Hesekiel 22:4 - AHYERƐLƐ KRONGRON

⁴ Ɔnate wɔ mogya bɔ ahã agua ne ati, edi fɔ; na afa wɔ mmosoen bɔ ayɔ ne agua wɔ nwo fiɛ. Ama wɔ kyẽa ne apingye, na w’afoɛ nemɔ b’ayieleɛ ne adwu. Yiti, mamaa ayɛ nyanzoen nikyee wɔ maen maen mɔ bɛ nyunu, ɔne ngorohoɛ nikyee wɔ aseɛ amukoraa so.

Hesekiel 22:4 Iomraidhean Croise

1 Ahemvo 9:7

ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.

2 Ahemvo 21:16

Asa koso, Manase hane mogya bɔ odi be ɔ pee guale, kɔpem kyɛ ɔhane mogya guale Yerusalem nekaa biala ɔ. Asora bɔne bɔ ɔhwehwene Yuda hɔle nu maa ɔnate so bɛyɔle bɔ ɔte bɔne wɔ AWURADE nyunu ne.

2 Aberɛso Dwirɛ 7:20

ye de ngɔpɛ ɛmɔ asue ngofi aseɛ bɔ mafa mama ɛmɔ ne aso, na awuro he bɔ mate ye nwo mafa me dumaa mato so ne, ngɔye me nye ngofi so, na mamaa wakakyi mmenia amukoraati bɛ noa nu anyandera ne ngorohoɛ dwirɛ.

Edwein 79:4

Yayɛ ngorohoɛ nikyee wɔ yɛ mmango mɔ nye so, bɛ bɔ bapɛ yɛ nwo bayia ne, bɛsere yɛ bɛkã yɛ anyinga.

Yeremia 18:16

Bama b’aseɛ ne aso ayɛ pralaa, na wayɛ nikyee bɔ mmenia sobi bɛ noa begua so afebɔɔ ɔ. Ebiala bɔ ɔpɛ nu berɛ ne, ye nwo kodwiri ye, na okopusu ye ti.

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yeremia 44:8

Nzu ati yeɛ ɛmɔfa ɛmɔ sa noa nnwumaa bewura me apue, bɔ ɛmɔyera ɛyɛɛ bɛma nyameɛ foforɛ mɔ wɔ Misraim aseɛ bɔ ɛmɔatena so ne aso, bɔ ɔnate ye sɔ ati ɛmɔ boso kɔnnua, ná ɛmɔayɛ ɛnomalɛ nikye ne ngorohoɛ nikye wɔ aseɛ ye aso maen amukoraa nu ɔ?

Hesekiel 16:57

koraka yeɛ w’amumuyɛɛ ne nwo baala so ɔ? Nakoso kekesaala ye de, Siria mma mmrasua mɔ ne bɛ bɔ bapɛ ye nwo bayia amukoraa, yeɛ Filistifoɛ mma mmrasua bɔ bapɛ wɔ nwo bayia amukoraa ne, ɛte bɛ ngorohoɛ dwirɛ.

Hesekiel 21:28

“Na wɔ, Sona awa, hyɛ ngɔm ná kã kyɛ: Bɔ AWURADE Nyameɛ kã fa Amonfoɛ ne bɛ ngorohoɛ nwo ɛhe. Kã kyɛ, “ ‘Ngrandɛ, bahwe ngrandɛ kyɛ bɛ́fa behũhũ, bahwi ye nwo kyɛ oli awue, kyɛ ɔ́tete yerɛmyerɛm kyɛ agralaa;

Hesekiel 22:2

Wɔ, Sona awa, ekobua ndɛen anaa, ekobua awuelilɛ kuro ne ndɛen anaa? Nzaade maa onwu ye akyiwadeɛ bra bɔ wabɔ amukoraa.

Hesekiel 23:32

AWURADE Nyameɛ nwa nyoo: “Eliɛma brasua ye kulie bɔ nu te kuronn, ná osa trɛ ne, nu yeɛ ɛkɔno ɔ; na bɛkɔsere wɔ bɛkɔgoro wɔ nwo, ofikyɛ bɔ ɔwɔ nu ne, ɔsone pee.

Hesekiel 23:7

Ɔfale ye nwo mane bɛ ɔbɔle gyandera, Asiriafoɛ atitire amukoraa, na bɛ bɔ ɔfale ye nwo mane bɛ ne amukoraa, ɔfale bɛ mmosoen amukoraa guale ye nwo fiɛ.

Hesekiel 24:7

Ofikyɛ mogya bɔ wahã wagua ne, ɔtɛwɔ nu, ɔhã guale wɔ nyɔbotaen wosee so, wanhwie wangua aseɛnwo maa anweaa angata so.

Hesekiel 24:8

Na mogya bɔ wahã wagua ne, mafa magua nyɔbotaen wosee so, kyɛbɔ so ngɔkata ɔ, amaa ɔnate so m’ahone ahu, ná matɔ so wereɛ.

Hesekiel 36:15

Mengɔma ɛngɔte maen maen mɔ bɛ ngorohoɛ ne ko, wɔ nyunu ngogua ase wɔ maen maen mɔ bɛ nyunu ko, yeɛ ɛngɔma wɔ maen ngɔbɔ ko, AWURADE Nyameɛ noa dwirɛ ɛne.”

Daniel 9:16

O AWURADE, w’adaworoma, kyɛbɔ wɔ tenenee amukoraa te ne, gyina so ná yakyi ɛyaafɛlɛ ne w’ahone bɔ wahu wɔ wɔ kuro Yerusalem so, wɔ wɔ bokaa krongron ne aso ne. Na ɔnate yɛ bɔne ne yɛ nana mɔ b’amumuyɛɛ ti, Yerusalem ne wɔ maen bakakyi ngorohoɛ dwirɛ bama bɛ bɔ bapɛ yɛ nwo bayia ne amukoraa.

Lewitikɔso 26:32

Ngɔsɛkye ɛmɔ aseɛ ne pasaa, maa ɛmɔ pɔfoɛ mɔ bɔ bekotu bɛkɔɔtena nu ne, ɔkɔyɛ bɛ nwanwa.

Numeri 32:14

Afei ɛmɔ, bɔnefoɛ boso ama, ɛmɔasi ɛmɔ nana mɔ gya nu, ɛmɔahɔ so bahu AWURADE ahone maa wafɛ Yisrael so yaa piri paa.

Deuteronomi 28:37

Maen maen mukoraati bɔ AWURADE kɔfa wɔ kɔhɔ so ne, bɔ ɔkɔto wɔ ne kɔyɛ bɛ nwanwa, na ɛmɔkɔkakyi berɛ ama mɔ bɛ noa nu anyandera ne ngorohoɛ dwirɛ.

Deuteronomi 29:24

bɛ ne maen maen mukoraati kɔha kyɛ, ‘Nzu ati yeɛ AWURADE ayɛ aseɛ ye sɔa ye? Nzikyɛ yeɛ ɔmane sɔ ɛyaa piri he wale ye?’

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!