Hesekiel 22:10 - AHYERƐLƐ KRONGRON

¹⁰ Wɔ nu yeɛ mmenia bɛye bɛ se mɔ b’adagya bɛto so ɔ; na wɔ nu mmrasua bɔ babu bɛ sa, bɔ bɛ nwo nde ne, yeɛ bɛ ne bɛ bɛda ɔ.

Hesekiel 22:10 Iomraidhean Croise

Gyenesise 35:22

Mmerɛ bɔ né Yisrael te sɔ aseɛ ne aso nen, Ruben ne ye baba sómaa Bilha bɛlale, na Yisrael tele sɔ dwirɛ ne. Né Yakob mma mmienzua nemɔ bɛte buru ne nyɔ:

Gyenesise 49:4

Ɛwosowoso kyɛ nzue, yiti wɔ panyililɛ ne kɔbɔ wɔ, ofikyɛ ɛne ɛse aye bɛlale; ɛɛlale me bɛen so, eguale ye nwo fiɛ.

1 Aberɛso Dwirɛ 5:1

Yisrael bamuɛbaa Ruben ye boso ama mɔ. (Ye yeɛ né ɔte bamuɛbaa ɔ. Nakoso ɔnate kyɛ ɔfale efiɛ hane ɔse mba ne ati, ye bamuɛbaa dibea ne, bɛfa bɛmane Yisrael awa Yosef ye mma mmienzua mɔ. Ye sɔ ti, bɛkyerɛ aworɛ ndoatoasoɛ ne a, bangyerɛ ye dumaa kyɛ ye yeɛ ɔte bamuɛbaa ɔ.

Hesekiel 18:6

ná onni mmokaa so asɔneyɛɛ so aleɛ, anaa ɔmma ye ti so mva ye nye ngyire Yisrael awuro ama bɛ mmosoen, anaa ɔne obiɛngo aye bɛnna, anaa ɔmva ye nwo nga brasua bɔ wabu ye sa,

Lewitikɔso 18:19

“Nnɛkɔ brasua nwo ɛne ye bɛda wɔ mmerɛ bɔ wabu ye sa ɔ.

Lewitikɔso 18:6

“Nnɛma ɛmɔ nu biala ne ye abusuaniɛ beyia nnaa. Me ole AWURADE.

Lewitikɔso 20:11

Bienzua bɔ ɔne ɔse aye bɛkɔla ne, wagua ɔse nyunu ase; odi kyɛ beku bɛ munyɔ: baa ne ɔne braa ne, na bɛ wue kɔbɔ bɛ bɔbɔ bɛ ti so.

Lewitikɔso 20:18

Sɛ bienzua bie ne brasua bɔ wabu ye sa bɛda a, wabukye nekaa bɔ brasua ne mogya fi ba ɔ so, yeɛ brasua ne koso wabukye nekaa bɔ ye bɔbɔ ye mogya fi ba ɔ so; odi kyɛ bɛpɛ bɛ munyɔ asue befi maen ne anu.

Amose 2:7

Bɛ yeɛ betiatia ehiafoɛ ti so bɛkã bɛ ti bewura nnɛterɛ nu, ná besisi mmenia bɔ bɛyɛ anwumvo ɔ; ebie ne ɔse bɛ ne afaneɛ ko bɛda bɛfa begua me dumaa krongron ne anwo fiɛ.

1 Korintofoɛ 5:1

Baahã ye susu amba kyɛ ɛmɔ nu biemɔ bɔ adwaman, bɔ ye sɛso nne ewiasefoɛ po nu ɔ, ofikyɛ ebie fa ye baba aye.

Deuteronomi 27:20

“ ‘Musue tó sona biala bɔ ɔne ɔse aye bɛkɔla ɔ, ofikyɛ onwu ɔse mvealeɛ nu nningyein nwo.’ Na mmenia ne amukoraa kosuro so kyɛ, ‘Amen!’

Deuteronomi 27:23

“ ‘Musue tó sona biala bɔ ɔne ye sia brasua bɛkɔla ɔ.’ Na mmenia ne amukoraa kosuro so kyɛ, ‘Amen!’