Hesekiel 21:16 - AHYERƐLƐ KRONGRON

¹⁶ O ngrandɛ, pɛ kɔ famaa so, pɛ kɔ bɛen so, pɛ kɔ nekaa biala bɔ bɛkɔfa wɔ nyunu bekohyire ne.

Hesekiel 21:16 Iomraidhean Croise

Gyenesise 13:9

Aso nna aseɛ yeɛ ɔla wɔ nyunu tɛtrɛtɛɛ ye? Mesrɛ wɔ, te wɔ nwo fi me nwo. Na sɛ ɛfa bɛen so a, me wora ngɔfa famaa so; yeɛ sɛ ɛfa famaa so koso a, me wora ngɔfa bɛen so.”

Hesekiel 14:17

“Anaakyɛ, sɛ metwe ngrandɛ metia sɔ maen ne, ná mekã kyɛ, ‘Ngrandɛ, fa aseɛ ne aso maa ngukũ mmenia ne ngaka mvi so a;

Hesekiel 16:46

Eliɛma brasua panyi ole Samaria, bɔ ɔne ye mma mmrasua bɛte wɔ sa bɛen so dɔ ne. Yeɛ eliɛma brasua kãa ole Sodom, bɔ ɔne ye mma mmrasua bɛte wɔ sa famaa so dɔ ne.

Hesekiel 21:15

Mafa ngrandɛ anoa nnaennaen magyinagyina bɛ pambim amukoraa nu, amaa ɔnate so ahunundetelɛ atɔ bɛ so, ná b’amaneɛnwunɛ ayɛ pee. Ah! ɔte yerɛmyerɛm kyɛ agralaa, na bahwi ye nwo bɔ bɛbaafa bekũkũ ɔ.

Hesekiel 21:17

Me koso ngɔbɔ me sa nu, ná afei mama m’ahone atɔ nzue nu. Me, AWURADE, me yeɛ mahã ɔ.”

Hesekiel 21:20

Fa atee ko bea berɛ bɔ ngrandɛ ne kɔfa so kɔwa Amonfoɛ kuro Raba so ɔ, ɔne atee ko koso bɔ ɔkɔfa so kɔwa Yuda ɔ, mékyire Yerusalem bɔ bato ye nwo fasue ne.

Hesekiel 21:4

Wɔ nu teneneefoɛ oo, bɔnefoɛ oo, ngonua bɛ boso; na ɔnate sɔ ati, me sɛpɔ ne kofi ye bɔha nu koohũhũ anwoɔnaen biala, ofi ngwaen dɔ maa okoodwu sorɔ dɔ;

Hesekiel 28:23

Ofikyɛ ngɔsoma ewue anwonyerɛ maa ɔkɔhɔ ye so, ngɔma mogya koguagua ye dwaa nemɔ aso, na ngrandɛ bɔ okofi nekaa biala kɔwa ye so ne, ɔkɔma mmenia kɔtotɔ wɔ ye nu, na afei bekonwu kyɛ me ole AWURADE.