Hesekiel 22:9 - AHYERƐLƐ KRONGRON

⁹ Wɔ nu mmenia bɛpɛ dwirɛ bɛto mmenia so beku bɛ; mmokaa so asɔneyɛɛ so yeɛ wɔ nu mmenia bedidi ɔ, na nyanzoen bra yeɛ bɛbɔ ye wɔ wɔ nu ɔ.

Hesekiel 22:9 Iomraidhean Croise

Edwein 101:5

Ebiala bɔ ɔfea toatoa obiɛngo ne, ngɔmaa ɔkɔhã ye noa kɔto nu. Sona bɔ ɔte nduhoɛ ne anwomasoɛ ne de, mengɔpene ye.

Edwein 106:28

Afei bɛfale bɛ nwo bɛɛbɔle bosoen Baal Peɔ, na belili afɔleɛ mɔ bɔ babɔ bama awufoɛ ɔ.

Edwein 50:20

Ɛtena ase ɛkekã eliɛma nwo dwirɛ; na eni awa po, ɛpepɛ ye gya ndii nu.

Ɛksadɔso 20:16

“Nnɛdi adanzewia tia ebiɛngo.

Ɛksadɔso 23:1

“Nnɛbɔ edwirɛ bɔ ɔtte nahorɛ nwo dawure. Nnɛfa wɔ nwo bɔ amumuyɛɛniɛ ná edi adanzewia.

Anyandera 10:18

Bɔ ɔpɔ sona, nakoso ɔkatakata so ne, ɔnga nahorɛ, yeɛ bɔ ɔkekã obiɛngo nwo dwirɛ sɛkye ye ne, ɔte kwaseaa.

Anyandera 18:8

Nzekurebɔlɛniɛ ye noa dwirɛ te menemene, na edwirɛ ne woroworo wɔ.

Anyandera 26:22

Nzekurebɔlɛniɛ ye noa dwirɛ te menemene, edwirɛ ne woroworo wɔ.

Yeremia 6:28

Bɛ mukoraa bɛte asoserɛfoɛ bɔ bayɛ lɔen ɔ, bɛnate bedi nzekure; bɛte kɔɔbere ne buralɛ, bɛ mukoraa bɛte ngondombofoɛ.

Yeremia 9:4

Odi kyɛ ebiala ɔnea ye nwo yé wɔ obiɛngo anwo, na nnɛfa wɔ wora wura eliɛma nu, ofikyɛ aliɛmaa biala ɔpepɛ sona gya ndii nu, na abiɛngoɛ biala ɔnate di nzekure.

Hesekiel 11:6

Ɛmɔahũhũ mmenia pee wɔ kuro ye anu, na ɛmɔafa mmenia bɔ ɛmɔahũhũ bɛ ɔ bɛ fuin bayi mmorɔnoɛ nemɔ aso to.

Hesekiel 16:43

Na ɔnate kyɛ angaye mmerɛ bɔ né ɛte abaayaa, na mmom afa ɛhemɔ amukoraa ahu m’ahone ne ati, tie, ngɔma wɔ yɔleɛ kɔbɔ wɔ ti so, AWURADE Nyameɛ noa dwirɛ ɛne. Aso amva nyanzoen bra ammoka w’akyiwadeɛ yɔleɛ amukoraa so?

Hesekiel 18:11

bɔ ɔnyɔ nningyein bɔ ye baba yɔle ne anu biala, na mmom odi mmokaa so asɔneyɛɛ so aleɛ, ɔne obiɛngo aye bɛda,

Hesekiel 18:15

ná onni mmokaa so asɔneyɛɛ so aleɛ, anaa ɔmma ye ti so mva ye nye ngyire Yisrael awuro ama bɛ mmosoen, anaa ɔne obiɛngo aye bɛnna,

Hesekiel 18:6

ná onni mmokaa so asɔneyɛɛ so aleɛ, anaa ɔmma ye ti so mva ye nye ngyire Yisrael awuro ama bɛ mmosoen, anaa ɔne obiɛngo aye bɛnna, anaa ɔmva ye nwo nga brasua bɔ wabu ye sa,

Hesekiel 23:29

Bɛkɔfa ɛpɔen so yeɛ bɛ ne wɔ koli ɔ, bɔ afɛ anya ye ne, bɛkɔfa ye mukoraa bɛkɔhɔ, bɛkɔyakyi wɔ berɛ kwaterekwa bɔ wɔ nwo la so ɔ, na wɔ gyandera adagya ne nwo kɔla so, wɔ nyanzoen ne wɔ gyandera ne.

