Hesekiel 21:23 - AHYERƐLƐ KRONGRON

²³ Na bɛ bɔ bata ndaen ne de, bekobu sɔ dwirɛ ne kyɛ ngɔndorɔ bie ɔ. Nakoso ye de, ɔkɔkaye b’amumuyɛɛ ne, na ɔkɔhye bɛ nnure.

Hesekiel 21:23 Iomraidhean Croise

1 Ahemvo 17:18

Yeɛ braa ne sele Elia kyɛ, “Nyameɛ sona, nzikyɛ dwirɛ yeɛ afa ali me ye? Ɛwale wa kyɛ ɛbaakaye me me bɔne, ná ɛma mma ne wu anaa?”

2 Ahemvo 24:20

Nahorɛ nu, Yerusalem ne Yuda huli AWURADE ahone maa ɔnate so AWURADE pɛle bɛ asue fili ye nyunu. Na Sedekia yɛle Babilɔn hene nwo lɔen.

2 Aberɛso Dwirɛ 36:13

Nana Nebukadenesa bɔ né wama Sedekia wata Nyameɛ ndaen kyɛ ɔngɔyɛ ye nwo lɔen ne, Sedekia yɛle ye nwo lɔen. Sedekia yɛle asoserɛ, ná obubuli mmakaa tuale ye so kyɛ ɔngɔso AWURADE Yisrael Nyameɛ ne.

Hesekiel 11:3

Bɛ yeɛ bɛnwa: ‘Mmerɛ bɔ bɛfa besisi sua ne onnya oddwuli. Kuro he ole turonzemaa ne, yeɛ yɛ ole naen ne.’

Hesekiel 12:22

“Sona awa, anyandera he bɔ ɛmɔbu bɛfa Yisrael aseɛ nwo kyɛ, ‘Moa moa ala yeɛ ngyẽa ne ɔkɔ ɔ, nakoso nyekyire biala ɔmma nu’ ne, ye bo ole sɛɛ?

Hesekiel 21:24

“Yiti AWURADE Nyameɛ nwa nyoo: Ɛmɔ mmeraatolɛ ne, wala ali maa ɔnate so ɛmɔamaa wakaye ɛmɔ amumuyɛɛ, bɔ ɛmɔ bɔne da adi wɔ bɔ ɛmɔyɔ amukoraa nu ɔ. Na ɔnate kyɛ bɛkaye ɛmɔ ne ati, bɛkɔhye ɛmɔ nnure.

Hesekiel 29:16

Yisrael awuro ama ngɔfa bɛ wora ngowura Misraim nu ko, na mmom bɛkɔkaye kyɛ bɛyɔle amumuyɛɛ, mmerɛ bɔ bɛhɔle bɛ berɛ bɛɛpenane mmokalɛ ne. Na bekonwu kyɛ me ole AWURADE Nyameɛ.”

Numeri 5:15

ye de odi kyɛ biaa ne fa ɔye ne ba ɔsɔfo ne nyunu. Odi kyɛ ɔfa braa ne ti afɔleɛ bɔ ɔte ayuo esam olonka ko ne ɔba. Nnɛmaa ɔfa ngoo gua so, yeɛ nnɛmaa ɔfa ɛyɛɛ ogua so, ofikyɛ ɔte nungunɛhwenɛ aburoo afɔleɛ. Ɔte ngayeɛ aburoo afɔleɛ, bɔ bɛfa bɛkaye amumuyɛɛ ɔ.

Nyekyire 16:19

Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.