Hesekiel 22:13 - AHYERƐLƐ KRONGRON

¹³ “Yiti tie, mebɔ me sa nu metia mvasoɛ fiɛ bɔ anya ye ne, ɔne mogya bɔ ahã agua wɔ wɔ nu ne.

Hesekiel 22:13 Iomraidhean Croise

Anyandera 28:8

Sona bɔ ɔnate aminɛlilɛ ne bosea nwo nzihoɛ so onya ye nwo ne, ye anwonya bɔ ɔboaboa ye noa ne, okodi ebie bɔ ɔse ehiafoɛ anwumvoin ɔ ye berɛ.

Yesaya 33:15

Sana teneneeniɛ bɔ ɔkã nahorɛ, bɔ okyi aminɛlilɛ nu mvasoɛ, bɔ ɔnwaha ye sa kyɛ ongole fea-ase-ma, bɔ otuatua ye so kyɛ ongotie sona hunɛ nwo porɛ bɔ babɔ ɔ, bɔ omuamua ye nye kyɛ ɔngɔma ongonwu bɔne ɔ;

Hesekiel 21:14

“Na wɔ, Sona awa, hyɛ ngɔm ná bɔ wɔ sa nu. Ma ngrandɛ ne ohũhũ ye pɛen nyɔ so ɔne ye pɛen nza so. Mmenia huhunɛ ngrandɛ ne, ɔte ngrandɛ bɔ bɛbaafa bekũkũ mmenia pee bɔ wahã bɛ wapua ɔ.

Hesekiel 21:17

Me koso ngɔbɔ me sa nu, ná afei mama m’ahone atɔ nzue nu. Me, AWURADE, me yeɛ mahã ɔ.”

Hesekiel 21:19

“Wɔ, Sona awa, atee nyɔ bɔ Babilɔn hene ngrandɛ ɔkɔfa so kɔwa ne, fa beabea berɛ. Ma bɛ munyɔ bɛhyɛ ye bo befi aseɛ komapɛ aso bɛbra. Na ngwandaa bɔ ɔkɔ kuro ne anu ne, fa frangaa bie pena berɛ bɔ okyire atee ne ɔ.

Hesekiel 22:27

Ye mbanyi bɔ bɛwɔ ye nu ne, bɛte kyɛ mbataku bɔ bɛtete naen bɔ bahye ye ɔ nu ɔ. Bɛkã mogya begua, na beku mmenia maa ɔnate so benya anwonyadeɛ fiɛ.

Hesekiel 33:31

Bɛba wɔ berɛ kyɛbɔ maen bɛkwaayia ne ala, bɛtenatena wɔ nyunu kyɛ me maen, betie wɔ noa dwirɛ, nakoso benni so; ofikyɛ bɛma bɛ noa dwirɛ yɛ fɛfɛɛfɛ kyɛ bale bato nu, nakoso b’ahone nu de, b’anwonya fiɛ yeɛ bɛpena ɔ.

Amose 3:10

“Ofikyɛ bɛ bɔ bɛboaboa atianuserɛ ne awerɔm awue noa wɔ b’anwoserɛ afealeɛ mɔ anu ne, bɛnze kyɛbɔ bɛyɔ bɔ ɔtengyɛ ɔ,” AWURADE noa dwirɛ ɛne.

Numeri 24:10

Yeɛ Balake fɛle Balaam so yaa hahii. Ɔfale ye sa fini ye bɔbɔ ye sa nu, na osele Balaam kyɛ, “Ndole me sa mvrɛle wɔ kyɛ baanoma me pɔfoɛ mɔ; nakoso ayira bɛ pɛen nza mmom.

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.