Hesekiel 22:16 - AHYERƐLƐ KRONGRON

¹⁶ Wɔ nwo kogua fiɛ wɔ maen maen mɔ bɛ nyunu, na ekonwu ye kyɛ me ole AWURADE.’ ”

Hesekiel 22:16 Iomraidhean Croise

1 Ahemvo 20:13

Afei ngɔmhyɛlɛniɛ bie wale Yisrael hene Ahabo berɛ oosele ye kyɛ, “AWURADE nwa nyoo, ‘Anwu ɛlɔen kandinga he amukoraa? Tie, ngɔfa bɛ ngowura wɔ sa ɛnɛ, na ekonwu kyɛ me ole AWURADE.’ ”

1 Ahemvo 20:28

Nyameɛ sona bie hɔle Yisrael hene berɛ oosele ye kyɛ, “AWURADE nwa: Ɔnate kyɛ Siriafoɛ bahã kyɛ me AWURADE nde mmokaa so Nyameɛ na mmom nnde bɔnza nu Nyameɛ ne ati, yiti ngɔfa ɛlɔen kandinga he amukoraa ngowura wɔ sa, amaa ɛmɔanwu kyɛ me ole AWURADE.”

Edwein 83:18

Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Edwein 9:16

AWURADE nate ye ndɛen turoloo bɔ obua ne aso waye ye nwo ali wahyire; wama bɔnefoɛ bɛ bɔbɔ bɛ yɔleɛ wayɛ ngaen wahye bɛ.

Edwein 9:17

Bɔnefoɛ bekowu bɛkɔhɔ ɛborɔ, maen maen amukoraa bɔ bɛ wora fi Nyameɛ ne koso, sɔ ala.

Ɛksadɔso 8:22

Nakoso sɔ kyẽa ne, ngɔye Gosen aseɛ bɔ me mmenia te so ne ngosie ahameɛ; nwɔsea pembepembe paa ne ngɔhɔ berɛ bie, amaa ɔnate so anwu ye kyɛ me ole AWURADE wɔ aseɛ ye aso.

Yesaya 37:20

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ wɔ ngome twe yeɛ ɛte AWURADE ɔ.”

Yesaya 43:28

Yiti, magua nekaa krongron berɛ mbanyi nemɔ nyunu ase, maye Yakob mama kyɛ musue ɔto ye, yeɛ maye Yisrael mama kyɛ bɛgoro ye nwo.

Yesaya 47:6

Mvɛle me maen so yaa, nguale m’agyapadeɛ nwo fiɛ, mvale bɛ nwurale wɔ sa, na annwu bɛ anwumvoin, na nworowaa po, ɛhyɛle bɛ so maa benwuni amaneɛ piri paa.

Hesekiel 22:17

Yeɛ AWURADE lale ye dwirɛ ali hyirele me kyɛ,

Hesekiel 25:3

Se Amonfoɛ kyɛ, Ɛ́mɔtie AWURADE Nyameɛ noa dwirɛ: AWURADE Nyameɛ nwa nyoo: Ɛhane kyɛ, ‘Ehee, ɔyɛ me fɛ!’ Ɛhane sɔ dwirɛ ne tiale me nekaa krongron ne wɔ mmerɛ bɔ beguale ye nwo fiɛ ne, ɛhã tiale Yisrael aseɛ wɔ mmerɛ bɔ bɛmaa ɔkakyili kurofoen ne, yeɛ ɛhã tiale Yuda awuro ama wɔ mmerɛ bɔ bɛhyele bɛ nnure bɛhɔle ne;

Hesekiel 39:28

Na afei bekonwu kyɛ me ole AWURADE bɛ Nyameɛ, bɔ mmaa bɛhyele bɛ nnure bɛhɔle maen maen so, ná afei maaboaboa bɛ noa mafa bɛ mawa bɛ bɔbɔ b’aseɛ so, bɔ manyakyi bɛ nu biala wɔ dɔ ko ɔ.

Hesekiel 6:7

Bɛ bɔ batotɔ ne, bɛkɔlela ɛmɔ nu, na ɛmɔkonwu kyɛ me ole AWURADE.

Hesekiel 7:24

Ngɔfa maen maen bɔ bɛ ti anu yɛ se paa ɔ ngɔwa maa bɛkɔɔfa b’awuro nemɔ. Ngɔma anwoserɛfoɛ b’anwomasoɛ ne bo kɔpɛ, na ngogua bɛ nekaa krongron nemɔ nwo fiɛ.

Daniel 4:25

Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie, na nyameɛso bosue kɔloa wɔ. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.