Hesekiel 21:3 - AHYERƐLƐ KRONGRON

³ ná se Yisrael aseɛ ne kyɛ, AWURADE nwa nyoo: Tie, meko metia wɔ, ngɔhwe me sɛpɔ ne ngofi ye bɔha nu, na teneneefoɛ oo, bɔnefoɛ oo, ngonua bɛ boso ngofi wɔ nu.

Hesekiel 21:3 Iomraidhean Croise

YOB NWOMAA NE 9:22

Ye mukoraa pɛ; na ɛhe ati yeɛ menwa: bɔ mvomsoɛ nne ye nwo oo, bɔ ɔte amumuyɛɛniɛ oo, ode bɛ mukoraa bɛ ngoa fi bɛ sa nu.

Edwein 17:13

Ao, AWURADE, dwɔso fa koɛ toa bɛ, ná di bɛ so ngonim! Fa wɔ ngrandɛ ne pepɛ de me ngoa fi bɔnefoɛ sa nu.

Edwein 80:17

Nakoso sona bɔ ɔwɔ wɔ sa famaa so ne, sona awa bɔ wɔ ti amaa wanya anwoserɛ ne, nea ye so, ná bɔ ye nwo waen.

Edwein 83:15

sɔ ala yeɛ wɔ mvrama bɔ otu serɛserɛ ne, fa foa bɛ, ná fa wɔ mvrama piri ne nwunanwuna bɛ ɔ.

Ɛksadɔso 15:9

Pɔfoɛ ne hane kyɛ, ‘Ngɔpo bɛ so, ngɔɔto bɛ, ngɔhyɛ koɛ nu nzesadeɛ ne, na me kra ko koyi. Ngɔhwe me ngrandɛ, na me sa kɔma bɛ boso konua.’

Nworɛ Dwirɛhanɛniɛ 9:2

ofikyɛ ayieleɛ komapɛ ne ala yeɛ ɔla berɛ ma bɛ mukoraa ɔ: teneneeniɛ ne bɔnefoɛ, sona paa ne sona bɔ ɔtte mayee ɔ, sona bɔ ye nwo te ne bɔ ye nwo nde ɔ, bɔ ɔbɔ afɔleɛ ne bɔ ɔmmɔ afɔleɛ ɔ. Sona paa ne amumuyɛɛniɛ b’ayieleɛ te ko, yeɛ bɔ ɔta ndaen ne bɔ osuro ndaentalɛ koso b’ayieleɛ te ko.

Yesaya 10:5

Aa, Asiria, me yaafɛlɛ mbire, pɔmaa bɔ otira bɛ sa nu ne, ɔte m’ahonehulɛ piri!

Yesaya 34:5

Ofikyɛ me ngrandɛ ne, wano wama ye ko ayi wɔ anwuro, na nea, ódwu ba Edom so, ódwu ba maen bɔ manoma ye ne aso ɔbabua ye ndɛen.

Yesaya 57:1

Teneneeniɛ wu, na ebiala kunu nde ye, bɛpɛ anwoteefoɛ ngoa so bɔ ebiala nde ye bo ɔ. Ofikyɛ bɛpɛ teneneeniɛ ngoa so kyɛbɔ ɔkɔyɛ bɔ edwirɛ tɛɛ bɔ ɔbaawa ne ɔngɔto ye ɔ.

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Yeremia 21:13

Tie, wɔ bɔ ɛte bɔnza ne anu, wɔ bɔ ɛte aseɛ frɛtɛɛ so nyɔbotaen ɔ, meko metia wɔ, ɛmɔ bɔ ɛmɔkekã kyɛ, ‘Nwa yeɛ okodwu kɔwa yɛ so ɔ, anaakyɛ nwa yeɛ okowura y’atenaleɛ mɔ nu ɔ?’ AWURADE noa dwirɛ ɛne.

Yeremia 21:14

Nakoso ngɔhwe ɛmɔ so kyɛbɔ ɛmɔ yɔleɛ te ɔ, AWURADE noa dwirɛ ɛne. Ngɔto ye ɛhɔayeɛ ne anu see, na ɔkɔyera nikyee biala bɔ wapɛ ye nwo wayia ɔ.”

Yeremia 50:31

Wɔ, anwomasoɛniɛ, tie, meko metia wɔ, ofikyɛ wɔ kyẽa ne adwu, mmerɛ bɔ ngɔhwe wɔ so ne ɛne, AWURADE noa dwirɛ ɛne.

Yeremia 51:20

Wɔ yeɛ ɛte m’abopura ne koɛ nu akodeɛ ɔ, mefa wɔ yeɛ mebubu maen maen mɔ nu ɔ, na mefa wɔ yeɛ mesɛkye ahennie mɔ ɔ;

Yeremia 51:25

“Tie, wɔ, bokaa sɛkyefoɛ bɔ ɛsɛkye aseɛ ye amukoraa ɔ, meko metia wɔ, na ngɔtengyɛ me sa ngɔhwe wɔ so; ngomunu wɔ ngofi nyɔbotaen nemɔ aso ngɔto ase, na ngɔmaa ɛkɔyɛ bokaa bɔ wayera ɔ, AWURADE noa dwirɛ ɛne.

