Hesekiel 23:12 - AHYERƐLƐ KRONGRON

¹² Ɔfale ye nwo mane Asiriafoɛ, amrado mɔ ne safohene mɔ, koɛhonɛfoɛ bɔ bawurawura bɛ koɛ ndaadeɛ ɔ, pɔngɔhanɛfoɛ bɔ bɛtete mbɔngɔ so ɔ, mmerandeɛ bɔ bɛ mukoraa bɛ nwo yɛ nyemene ɔ.

Hesekiel 23:12 Iomraidhean Croise

Hesekiel 16:28

Asiriafoɛ koso, ɛfale wɔ nwo mane bɛ wɔ wɔ gyanderabɔlɛ ne anu, ofikyɛ gyandera bɔ ɛbɔle ne, wanzo wɔ. Amba, ɛfale wɔ nwo mane bɛ wɔ wɔ gyanderabɔlɛ nu, nakoso wanzo wɔ.

Hesekiel 23:13

Nwuni kyɛ wagua ye nwo fiɛ; bɛ munyɔ bɛfale atee ko aso.

Hesekiel 23:23

Babilɔnfoɛ, yeɛ Kaldeafoɛ amukoraa, Pekode, Soa, Koa, yeɛ Asiriafoɛ amukoraa bɔ bɛboka bɛ so ɔ, bɔ bɛ mukoraa bɛte mmerandeɛ bɔ bɛ nwo yɛ nyemene ɔ, amrado mɔ ne safohene mɔ, atitire ne koɛhonɛfoɛ, bɔ bɛ mukoraa bɛtete mbɔngɔ so ɔ.

Hosea 2:7

Ɔkɔpo ye kurofoɛ nemɔ aso, nakoso ɔngɔto bɛ; ɔkɔpena bɛ, nakoso ongonwu bɛ. Na ɔkɔhã kyɛ, ‘Ngosa ngɔhɔ ngoogya me hu daa ne, ofikyɛ né nningyein kɔ so yé ma me tra ɛnɛ.’