Hesekiel 22:12 - AHYERƐLƐ KRONGRON

¹² Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Hesekiel 22:12 Iomraidhean Croise

Nehemia 5:1

Sɔ mmerɛ ne anu, mmenia ne pee ne bɛ ye mɔ, bɛfɛle yaa bɛhane kyɛ edwirɛ bɔ b’eliɛma mɔ Yudafoɛ bɛfa bedi bɛ ne, ɔnyɛ bɛ fɛ.

Nehemia 5:7

Na ndwene ye nwo alaa nen, mmɔle atitire ne mbanyi nemɔ kwaadu nzele bɛ kyɛ, “Ɛmɔde nzihoɛ befi ɛmɔ bɔbɔ deinn ɛmɔ aliɛma mɔ berɛ!” Na mmɔle dwaa kandinga kyɛ mene bɛ koli,

Edwein 106:21

Bɛ wora fili Nyameɛ bɔ ɔte bɛ Defoɛ ne, bɔ ɔyɔle nningyein mbiri mbiri wɔ Misraim ne,

Edwein 15:5

ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Anyandera 1:19

Sɔ yeɛ oyie mmenia mukoraa bɔ bɛpena anwonya wɔ atee tɛɛ so ɔ, na anwonya tɛɛ ne ɔpɛ ye nwo okũkũ bɛ.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 17:10

Ofikyɛ wɔ ngoalelɛ Nyameɛ ne, wɔ wora afi ye, na angaye Nyɔbotaen bɔ ɔbɔ wɔ nwo waen ne. Ye sɔ ne ati, ɔwɔ nu kyɛ edua nningyein paa paa de, edua nningyein bɔ ofi maen bie aso de,

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Yeremia 2:32

Aso taluwa, ye wora kofi ye mbembenanneɛ, anaa atɔmvorɛ braa, ye wora kofi ye ataadeɛ? Nakoso me maen de, ye wora afi me, mmerɛ tendenn bɔ bɛka a bennwu ye noa ɔ.

Yeremia 3:21

Mmenia te komviɛ bie wɔ mmokaa pralaa nemɔ aso, bɔ Yisrael mma mɔ besu bɛpa kyerɛ ɔ, ofikyɛ bali b’atee nwo makyebu, na bama bɛ wora afi AWURADE bɛ Nyameɛ.

Yeremia 6:13

Ofikyɛ ofi bɛ nu kwahweabaa mɔ so bɔ ɔkwaadwu bɛ nu titire paa mɔ so ɔ, apoobɔlɛ ali ebiala ti; ofi ngɔmhyɛlɛniɛ so bɔ ɔkwaadwu ɔsɔfo so po, ebiala nga nahorɛ.

Yeremia 9:1

Ao, ahaa né me ti te mbombonzue, ná me nye te abura bɔ opu moen ɔ. Ahaa eyia ne kɔngɔen ngosu me maen awa brasua ye mmenia bɔ bahũhũ bɛ ne!

Hesekiel 18:13

ɔbɔ bosea fa nzihoɛ si ye nwo, anaa ode bie boka so a, aso okonya ngoa anaa? Ongonya ngoa. Wabɔ sɔ akyiwadeɛ bra ne amukoraa; ewue yeɛ okowu ɔ, na ye bɔbɔ ye mogya kɔbɔ ye ti so.

Hesekiel 18:8

ɔmmɔ bosea mva nzihoɛ nzi ye nwo, anaa onne bie mva mmoka so, ɔtwe ye nwo fi amumuyɛɛ nwo, obua mmenia afia ndɛen bɔ ɔtengyɛ ɔ,

Hesekiel 23:35

Yiti AWURADE Nyameɛ nwa nyoo: Ɔnate kyɛ ama wɔ wora afi me, ná apo me ne ati, wɔ koso ekonya wɔ nyanzoen bra ne wɔ gyandera nwo asohwenɛ.”