Hesekiel 13:8

Ye sɔ ne ati, AWURADE Nyameɛ nwa nyoo, “Ɔnate ɛmɔ dwirɛ mbaen mbaen kekanɛ ɔne ɛmɔ ngondombo nyekyire ne ati, ɛ́mɔtie, meko metia ɛmɔ, AWURADE Nyameɛ noa dwirɛ ɛne.

Hesekiel 14:17

“Anaakyɛ, sɛ metwe ngrandɛ metia sɔ maen ne, ná mekã kyɛ, ‘Ngrandɛ, fa aseɛ ne aso maa ngukũ mmenia ne ngaka mvi so a;

Hesekiel 14:21

“AWURADE Nyameɛ nwa nyoo: Nzaade me ndɛenbualɛ suronyisuronyi nna, bɔ bɛ ole ngrandɛ, ɛhɔen, awerɔm ngaka aboyaa ne ewue anwonyerɛ ne, sɛ meprapra megua Yerusalem so mekũkũ so mmenia ne ngaka mefi so ɛ?

Hesekiel 21:19

“Wɔ, Sona awa, atee nyɔ bɔ Babilɔn hene ngrandɛ ɔkɔfa so kɔwa ne, fa beabea berɛ. Ma bɛ munyɔ bɛhyɛ ye bo befi aseɛ komapɛ aso bɛbra. Na ngwandaa bɔ ɔkɔ kuro ne anu ne, fa frangaa bie pena berɛ bɔ okyire atee ne ɔ.

Hesekiel 24:9

Yiti AWURADE Nyameɛ nwa nyoo: Awuelilɛ kuro, wɔ yaakɔ! Me koso ngɔboaboa nwuaka ne noa maa ɔkɔhɔ anwuro.

Hesekiel 26:3

bɔ AWURADE Nyameɛ kã hɔ ɛhe: Tie, wɔ Tiro, meko metia wɔ, na ngɔma maen maen pee bɛkɔfa koɛ bɛkɔɔtoa wɔ, kyɛbɔ ɛpo ɔbɔ ye asorɔkye ba ne.

Hesekiel 29:10

Yiti tie, meko metia wɔ, ɛne w’asue nemɔ amukoraa, na Misraim aseɛ ne, ngɔbɔ ye tɔɔ, ngɔkakyi ye kurofoen, ofi Migidol bɔ ɔkɔ Siene alaa bɔ ɔkwaadwu Yitiopia ɛwɛen so ɔ.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Hesekiel 5:8

yiti AWURADE Nyameɛ nwa nyoo: Tie, me ne wɔ yɛkoli, na ngɔhwe wɔ so bɔ maen maen mɔ bɛ nye tua ɔ

Lewitikɔso 26:25

Na ngɔhwe ɛmɔ so ngrandɛ, ná matɔ ɛmɔ so wereɛ, ɔnate apam bɔ ɛmɔabu so ne ati. Na sɛ ɛmɔkɔfeafea ɛmɔ nguro nemɔ anu a, ngɔsoma anwonyerɛ tɛɛ maa ɔkɔbɔ ɛmɔ, na ngɔfa ɛmɔ ngowura ɛmɔ pɔfoɛ mɔ sa.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Amose 5:6

“Ɛ́mɔpena AWURADE si ate, na ɛmɔkonya ngoa; wamma ye sɔ a, ɔkɔwa Yosef awuro ama so kyɛ see, na ɔkɔyera ye, bɔ ebiala nne Betel bɔ okonua ye ɔ.

Amose 7:4

Ɛhe yeɛ AWURADE Nyameɛ ye hyirele me ɔ: Tie, AWURADE Nyameɛ fale see kyɛ ɔbaafa bua ndɛen. Ɔyerale buma piri ne, na ɔyerale aseɛ nekaa bie koso.

Nahum 2:13

Tie, meko metia wɔ, na ngɔyera ye teaseɛnam nemɔ wɔ nwosina ne anu. Ngrandɛ kohũhũ wɔ gyata mmaa nemɔ, ngɔma wɔ noa aleɛ komini kofi aseɛ ye aso, na bɛngɔte wɔ bɔfoɛ mɔ bɛ komvi ko, Asafo AWURADE noa dwirɛ ɛne.

Nahum 3:5

Tie, meko metia wɔ, Asafo AWURADE noa dwirɛ ɛne. Ngopuro w’ataadeɛ ngɔfa wɔ nyunu, ngɔma maen maen mɔ bekonwu w’adagya, na ahennie mɔ bekonwu w’animguaseɛ.

Sefania 2:12

“Ɛmɔ, Yitiopiafoɛ, ɛmɔ koso, me ngrandɛ noa yeɛ ɛmɔkɔtotɔ ɔ.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.