Hesekiel 21:7 - AHYERƐLƐ KRONGRON

⁷ Na sɛ bebisa wɔ kyɛ, ‘Nzu ati yeɛ egua anwongokoɔ e?’ a, bua kyɛ, ‘Edwirɛ bɔ ɔ́ba ne ati ɔ. Ɔba a, ahunundetelɛ kɔtɔ ebiala so, ebiala abasa nu kodwo, ebiala nwo ngaka kotu komini, na ebiala nangoroma nu kɔyɛ mmerɛ kyɛ nzue. Ɛ́mɔnea, ɔ́ba, na ɔkɔwa nu koso amba,’ ” AWURADE Nyameɛ noa dwirɛ ɛne.

Hesekiel 21:7 Iomraidhean Croise

2 Samuel 17:10

Sɛ ɔba ye sɔ a, koɛhonɛniɛ bɔ ye ahone yɛ se te kyɛ gyata ne po, ɔkɔbɔ fuin. Ofikyɛ Yisraelfoɛ amukoraa bɛse kyɛ wɔ baba te koɛhonɛniɛ, yeɛ ye mmenia nemɔ koso bɛte koɛhonɛfoɛ ahoneserɛfoɛ.

2 Ahemvo 21:12

yiti AWURADE Yisrael Nyameɛ nwa, “Musue bɔ mebaaprapra megua Yerusalem ne Yuda so ne, ebiala bɔ ɔkɔte ne, ye kunu kɔte ye.

Edwein 58:7

Maa betu bemini kyɛ nzue bɔ ɔse ɔ, maa betiatia bɛ so, ná bɛkese kyɛ ɛserɛ.

Ɛksadɔso 15:15

Afei Edom ahemvo mɔ babɔ fuin; ɛserɛ aha Moabo atitirefoɛ; na bɛ bɔ bɛte Kanaan amukoraa b’ahone atu.

Yesaya 13:7

Yiti asaa mukoraa nu kohodwo, ahunundetelɛ kɔtɔ sona biala so,

Yesaya 28:19

Mmerɛ biala bɔ ɔbaapɛ nu ne, ɔkɔhye ɛmɔ, ofikyɛ ɔkɔɔpɛ nu ngyerɛmɔ biala, eyia ne kɔngɔen koso ɔkɔɔpɛ nu, Na ɔkɔyɛ ɛmɔ ahunundetelɛ kyɛ ɛmɔkɔte edwirɛ he abo ɔ.

Yesaya 35:3

Asaa bɔ nu ayɛ bɛtɛɛ ne, ɛ́mɔma nu yɛ se, yeɛ nangoroma bɔ nu ayɛ hodwoo ne, ɛ́mɔmiamia nu.

Yesaya 7:2

Na bɛbɔle Dawide awuro ama mɔ amaneɛ kyɛ, “Siria ne Efraim bayɛ apam” nen, Yuda hene Ahase ne ye mmenia bɛ nwo wosole bɛ tɛtɛtɛtɛ kyɛ ɛhɔayeɛ nu mmakaa bɔ mvrama woso bɛ ɔ.

Yeremia 26:12

Yeɛ Yeremia sele mbanyi nemɔ amukoraa ne maen ne amukoraa kyɛ, “AWURADE yeɛ ɔsomane me kyɛ mva edwirɛ bɔ ɛmɔate ye amukoraa nhyɛ ngɔm ndia awuro he ɔne kuro he ɔ.

Yeremia 49:23

Bɔ ɔfa Damasko nwo ɛhe: Hamate ne Apade nyunu agua ase, ofikyɛ bate edwirɛ bɔ ɔnyɛ fɛ ɔ; ahunundetelɛ atɔ bɛ so, aworabɔlɛ wɔ ɛpo so, ɔngora nyɛ konn.

Yeremia 50:43

“Babilɔn hene ate bɛ nga, na ye abasa nu ayɛ hodwoo; ahunundetelɛ atɔ ye so, ɔte yealɛ kyɛ brasua bɔ wafo aworɛ so ɔ.

Yeremia 8:18

M’anigye atu amini, aworabɔlɛ atira me, me kra wora abɔ wɔ me nu.

Awuye 5:17

Ɔnate ɛhe ati, yɛ wora abɔ. Ɛhemɔ ati, yɛ nye ayɛ musinamusina.

