Hesekiel 21:21 - AHYERƐLƐ KRONGRON

²¹ Ofikyɛ Babilɔn hene waagyina ngwandaa ne aso, nekaa bɔ atee nyɔ nemɔ beyia ne, kyɛ ɔkɔ abisa. Ɔnwaha agyaen, obisa abusua amoen ne, na ɔnea brɛboɛ mɔ nu.

Hesekiel 21:21 Iomraidhean Croise

Gyenesise 31:19

Né Laban ahɔ kyɛ ɔkwaapepɛ ye mmoaen nwo nwiaa, na Rahɛl wuale ɔse awuro mmosoen.

Gyenesise 31:30

Kekesaala ye de, wɔ wora adɔ ɛse awuro ti yeɛ ɛkɔ ɔ, na nzu ati yeɛ ewuale me mmosoen ɔ?”

2 Ahemvo 23:24

Afei koso, Yosia huhuni nzamangɔmhyɛlɛfoɛ ne ahɔmeɛ nemɔ, na obubuli abusua amoen ne amoen mɔ ne akyiwadeɛ amukoraa bɔ benwuni bɛ wɔ Yerusalem ne Yuda maen ne anu ɔ. Mmeraa dwirɛ bɔ amba, bahyerɛ ye wɔ nwomaa bɔ ɔsɔfo Hilkia nwuni ye wɔ AWURADE awuro berɛ ne anu ne, Yosia yɔle sɔ fa lili nu dwirɛ ne aso.

Anyandera 16:10

Ɛhene noa dwirɛ te ngɔmhyɛlɛ, na ye ndɛenbualɛ nu, ye noa nyɛ mvomsoɛ.

Anyandera 16:33

Mmenia gua serewa de, nakoso nu ngyerɛmuɛ ne amukoraa ofi AWURADE.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Hosea 4:12

Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Sakaria 10:2

Ofikyɛ abusua amoen nemɔ kekã ngwaseasɛm, ahɔmeɛ nemɔ benwu nnakannaka dwirɛ, na bɛ laleɛ nu dwirɛ bɔ bɛkekã ne, ɔte ngondombo; bɛkyekye ɛmɔ wora mbaen. Yiti maen ne kyinikyini kyɛ mmoaen, bɛyɛ anwumvo, ofikyɛ neafoɛ biala nne berɛ.

Numeri 22:7

Yiti Moabo mbanyi ne Midian mbanyi fale abisa aboadeɛ ne, na besili nu bɛhɔle Balaam berɛ bɛɛfale Balake dwirɛ ne bɛɛbɔle ye amaneɛ.

Numeri 23:23

Amba, bɛyyele ngonyaa biala bettiale Yakob, yeɛ bɛwwale Yisrael amoen biala. Afei bɛkɔhã bɛkɔfa Yakob ne Yisrael nwo kyɛ, ‘Nea bɔ AWURADE ayɔ ɔ!’

Numeri 23:28

Yiti Balake fale Balaam hɔle bokaa Peɔ so, bɔ egyi berɛ a, wɔ nye tua ɛserɛ pralaa ne.

Mateo 22:9

Yiti ɛmɔhɔ mmorɔnoɛ nemɔ aso, na mmenia somaa biala bɔ ɛmɔkonwu bɛ ne, ɛ́mɔfrɛfrɛ bɛ ma bɛbra atɔmvorɛ ne abo.’

Asomafoɛ 16:16

Né yɛkɔ nekaa bie bɔ mmenia bɛtaa beyia bɛbɔ mbaeɛ ɔ, na abaayaa bie bɔ ɔte afaneɛ bɔ odi ahɔen ɔ wale ooyiale yɛ. Ye ngɔmhyɛlɛ ne, né wama ye mene mɔ banya bɛ nwo tam.

Deuteronomi 18:10

Ɔnzɛ kyɛ benwu ebiala wɔ wɔ nu bɔ ɔfa ɔwa bienzua anaa brasua ɔbɔ afɔleɛ wɔ see nu ɔ, anaa bɔ odi ahɔen, anaa ngonyaayelɛniɛ, anaa bayifoɛ, anaa musueyelɛniɛ,

Maenbulɛfoɛ 17:5

Sɔ biaa Mika he, né ole amoen asɔneyɛɛ. Ɔpale ɔsɔfo ataadeɛ, na ɔyɔle abusua amoen. Ɔhyɛle ɔwa bienzua ko sɔfo maa ɔyɛle ye sɔfo.

Maenbulɛfoɛ 18:14

Yeɛ mmienzua nnu bɔ bɛɛtetɛle Layise aseɛ ne, besele bɛ mmango nemɔ kyɛ, “Aso ɛmɔse kyɛ ɔsɔfo ataadeɛ, abusua amoen, ɔne buralɛ amoen wɔ sua hemɔ anu ɔ? Bɔ odi kyɛ ɛmɔyɔ ne, nna ebie yeɛ ɔbaahyire ɛmɔ ɔ.”

Maenbulɛfoɛ 18:17

mmienzua nnu bɔ bɛɛtetɛle aseɛ ne, bɛhɔle awuro berɛ bɛɛsesale buralɛ amoen ne, ɔsɔfo ataadeɛ ne ɔne abusua amoen nemɔ. Né ɔsɔfo ne, ɔne mmienzua ɛyaa nzia bɔ betiratira akodeɛ ne, begyigyi pambim ne anoa nu berɛ.

Maenbulɛfoɛ 18:18

Mmienzua nnu ne hɔle Mika awuro berɛ bɛɛsesale buralɛ amoen ne, ɔsɔfo ataadeɛ ne ɔne abusua amoen nemɔ nen, ɔsɔfo ne bisale bɛ kyɛ, “Na nzikyɛ yeɛ ɛmɔyɔ ye?”

Maenbulɛfoɛ 18:20

Ɔsɔfo ne penene b’edwirɛ ne aso. Ɔfale ɔsɔfo ataadeɛ ne, abusua amoen ne, ɔne amoen ne, na ɔne mmenia nemɔ sili nu bɛhɔle.

Maenbulɛfoɛ 18:24

Na Mika buale kyɛ, “Ɛmɔasesa me mmosoen bɔ mayɔ ɔ ɔne me sɔfo bahɔ, na beni yeɛ waha me sa nu ɔ? Nzu ati yeɛ ɛmɔbisa me kyɛ, ‘Nzikyɛ dwirɛ’ ahɔ ɔ?’ ”

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”