Hesekiel 21:25 - AHYERƐLƐ KRONGRON

²⁵ “ ‘Na wɔ, Yisrael panyi busueniɛ amumuyɛɛniɛ bɔ wɔ kyẽa ne adwu ɔ, wɔ so hwenɛ mmerɛ ne adwu bɔkɔɔ;

Hesekiel 21:25 Iomraidhean Croise

2 Aberɛso Dwirɛ 36:13

Nana Nebukadenesa bɔ né wama Sedekia wata Nyameɛ ndaen kyɛ ɔngɔyɛ ye nwo lɔen ne, Sedekia yɛle ye nwo lɔen. Sedekia yɛle asoserɛ, ná obubuli mmakaa tuale ye so kyɛ ɔngɔso AWURADE Yisrael Nyameɛ ne.

Edwein 37:13

Nakoso bɔnefoɛ nwo yɛ AWURADE sere, ofikyɛ ɔse kyɛ ye kyẽa ne wapingye.

Edwein 48:13

ɛ́mɔgyene ɛmɔ nye bɛnea ye fasue nemɔ yé, ɛ́mɔneanea ye anwoserɛ afealeɛ nemɔ anu yé, amaa amɔahora bahã ye nwo dwirɛ bahyire aworɛ ndoatoasoɛ bɔ ɔkɔwa nziɛ ye ne,

Edwein 7:9

Ao bɔnefoɛ b’amumuyɛɛ ne, ma ye bo ɔpɛ, nakoso sona bɔ ɔtengyɛ ne de, ma ye bo otindim. Ao Nyameɛ bɔ ɛtengyɛ ɔ, wɔ yeɛ ɛse mmenia ti anu ne b’ahone nu dwirɛ ɔ.

Yeremia 24:8

“Nakoso AWURADE nwa nyoo: Kyɛbɔ borɔdoma bɔ ɔtte mayee, bɔ bedi a ɔnyɛ yé ne ɔte ne, sɔ ala yeɛ ngobu Yuda hene Sedekia ɔne ye mbanyi ne Yerusalemfoɛ ngaa bɔ bɛkɔha aseɛ he aso ne, ɔne bɛ bɔ bɛte Misraim aseɛ so ne ɔ.

Yeremia 49:1

Bɔ AWURADE kã fa Amonfoɛ nwo ole kyɛ, “Aso Yisrael olle mmaa mmienzua anaa? Olle sona bɔ okoli ye bia anaa? Ɔyɛle sɛɛ bɔ bɛ hene yeɛ odi Gade so, bɔ ye mmenia tete ye nguro mɔ so ye?

Yeremia 49:2

Yiti ɛ́mɔtie, mmerɛ bie ɔ́ba, AWURADE noa dwirɛ ɛne, bɔ ngɔmaa bɛkɔte koɛ nwo ngunga wɔ Amonfoɛ kuro Raba; ɔkɔkakyi kurofoen so sire, na bɛkɔfa see bɛkɔyera ye nwo nguraa mɔ. Na bɛ bɔ Yisrael agyapadeɛ oolili bɛ dɔ ne, Yisrael kosa kole ye nikye, AWURADE noa dwirɛ ɛne.

Yeremia 51:13

Ao, wɔ bɔ ɛte asue pee noa, bɔ anwonyadeɛ abu wɔ so ɔ, w’ayieleɛ awa, na wɔ ngoa nyamaa nu ate.

Yeremia 52:2

Ɔyɔle bɔ ɔte bɔne wɔ AWURADE nyunu ɔ, kyɛbɔ Yehoakim yɔle ne amukoraa ala.

Hesekiel 17:19

Yiti AWURADE Nyameɛ nwa nyoo: Kyɛ nde ase ye, nahorɛ nu, me ndaen bɔ wabu ye animtia, ɔne m’apam bɔ wabu so ne, ngɔmaa ɔkɔbɔ ye ti so.

Hesekiel 21:12

Sona awa, sũ ná bɔ awuye, ofikyɛ sɔ dwirɛ ne kɔto me maen; ɔkɔto Yisrael mbanyi amukoraa; mafa bɛ ne me maen mawura ngrandɛ sa, yiti fa wɔ sa gua w’ahone so di aworabɔlɛ.

Hesekiel 21:24

“Yiti AWURADE Nyameɛ nwa nyoo: Ɛmɔ mmeraatolɛ ne, wala ali maa ɔnate so ɛmɔamaa wakaye ɛmɔ amumuyɛɛ, bɔ ɛmɔ bɔne da adi wɔ bɔ ɛmɔyɔ amukoraa nu ɔ. Na ɔnate kyɛ bɛkaye ɛmɔ ne ati, bɛkɔhye ɛmɔ nnure.

Hesekiel 21:29

wɔ aberɛ bɔ ngondombo nyekyire yeɛ benwu ye bɛma wɔ ɔ, bɛhyɛ wɔ ngɔm bɔ ɔtte nahorɛ ɔ, kyɛbɔ bɛkɔfa sɔ ngrandɛ ne bɛkɔpepɛ bɔnefoɛ bɛ ti ɔ, amumuyɛɛfoɛ bɔ bɛ kyẽa apingye, bɔ b’asohwenɛ mmerɛ adwu ne.

Hesekiel 25:5

Ngɔma Raba kɔkakyi aseɛ bɔ afupɔngɔ mɔ bedidi so ɔ, ná mama Amonfoɛ nguro akakyi mmoaen dabea, na ɛmɔkonwu kyɛ me ole AWURADE.

Hesekiel 30:3

Ofikyɛ kyẽa ne apingye, AWURADE kyẽa ne apingye, ɔkɔyɛ munungum kyẽa, ɔkɔyɛ maen maen mɔ b’amaneɛnwunɛ mmerɛ.

Hesekiel 35:5

Na ɔnate kyɛ asɔ ɛpɔen nu bɔ ɛngɔyakyi nu, bɔ afa ngrandɛ ahũhũ Yisraelfoɛ wɔ b’amaneɛ mmerɛ nu, wɔ bɛ sohwenɛ bɔ ɔpɛ ye bo mmerɛ nu ne ati,

Hesekiel 7:2

“Wɔ, Sona awa, bɔ AWURADE Nyameɛ ɔkã kyire Yisrael maen hɔ ɛhe: Ayieleɛ! Aseɛ ndweasoɛ nna ne, b’ayieleɛ yeɛ wato bɛ ne.

Hesekiel 7:3

Kekesaala ye de, ayieleɛ yeɛ wato wɔ ɔ, ngɔma me yaafɛlɛ ne kɔwa wɔ so; ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Hesekiel 7:6

Ayieleɛ awa, ayieleɛ ne awa! Wadwɔso ɔ́ba wɔ so, nea kyɛ ɔ́ba ɔ!

Amose 1:14

Yiti ngɔto Raba fasue nu see maa ɔkɔyera ye anwoserɛ afealeɛ nemɔ; na gyegyeegye kɔhɔ so wɔ koɛhonɛ kyẽa ne, ná mvrama piri atu wɔ mvrama bɔ ɔpɛ ye nwo ɔ kyẽa ne.