Hesekiel 20:49

Yeɛ nzele kyɛ, “Yieee, AWURADE Nyameɛ! Bɛkekã bɛfa me nwo kyɛ, ‘Aso nna anyandera nu yeɛ odwudwo e?’ ”

Hesekiel 21:15

Mafa ngrandɛ anoa nnaennaen magyinagyina bɛ pambim amukoraa nu, amaa ɔnate so ahunundetelɛ atɔ bɛ so, ná b’amaneɛnwunɛ ayɛ pee. Ah! ɔte yerɛmyerɛm kyɛ agralaa, na bahwi ye nwo bɔ bɛbaafa bekũkũ ɔ.

Hesekiel 21:6

“Na wɔ, Sona awa, fa aworabɔlɛ ne yealɛlilɛ gua anwongokoɔ bɔ bɛ nye tua ɔ.

Hesekiel 21:8

Yeɛ AWURADE lale ye dwirɛ ali bieku hyirele me kyɛ,

Hesekiel 22:14

Kyẽa bɔ me ne wɔ yɛkoli ye weewee so ne, aso ɛkɔhora kosi wɔ hue, anaa ɛkɔhora kogyina ye noa’? Me, AWURADE, me yeɛ mahã ɔ, na ngɔyɔ koso.

Hesekiel 24:19

Na mmenia ne bisale me kyɛ, “Ɛhemɔ bɔ ɛyɔ e, aso ɛngɔhã kyɛbɔ osi fa yɛ nwo ɔ engohyire yɛ?”

Hesekiel 6:2

“Sona awa, fa wɔ nye kyire Yisrael mmokaa nemɔ, ná hyɛ ngɔm tia bɛ,

Hesekiel 7:17

Asaa mukoraa nu kɔyɛ hodwoo, nangoroma mukoraa kɔyɛ mmerɛ kyɛ nzue.

Hesekiel 7:26

Musue kɔwa kɔtoatoa so, yeɛ ngunga kɔwa kɔtoatoa so; bɛkɔpena nyekyire bekofi ngɔmhyɛlɛniɛ ne berɛ, mmeraa ne anwo nimdeɛ kɔbɔ ɔsɔfo, yeɛ foɛtulɛ kɔbɔ mbanyi mɔ.

Daniel 5:6

Yeɛ ɛhene ne nyunu tole, ye nwo dwirili ye, ye nwo yɛle ye hodwoo, na ye nangoroma kekã bɔle nu biribiribiri.

Lewitikɔso 26:36

Na ɛmɔ nu mmenia bɔ bekonya bɛ ti bekodidi nu ne, ngɔfa ahunundetelɛ ngɔto bɛ so wɔ bɛ pɔfoɛ mɔ aseɛ nemɔ aso. Nyaa bɔ mvrama bɔ ye ne, ye nwo dede po kɔmaa bɛkɔnwati, bɛkɔnwati kyɛ ebie bɔ ɔnwati fi ngrandɛ noa ɔ, na bekofifi ase wɔ aberɛ bɔ ebiala mvoa bɛ ɔ.

Nahum 2:10

Ninewe abɔ tɔɔ, wabɔ tɔɔ, wasɛkye bɔkɔɔ! Mmenia nwo ngaka atu amini, nangoroma mɔ bayɛ hodwoo, bɛ sisia amukoraa yɛ bɛ yea, yeɛ bɛ nyunu amukoraa ayɛ hoyaa!

Luka 21:26

Na ahunundetelɛ, ɔne nningyein bɔ bɛnea a ɔbaasisi wiase ne, ɔkɔma mmenia nye so koburu bɛ; ofikyɛ bɛkɔwoso anwuro tumi mɔ.

Deuteronomi 20:8

Mbanyi nemɔ kɔhɔ so kodwudwo kohyire ɛlɔen ne kyɛ, ‘Aso ebie wɔ yɛ nu bɔ osuro anaa ye kunu tete ye ɔ? Osa hɔ ye awuro; anyɔ a né wama ye mmango kunu atete bɛ kyɛbɔ ye deɛ tete ye ne.’

Hebrifoɛ 12:12

Yiti ɛ́mɔma ɛmɔ sa bɔ nu agoho, ɔne ɛmɔ nangoroma bɔ nu ayɛ hodwoo ne anu yɛ se.

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Yosua 7:5

Ayefoɛ huhuni bɛ nu mmenia kɔyɛ aburasa ne nzia, bɛfoane bɛ befili kuro berɛ pambim ne asi toonn beedwuli Hyebarim, na behuhuni bɛ wɔ bokaa ne ndoroleɛ nu. Ɛserɛ hane Yisraelfoɛ, na bɛbɔle fuin.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.