Hesekiel 36:12

Amba, ngɔma mmenia bɔ bɛte me maen Yisrael, bɛkɔnatenate ɛmɔ so; bɛkɔfa wɔ bɛkɔyɛ bɛ deɛ, ɛkɔyɛ b’agyapadeɛ, na ɛngɔma bengoli abawuo ko.

Lewitikɔso 19:13

“Nnɛdi ebiɛngo ndurum, nnɛwua ye, yeɛ nnɛfa paaniɛ akatuaa wura wɔ nwo ma aleɛ kye so.

Lewitikɔso 25:37

Sɛ ɛbɔ ye bosea a, nnɛde ye dɔ nzihoɛ, yeɛ w’aleɛ bɔ ɛfa ma ye ne, nnɛhuru ye nyɔboɛ.

Amose 8:4

Ɛ́mɔtie ɛhe, ɛmɔ bɔ ɛmɔsisi mmenia bɔ bɛyɛ anwumvo ɔ, kyɛ ɛmɔfa so ma aseɛ ne aso ehiafoɛ bedi amia,

Amose 8:6

Ɛhe kɔmaa yɛkɔfa ɛdwetɛ yɛkɔtɔ ehiafoɛ, yɛkɔfa mmaboa yɛkɔtɔ bɛ bɔ bɛyɛ anwumvo ɔ, ná yatɔne atokoɔ boso bɔ ɔtte mayee ne.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Mateo 23:25

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔnwunzi kwangoa ne prɛte nwo, nakoso bɛ kunu de, apoo ne adifuu ayi bɛ tɛkyɛ.

Luka 18:11

Na Farasiiniɛ ne gyinane berɛ bɔle mbaeɛ ye ti anu kyɛ, ‘O Nyameɛ, meda wɔ ase kyɛ me de, nnde kyɛ mmenia ngaa ne ɔ: apoobɔlɛfoɛ, ngondombofoɛ, agyaasɛkyelɛfoɛ, anaakyɛ ɛtoɔdidelɛniɛ he po.

Luka 19:8

Yeɛ Sakeo dwɔso gyinane, na osele Awurade kyɛ, “Ao, Awurade, mefa m’anwonyadeɛ bue mekyɛ ehiafoɛ; na sɛ mafa aminɛlilɛ so male ebie nikyee a, ngɔbɔ ye nwo pɛen nna ngotua ye kerɛ.”

Luka 3:13

Na osele bɛ kyɛ, “Nnɛma ɛmɔdide ɛtoɔ maa ɔbo bɔ bapɛ bama ɛmɔ ne aso.”

1 Korintofoɛ 5:11

Na afei bɔ mekyerɛ mebrɛ ɛmɔ ole kyɛ, nnɛma ɛmɔ ne ebiala bɔ ɔfrɛ ye nwo aliɛmaa bɔ ɔbɔ adwaman, anaa ɔte anyeboroborolɛ, anaa ɔte bosoensolɛniɛ, anaa ɔte tuture, anaa akɔnomnzaniɛ anaa awueniɛ besã, nnɛma ɛmɔ ne ye to asaa bedidi po.

1 Korintofoɛ 6:10

awuefoɛ, anyeboroborolɛfoɛ, akɔnomnzafoɛ, nzekurebɔlɛfoɛ ne apoobɔlɛfoɛ ngɔhɔ Nyameɛ ahennie ne anu.

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

Deuteronomi 23:19

“Sɛ ɛfa nikyee fɛmo eliɛma Yisraelniɛ a, nnɛfa nzihoɛ si ye nwo: mekyire sikaa nwo nzihoɛ, aleɛ nwo nzihoɛ, anaa nikyee biala bɔ ɛfa fɛmo nwo nzihoɛ.

Deuteronomi 27:25

“ ‘Musue tó sona bɔ okole fea-ase-ma ná okohu obiɛngo bɔ odi be ɔ.’ Na mmenia ne amukoraa kosuro so kyɛ, ‘Amen!’

Deuteronomi 32:18

Nyɔbotaen bɔ ɔfale wɔ wale wiase ne de, andwene ye nwo, na wɔ wora fili Nyameɛ bɔ ɔwole wɔ ne.

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.