Hesekiel 22:7 - AHYERƐLƐ KRONGRON

⁷ Bebu seɛ ne niɛ animtia wɔ wɔ nu; bɛhyɛ ɛwɔfoɛ so wɔ wɔ nu; yeɛ besisi nyisiaa ne kunafoɛ mmrasua koso wɔ wɔ nu.

Hesekiel 22:7 Iomraidhean Croise

Edwein 94:5

Ao AWURADE, bɛtane wɔ maen nye, bedi w’agyapadeɛ so anyandim.

Edwein 94:6

Bekũkũ akunafoɛ mmrasua ne ɛwɔfoɛ mɔ, yeɛ bedi nyisiaafoɛ awue,

Ɛksadɔso 20:12

“Di ɛse ne eni ni, amaa ɔnate so anya ngoa tendenn wɔ aseɛ bɔ AWURADE wɔ Nyameɛ ɔ́fa ma wɔ ne aso.

Ɛksadɔso 21:17

“Ebiala bɔ ɔkɔnoma ɔse anaa oni nen, ɔsɛ kyɛ beku ye.

Ɛksadɔso 23:9

“Nnɛsisi ɛwɔfoɛ. Ɛmɔse kyɛbɔ ɛwɔfoɛyɛlɛ si te ɔ, ofikyɛ né ɛmɔ wora ɛmɔte wɔfoɛ wɔ Misraim aseɛ so.

Anyandera 20:20

Ebiala bɔ ɔkɔnoma ɔse anaa oni ne, ye kanea konua wɔ awosii kabii nu.

Anyandera 30:11

Mmenia biemɔ wɔ berɛ a, bɛnoma bɛ baba, yeɛ bɛnga kyɛ bɛ maame onya saleɛ.

Anyandera 30:17

Anyeɛ bɔ ɔgoro ye baba anwo, ɔne bɔ ɔpo kyɛ okotie ye maame dwirɛ ne, bɔnza nu anene mɔ kotutu sɔ anyeɛ ne, na kɔleɛ mma mɔ kosuso koli.

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yeremia 7:6

sɛ ɛmɔanhyɛ ɛwɔfoɛ mɔ, nyisiaa ne akunafoɛ mmrasua mɔ so, sɛ ɛmɔanga mogya bɔ odi be ɔ bangua wɔ wa, ná ɛmɔanzo nyameɛ foforɛ mɔ bamva banha ɛmɔ nwo a,

Hesekiel 18:12

ɔhyɛ ehiafoɛ ne bɛ bɔ bɛyɛ anwumvo ɔ so, ɔfa ebie nningyein patapaa so, ebie fa nikyee si ye berɛ awowaa a onza mva ye nikyee mma ye, ɔma ye ti so ɔfa ye nye kyire mmosoen mɔ, ɔbɔ akyiwadeɛ bra,

Hesekiel 22:25

Aseɛ bɔ so ngɔmhyɛlɛfoɛ bɛbɔ porɛ, bɛte kyɛ gyata bɔ wahye naen ná opo ɔtete ye nu ɔ. Beku mmenia, bede anwonya ne mbembenanneɛ, na bama so akunafoɛ mmrasua basone pee.

Hesekiel 22:29

Aseɛ ne aso mmenia bɛhyɛ mmenia so, bedi aminɛ, besisi ehiafoɛ ne bɛ bɔ bɛyɛ anwumvo ɔ, na bebu mmeraa so bɛhyɛ ɛwɔfoɛ mɔ so.

Lewitikɔso 20:9

Ebiala bɔ ɔkɔnoma ɔse anaa oni ne, odi kyɛ beku ye, ɔnate kyɛ wanoma ɔse anaa oni, na ye wue kɔbɔ ye bɔbɔ ye ti so.

Sakaria 7:10

nnɛma ɛmɔsisi kunafoɛ, ayisiaa, ɛwɔfoɛ ne ehianiɛ; yeɛ nnɛma ɛmɔ nu biala dwene obiɛngo nwo adwene tɛɛ.”

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Marko 7:10

Ofikyɛ Mose hane kyɛ, ‘Di ɛse ne eni ni,’ yeɛ: ‘Ebiala bɔ ɔkɔhã ɔse anaa oni nwo dwirɛ tɛɛ ne, ehunɛ yeɛ odi kyɛ beku ye ɔ!’

Deuteronomi 24:17

“Nnɛbua ɛwɔfoɛ anaa awisianiɛ ndɛengyea; yeɛ nnɛde kunaniɛ tena fa si wɔ berɛ awowaa.

Deuteronomi 27:16

“ ‘Musue tó sona biala bɔ onni ɔse ne oni ni ɔ.’ Na mmenia ne amukoraa kosuro so kyɛ, ‘Amen!’

Deuteronomi 27:19

“ ‘Musue tó sona biala bɔ okobua ɛwɔfoɛ, awisianiɛ anaa kunaniɛ ndɛengyea ɔ.’ Na mmenia ne amukoraa kosuro so kyɛ, ‘Amen!’

Deuteronomi 5:16

“ ‘Di ɛse ne eni ni, kyɛbɔ AWURADE wɔ Nyameɛ ahyɛ wɔ ne, amaa ɔnate so anya ngoa tendenn, ná wayie wɔ yé wɔ aseɛ bɔ AWURADE wɔ Nyameɛ ɔ́fa ma wɔ ne aso.