Hesekiel 21:22 - AHYERƐLƐ KRONGRON

²² Ye sa famaa ne anu serewagualɛ ne, waye Yerusalem. Wahyɛ kyɛ behũhũ mmenia, ɔ́bɔ ese, wayɔ nikyee bɔ bɛfa bebubu pambim ɔ, bɔ bɛfa betua kuro ɔ, ɔne atweleɛ mɔ bɔ begyina so betua kuro ɔ.

Hesekiel 21:22 Iomraidhean Croise

2 Ahemvo 25:1

Sedekia lili hene ne, ye afoɛ ngona ne anu, bosome buru ne anu, ye eleburu ne aso, Babilɔn hene Nebukadenesa fale ye koɛhonɛfoɛ amukoraa ɔɔfale koɛ tetale Yerusalem, na otuale kuro ne. Bɛkyekyele nyinasoɛ bɔ bɛkɔfo so bɛkɔhɔ kuro ne anu ɔ bɛpɛle kuro berɛ fasue ne anwo beyiale.

YOB NWOMAA NE 39:25

Behu totorobɛndo a, ɔtea nu kyɛ, ‘Yieee!’ Koɛ wɔ dedeede a, ɔte ye nwo mverɛ, yeɛ safohene mɔ b’esebɔlɛ ne koɛ esebɔlɛ koso, ɔwɔ dede a, ɔte.

Yeremia 32:24

Ao nea, bagyinagyina nyinasoɛ mɔ wɔ kuro ne anwo kyɛ bɛfa betua kuro ne bedi so ngonim, na ɔnate ngrandɛ ne ɛhɔen ne ewue anwonyerɛ ne ati, bafa kuro ne bawura Kaldeafoɛ bɔ bafa koɛ bateta ye ne, bɛ sa. Edwirɛ bɔ ɛhane ne wawa nu, na nea, wɔ bɔbɔ enwu ye.

Yeremia 33:4

Ofikyɛ kuro he aso sua mɔ ne Yuda ahemvo mɔ sua mɔ bɔ bɛfale nyinasoɛ ne ngrandɛ bedwiri beguale ne, bɔ AWURADE Yisrael Nyameɛ, ɔkã fa bɛ nwo ɛhe:

Yeremia 4:16

Ɛ́mɔbɔ maen maen mɔ kɔkɔ, ɛ́mɔbɔ ye dawure wɔ Yerusalem kyɛ, Pɔfoɛ mɔ befi maen bie aso dedeede bɛ́ba, bɛtea nu begua Yuda nguro nemɔ aso.

Yeremia 51:14

Asafo AWURADE ata ye bɔbɔ ye nwo ndaen kyɛ: Amba, ngɔma mmenia koyi wɔ nu mitimiti kyɛ mmɛbɛ, na bɛkɔbɔ wɔ nwo ese.

Yeremia 52:4

Na ɔwale kyɛ Sedekia ye ahennie afoɛ bɔ ɔtɔ so ngona ne, ye bosome buru ne anu, ye eleburu ne aso, Babilɔn hene Nebukadenesa ne ye koɛhonɛfoɛ amukoraa bɛfale koɛ bɛɛtetale Yerusalem. Betuale kuro ne, na bɛkyekyele nyinasoɛ bɔ bɛkɔfo so bɛkɔhɔ kuro ne anu ɔ bɛbrale ye nwo beyiale.

Hesekiel 26:8

Ɔkɔfa ngrandɛ kohũhũ wɔ mma mmrasua bɔ bɛwɔ aseɛ ne aso ne; ɔkɔyɔ nyinasoɛ bɔ bɛkɔfo so bɛkɔwa wɔ nu ɔ, ɔkɔboaboa anweaa sire wɔ wɔ si, na ɔkɔfa akokyɛm mɔ kɔwa wɔ so.

Hesekiel 26:9

Ɔkɔfa nikyee bɔ bɛfa bebubu fasue ɔ kɔwa wɔ so, na ɔkɔfa ye akodeɛ kobubu w’abandenden mɔ kogua.

Hesekiel 4:2

tua kuro ne, yɔ nyinasoɛ bɔ bɛkɔfo so bɛkɔhɔ kuro ne anu ɔ, boaboa anweaa sire wɔ ye si, kyekye asikyeleɛ pɛ ye nwo bra yia, ná fa nikyee bɔ bɛfa bedwiri fasue begua ɔ pɛ ye nwo bra yia.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Amose 1:14

Yiti ngɔto Raba fasue nu see maa ɔkɔyera ye anwoserɛ afealeɛ nemɔ; na gyegyeegye kɔhɔ so wɔ koɛhonɛ kyẽa ne, ná mvrama piri atu wɔ mvrama bɔ ɔpɛ ye nwo ɔ kyẽa ne.

Yosua 6:10

Na mmenia ne de, Yosua hyɛle bɛ kyɛ, “Nnɛma ɛmɔbɔ ese, nnɛmɔma bɛte ɛmɔ nga, yeɛ nnɛma ɛmɔtɛ bɛ noa nu, kɔpem kyẽa bɔ ngɔhã ngohyire ɛmɔ kyɛ ɛ́mɔbɔ ese ɔ, koraka ná ɛmɔabɔ ese.”

Yosua 6:20

Yiti mmenia ne bɔle ese, na asɔfo nemɔ huli totorobɛndo nemɔ. Mmerɛ bɔ mmenia ne tele kyɛ bahu totorobɛndo nemɔ pɛ, bɛbɔle ese serɛserɛ, na fasue ne bu guale gyirigorɔɔ. Na mmenia ne amukoraa hɔle bɛ nyunu tee beewura kuro ne anu, na belili so ngonim.

1 Samuel 17:20

Dawide dwɔsole alebahyene, ɔfale mmoaen nemɔ wurale ebie sa kyɛ ɔnea bɛ so, na ɔfale aleɛ ne sili nu hɔle, kyɛbɔ Yese hyɛle ye ne. Mmerɛ bɔ oodwuli asikyeleɛ ne anu ne, né Yisrael koɛhonɛfoɛ nemɔ bétu bɛ bo bekogyina koɛ noa, bɔ né bɛteatea nu bɛ́to koɛ dwein ɔ.