Hesekiel 24:13

Nu naakye ne gyi berɛ ma w’adwaman bra ne. Ahaa mepena kyɛ mete wɔ nwo mefi w’adwaman bra ne anwo, nakoso amma wɔ nwo ande wamvi wɔ nyanzoen bra ne anwo, yiti wɔ nwo ngɔte ngofi wɔ nwo fiɛ ne anwo ko, kɔpem kyɛ ngɔhwe wɔ so maa m’ahone bɔ wahu wɔ so ne ɔkɔtɔ nzue nu ɔ

Hosea 4:10

Bekodidi, nakoso bɛ ko ngoyi; bɛkɔbɔ gyandera, nakoso bɛngɔta pee, ofikyɛ bapo AWURADE.

Hosea 4:14

Sɛ ɛmɔ mma mmrasua mɔ bɛbɔ gyandera, anaa sɛ ɛmɔ aye mɔ bɛsɛkye agyaa a, mengɔhwe bɛ so; ofikyɛ mmienzua nemɔ bɔbɔ deinn bɛkɔ gyanderafoɛ nemɔ nekaa, na bɛ ne asɔneyɛɛ so gyanderafoɛ yeɛ bɛbɔ afɔleɛ ɔ. Yiti maen bɔ nimdeɛ abɔ ye ne, ɔkɔbɔ.

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Hosea 6:9

Kyɛbɔ awerɔm awuefoɛ kure bɛtetɛ sona ne, sɔ ala yeɛ asɔfo kure bɛbɔ porɛ bedi awue ɔ. Bedi awue wɔ Sɛkem atee so, amba, bɛbɔ musue.

Hosea 7:4

Bɛ mukoraa bɛte agyaasɛkyelɛfoɛ, bɛte kyɛ foonoo bɔ paanootonɛniɛ ne wasɔ nu see maa wayɛ hye ɔ; na ɔyakyi see ne anu hualɛ, ofi mmerɛ bɔ ɔkɔfete paanoo ne kɔpem kyɛ okotu ɔ.

Lewitikɔso 19:16

Nnɛkyinikyini kekã mmenia nwo dwirɛ tɛɛ, nnɛdi adanzewia ma ebiɛngo nya ewue, ná enya ye wue si mvasoɛ: Me ole AWURADE.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 26:59

Na asɔfo mbanyi nemɔ ne badwafoɛ ne amukoraa bɛpenane edwirɛ bɔ bɛkɔfa bekoli Yesu nwo adanzewia ɔ, amaa ɔnate so banya ye bahu ye;

Asomafoɛ 24:13

Yeɛ koso belle ɛsoentolɛ he nwo adanzeɛ biala benni bengyire wɔ.

Asomafoɛ 24:5

Yanwu kyɛ sɔ akoaa he te busueniɛ bɔ ɔbɔ maen ɔ. Ɔfa manzoen toto Yudafoɛ amukoraa bɔ bɛwɔ ewiase amukoraa b’afia, na ye yeɛ ɔte Nasarɛtefoɛ fekue ne aso panyi ɔ.

Maenbulɛfoɛ 20:6

Yeɛ mvale me sómaa ne fuin mbepɛle nu ahuronzi ahuronzi maa bɛfa bɛhɔle Yisrael aseɛ so nekaa biala; ofikyɛ Gibeafoɛ babɔ musue ne nyanzoen bra wɔ Yisrael.

1 Samuel 24:10

Tie, ɛnɛ kyẽa ye, wɔ nye tua kyɛbɔ AWURADE fale wɔ wurale me sa, wɔ nyɔboɛ bɔ wasi sua ne anu ɔ. Ebiemɔ sele me kyɛ ngu wɔ, nakoso mamaa anya wɔ ti adidi nu. Na ngane kyɛ, ‘Mengɔfa me sa ngɔhã me mene, ofikyɛ AWURADE apopa ye ngoo.’