Hesekiel 22:2 - AHYERƐLƐ KRONGRON

² Wɔ, Sona awa, ekobua ndɛen anaa, ekobua awuelilɛ kuro ne ndɛen anaa? Nzaade maa onwu ye akyiwadeɛ bra bɔ wabɔ amukoraa.

Hesekiel 22:2 Iomraidhean Croise

2 Ahemvo 21:16

Asa koso, Manase hane mogya bɔ odi be ɔ pee guale, kɔpem kyɛ ɔhane mogya guale Yerusalem nekaa biala ɔ. Asora bɔne bɔ ɔhwehwene Yuda hɔle nu maa ɔnate so bɛyɔle bɔ ɔte bɔne wɔ AWURADE nyunu ne.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 2:30

Ɛhwenɛ bɔ mahwe ɛmɔ mma mɔ bɛ so ne, wayɛ mbaen, bande fo. Ɛmɔ bɔbɔ ɛmɔ ngrandɛ yeɛ wahũ ɛmɔ ngɔmhyɛlɛfoɛ kyɛ gyata bɔ ye nye aboro ɔ.

Yeremia 2:34

Ehiafoɛ bɔ bedi be ɔ, bɛ mogya yeɛ wayɛ wɔ ndaadeɛ nu ɔ, ɔwɔ nu kyɛ angye bɛ kyɛ betu anoa bo de, nakoso ɛhe amukoraa si ne,

Hesekiel 11:6

Ɛmɔahũhũ mmenia pee wɔ kuro ye anu, na ɛmɔafa mmenia bɔ ɛmɔahũhũ bɛ ɔ bɛ fuin bayi mmorɔnoɛ nemɔ aso to.

Hesekiel 20:4

Ekobua bɛ ndɛen anaa, Sona awa? Ekobua bɛ ndɛen anaa? Nzaade maa benwu bɛ nana mɔ b’akyiwadeɛ bra bɔ bɛbɔle ɔ;

Hesekiel 22:1

Na ɔwale kyɛ, AWURADE lale ye dwirɛ ali hyirele me bieku kyɛ,

Hesekiel 22:3

Kã kyɛ, ‘AWURADE Nyameɛ nwa nyoo: Kuro bɔ ɔkã mogya gua wɔ ye nu ɔ, ye ayieleɛ mmerɛ adwu, kuro bɔ ogyina mmosoen mɔ ɔfa gua ye nwo fiɛ ɔ!

Hesekiel 24:6

“Yiti AWURADE Nyameɛ nwa nyoo: ‘Awuelilɛ kuro, wɔ yaakɔ! Wɔ bɔ ɛte dadesɛn bɔ nu ali naakye, bɔ ye naakye ne omvi nu ɔ! Yeye naen porɛ porɛ ne fi nu ngoko ngoko, bɔ ɛngɔpa nu ngɔyakyi bie ɔ.

Hesekiel 24:9

Yiti AWURADE Nyameɛ nwa nyoo: Awuelilɛ kuro, wɔ yaakɔ! Me koso ngɔboaboa nwuaka ne noa maa ɔkɔhɔ anwuro.

Hesekiel 9:9

Yeɛ obuale me kyɛ, “Yisrael awuro ama ne Yuda awuro ama b’amumuyɛɛ ne ɔte piri paa; mogya ayi aseɛ ne aso to, yeɛ ndɛengyea ayi kuro ne anu to; ofikyɛ bɛnwa: ‘AWURADE apo aseɛ ne, yeɛ AWURADE nnwu huu.’

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Nahum 3:1

Awuelilɛ kuro, wɔ yaakɔ oo! Ngondombo ne awerɔm awue yeɛ wayi ye to ɔ, apaabɔlɛ bo ɔngɔpɛ wɔ ye nu.

Mateo 23:35

Ye sɔ ne ati, mogya tenenee amukoraa bɔ bahwie bagua aseɛ so, ofi teneneeniɛ Abel mogya so kodwu Barakia awa Sakaria, bɔ ɛmɔhuni ye wɔ nekaa krongron berɛ ne afɔleɛ bokyea ne b’afia ne, bɛ mogya ne nwo asotwe kɔwa ɛmɔ so.

Mateo 27:25

Na maen ne amukoraa bebuale kyɛ, “Ye mogya ɔ́bɔ yɛ ne yɛ mma mɔ ti so!”

Luka 11:50

Yiti ngɔmhyɛlɛfoɛ amukoraa bɛ mogya bɔ bahã bagua fi ewiase ahyɛaseɛ ne, ye nwo asodie la ɛnɛmmafoɛ so,

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

1 Timoteo 5:20

Na bɛ bɔ bɔne ali bɛ ti ne, kã bɛ nyunu wɔ asɔre mma ne amukoraa nyunu, amaa ɔnate so bɛ ngaa ne basuro.