Hesekiel 21:9 - AHYERƐLƐ KRONGRON

⁹ “Sona awa, hyɛ ngɔm ná kã kyɛ, AWURADE nwa nyoo: Kã kyɛ: Ngrandɛ, ngrandɛ bɔ basi ɔ, bɔ bahwi ye nwo ɔ,

Hesekiel 21:9 Iomraidhean Croise

YOB NWOMAA NE 20:25

Agyaen ne sina ye fite, ye noa ne sina ye abɔwee nu fite, na ewue nwo suronyi tɔ ye so.

YOB NWOMAA NE 9:22

Ye mukoraa pɛ; na ɛhe ati yeɛ menwa: bɔ mvomsoɛ nne ye nwo oo, bɔ ɔte amumuyɛɛniɛ oo, ode bɛ mukoraa bɛ ngoa fi bɛ sa nu.

Yesaya 27:1

Sɔ kyẽa ne, AWURADE kɔfa ye ngrandɛ serɛserɛ pirikua suronyisuronyi ne kɔhwe ɛlɛngyɛen suronyisuronyi, bɔ ɔte ewoo bɔ ye nwo yɛ nyera ne ye so. Ɔte ɛlɛngyɛen suronyisuronyi bɔ ɔbenzebenze ye nu ɔ, na AWURADE kosa kohũ sasrabɔnzam bɔ ɔwɔ ɛpo nu ne.

Yesaya 66:16

Ofikyɛ AWURADE kɔfa see ne ye ngrandɛ yeɛ okobua anwoɔnaen mukoraa ndɛen ɔ, na bɛ bɔ AWURADE kohũ bɛ ne, bɛkɔsone pee.

Yeremia 12:12

Ɛserɛ so mmokaa pralaa ne amukoraa so, yeɛ sɛkyefoɛ nemɔ bawa ɔ, ofikyɛ AWURADE ngrandɛ ne okũkũ mmenia, fi aseɛ ne noa kɔkã ye noa; asomdwee nne berɛ mma sona biala.

Yeremia 15:2

Na sɛ bebisa wɔ kyɛ, ‘Nisua yeɛ yɛhɔ ɔ?’ a, bua bɛ kyɛ, bɔ AWURADE kã ɛhe: Bɛ bɔ odi kyɛ ewue anwonyerɛ ku bɛ ne, okohu bɛ, bɛ bɔ odi kyɛ bɛtotɔ ngrandɛ noa ne, bɛkɔtotɔ ngrandɛ noa, bɛ bɔ odi kyɛ ɛhɔen kũkũ bɛ ne, okohũhũ bɛ, yeɛ bɛ bɔ odi kyɛ bɛkye bɛ nnure ne, bɛkɔhye bɛ nnure.’

Yeremia 46:4

Ɛ́mɔfa teaseɛnam mɔ bɛsosɔ mbɔngɔ mɔ; pɔngɔhanɛfoɛ, ɛ́mɔtenatena bɛ so! Ɛ́mɔfa ɛmɔ buralɛ kyerɛ bɛte begyina, ɛ́mɔsi ɛmɔ ngrandɛ mɔ, ɛ́mɔwurawura ɛmɔ buralɛ ngatasoɛ nemɔ!

Yeremia 47:7

Ɔkɔyɛ sɛɛ né wayɛ konn, wɔ aberɛ bɔ AWURADE ama ye ahyɛdeɛ kyɛ ɔfa koɛ ɔteta Asekelɔn ne mboanoa ne ɔ? Berɛ yeɛ wafa wawura ye sa ɔ.”

Hesekiel 21:15

Mafa ngrandɛ anoa nnaennaen magyinagyina bɛ pambim amukoraa nu, amaa ɔnate so ahunundetelɛ atɔ bɛ so, ná b’amaneɛnwunɛ ayɛ pee. Ah! ɔte yerɛmyerɛm kyɛ agralaa, na bahwi ye nwo bɔ bɛbaafa bekũkũ ɔ.

Hesekiel 21:28

“Na wɔ, Sona awa, hyɛ ngɔm ná kã kyɛ: Bɔ AWURADE Nyameɛ kã fa Amonfoɛ ne bɛ ngorohoɛ nwo ɛhe. Kã kyɛ, “ ‘Ngrandɛ, bahwe ngrandɛ kyɛ bɛ́fa behũhũ, bahwi ye nwo kyɛ oli awue, kyɛ ɔ́tete yerɛmyerɛm kyɛ agralaa;

Hesekiel 21:3

ná se Yisrael aseɛ ne kyɛ, AWURADE nwa nyoo: Tie, meko metia wɔ, ngɔhwe me sɛpɔ ne ngofi ye bɔha nu, na teneneefoɛ oo, bɔnefoɛ oo, ngonua bɛ boso ngofi wɔ nu.

Hesekiel 21:4

Wɔ nu teneneefoɛ oo, bɔnefoɛ oo, ngonua bɛ boso; na ɔnate sɔ ati, me sɛpɔ ne kofi ye bɔha nu koohũhũ anwoɔnaen biala, ofi ngwaen dɔ maa okoodwu sorɔ dɔ;

Hesekiel 21:8

Yeɛ AWURADE lale ye dwirɛ ali bieku hyirele me kyɛ,

Amose 9:4

Sɛ bɛkye bɛ nnure bɛkɔ bɛ pɔfoɛ mɔ nyunu po a, dɔ yeɛ ngɔhyɛ ngrandɛ maa okohũhũ bɛ ɔ; na ngotu me nye ngosie bɛ so ngɔfa bɔ ɔtte mayee ɔ ngoli bɛ, na mmom nna paa ɔ.”