera; ɔfale ye nwo mane bɛ bɔ yeɛ okuro bɛ ɔ, Asiriafoɛ bɔ bepingye ye ne.

Hesekiel 23:5 Iomraidhean Croise

1 Ahemvo 14:16

Ɔnate Yeroboam bɔne bɔ wayɔ bɔ wahwe Yisrael maen maa bayɔ bie ne ati, AWURADE kɔye ye sa kofi Yisrael bo.”

1 Ahemvo 14:9

Na mmom bɛ bɔ belili wɔ nyunu bebuli maen ne, ali bɔne atra bɛ mukoraa. Ɔnate kyɛ ayɔ nyameɛ foforɛ mɔ afa, agyina amoen afa awura me apue, ná apo me ne ati,

1 Ahemvo 15:26

Ɔyɔle bɔ ɔte bɔne wɔ AWURADE nyunu ɔ. Nikyee bɔ ye baba yɔle, ɔne bɔne bɔ ɔyɔle ɔfa hwene Yisrael hɔle bɔne nu ne, ye koso ɔyɔle bie.

1 Ahemvo 15:30

Ɔyɔle sɔ, ɔnate Yeroboam bɔne bɔ ɔyɔle, ɔne bɔne bɔ ɔhwene Yisrael hɔle nu, ɔne ɛyaa bɔ owurale AWURADE Yisrael Nyameɛ apue maa ɔfɛle ne ati.

1 Ahemvo 21:26

Olili mmosoen si yɔle akyiwadeɛ, kyɛ Amorifoɛ bɔ AWURADE foane bɛ fili Yisraelfoɛ nyunu nemɔ ala.)

2 Ahemvo 15:19

Asiria hene Pulu fale koɛ ɔɔtetale Yisrael maen ne, na Menahem mane Pulu ɛdwetɛ talɛnde apee ko, kyɛ ɔma ɔhɔ so ɔtena bia ne aso.

2 Ahemvo 16:7

Yeɛ Ahase tuli ɛbɔfoɛ mɔ maa bɛhɔle Asiria hene Tiglate Pilese berɛ kyɛ, “Nde w’akoaa ne ɛwa. Bra baale me fi Siria hene sa nu, ɔne Yisrael hene sa nu, ofikyɛ bafa koɛ baateta me.”

2 Ahemvo 17:3

Asiria hene Salmanese lili Hosea so ngonim wɔ koɛ nu. Yiti Hosea ɔɔyɛle ye akoaa, na né otua toɔ ma ye.

Yeremia 50:38

Wawa ape b’asue mɔ aso, na bɛkɔwewe, ofikyɛ ɔte aseɛ bɔ amoen mɔ bayi so to, na babobɔ bɛ mmosoen mɔ nwo laen.

Hesekiel 16:28

Asiriafoɛ koso, ɛfale wɔ nwo mane bɛ wɔ wɔ gyanderabɔlɛ ne anu, ofikyɛ gyandera bɔ ɛbɔle ne, wanzo wɔ. Amba, ɛfale wɔ nwo mane bɛ wɔ wɔ gyanderabɔlɛ nu, nakoso wanzo wɔ.

Hesekiel 16:37

yiti tie, bɛ bɔ ekuro bɛ bɔ wɔ nye gye bɛ nwo ne, mebaaboaboa bɛ mukoraa bɛ noa, bɛ bɔ ekuro bɛ dwirɛ ɔne bɛ bɔ ekyi bɛ amukoraa. Ngɔboaboa bɛ noa ngofi nekaa biala maa bekodwɔso bekotia wɔ, na ngɔpa wɔ nwo ngohyire bɛ maa bekonwu wɔ nwo amukoraa.

Hesekiel 23:12

Ɔfale ye nwo mane Asiriafoɛ, amrado mɔ ne safohene mɔ, koɛhonɛfoɛ bɔ bawurawura bɛ koɛ ndaadeɛ ɔ, pɔngɔhanɛfoɛ bɔ bɛtete mbɔngɔ so ɔ, mmerandeɛ bɔ bɛ mukoraa bɛ nwo yɛ nyemene ɔ.

Hesekiel 23:16

Na onwuni bɛ pɛ, ɔfale ye nwo mane bɛ, na otuli bɔfoɛ mɔ maa bɛhɔle bɛ berɛ wɔ Kaldea.

Hesekiel 23:20

Na ye sómaa mɔ bɔ bɛ mmienzua te kyɛ afunum deɛ, bɔ bɛ nwo nzue te kyɛ mbɔngɔ deɛ ne, bɛ yeɛ ɔfale ye nwo mane bɛ ɔ.

Hesekiel 23:4

Panyi ne dumaa li Ohola, yeɛ oliɛma brasua ne koso li Oholiba. Bɛɛyɛle me deɛ, na bɛwole mmaa mmienzua ne mmrasua. Bɛ dumaa ne, Ohola gyi berɛ ma Samaria, yeɛ Oholiba gyi berɛ ma Yerusalem.

Hesekiel 23:7

Ɔfale ye nwo mane bɛ ɔbɔle gyandera, Asiriafoɛ atitire amukoraa, na bɛ bɔ ɔfale ye nwo mane bɛ ne amukoraa, ɔfale bɛ mmosoen amukoraa guale ye nwo fiɛ.

Hesekiel 23:9

Yiti nyele ye nwurale bɛ bɔ okuro bɛ nemɔ sa, Asiriafoɛ bɔ ɔfale ye nwo mane bɛ nemɔ sa.

Hosea 10:6

Bɛkɔsoa bɛkɔhɔ Asiria bɛkɔɔyɛ akyɛdeɛ bɛkɔma Nana Yarebo; Efraim nyunu kogua ase, na Yisrael kɔfɛre ye bɔbɔ ye agyirɛ bɔ watu ɔ nwo.

Hosea 12:1

Efraim li mvrama si, na ogu eyia afiteleɛ mvrama so daa biala. Ɔma ye anoanupɛlɛ ne basabasayɔlɛ ɔkɔ so yɛ pee, bɛ ne Asiria bɛyɛ apam, na bɛsoa ngoo bɛkɔ Misraim.

Hosea 5:13

Mmerɛ bɔ Efraim nwuni ye anwonyerɛ, ná Yuda nwuni ye kena ne yeɛ Efraim hɔle Asiria ɔ, na ɔsomane maa bɛhɔle Nana Yarebo berɛ. Nakoso wangora wanza ɛmɔ anwonyerɛ, yeɛ wangora wamma ɛmɔ kena ne wangɔ.