Hesekiel 21:15 - AHYERƐLƐ KRONGRON

¹⁵ Mafa ngrandɛ anoa nnaennaen magyinagyina bɛ pambim amukoraa nu, amaa ɔnate so ahunundetelɛ atɔ bɛ so, ná b’amaneɛnwunɛ ayɛ pee. Ah! ɔte yerɛmyerɛm kyɛ agralaa, na bahwi ye nwo bɔ bɛbaafa bekũkũ ɔ.

Hesekiel 21:15 Iomraidhean Croise

Hesekiel 21:10

bɔ basi kyɛ bɛfa bekũkũ ɔ, bɔ bahwi ye nwo maa ɔte yerɛmyerɛm kyɛ agralaa ɔ! Aso odi kyɛ yɛfa edwirɛ ne yɛdi angorɛ anaa? Mma, abu mbire ne ne asohwenɛ amukoraa animtia.

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Hesekiel 21:28

“Na wɔ, Sona awa, hyɛ ngɔm ná kã kyɛ: Bɔ AWURADE Nyameɛ kã fa Amonfoɛ ne bɛ ngorohoɛ nwo ɛhe. Kã kyɛ, “ ‘Ngrandɛ, bahwe ngrandɛ kyɛ bɛ́fa behũhũ, bahwi ye nwo kyɛ oli awue, kyɛ ɔ́tete yerɛmyerɛm kyɛ agralaa;

Hesekiel 21:22

Ye sa famaa ne anu serewagualɛ ne, waye Yerusalem. Wahyɛ kyɛ behũhũ mmenia, ɔ́bɔ ese, wayɔ nikyee bɔ bɛfa bebubu pambim ɔ, bɔ bɛfa betua kuro ɔ, ɔne atweleɛ mɔ bɔ begyina so betua kuro ɔ.

Hesekiel 21:7

Na sɛ bebisa wɔ kyɛ, ‘Nzu ati yeɛ egua anwongokoɔ e?’ a, bua kyɛ, ‘Edwirɛ bɔ ɔ́ba ne ati ɔ. Ɔba a, ahunundetelɛ kɔtɔ ebiala so, ebiala abasa nu kodwo, ebiala nwo ngaka kotu komini, na ebiala nangoroma nu kɔyɛ mmerɛ kyɛ nzue. Ɛ́mɔnea, ɔ́ba, na ɔkɔwa nu koso amba,’ ” AWURADE Nyameɛ noa dwirɛ ɛne.

Hesekiel 20:47

ná se ngwaen dɔ ɛhɔayeɛ ne kyɛ, ‘Tie AWURADE noa dwirɛ. AWURADE Nyameɛ nwa nyoo: Tie, mebaato wɔ nu see, na ɔkɔyera bakaa monɛ ne bakaa wuruwaa biala bɔ ɔwɔ wɔ nu ɔ. Ɔte see bɔ ogye wuronyiwuronyi bɔ ongonua ɔ, na ofi ngwaen bɔ ɔkwaadwu sorɔ ne, ɔkɔyera bɔ ɔwɔ so amukoraa.

Hesekiel 15:7

Ngotu me nye ngosie bɛ so. Ɔwɔ nu kyɛ benyane bɛ ti bedidili nu befili see nu de, nakoso see foforɛ kɔyera bɛ; na sɛ metu me nye mesie bɛ so a, ɛmɔkonwu kyɛ me ole AWURADE.

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

2 Samuel 17:10

Sɛ ɔba ye sɔ a, koɛhonɛniɛ bɔ ye ahone yɛ se te kyɛ gyata ne po, ɔkɔbɔ fuin. Ofikyɛ Yisraelfoɛ amukoraa bɛse kyɛ wɔ baba te koɛhonɛniɛ, yeɛ ye mmenia nemɔ koso bɛte koɛhonɛfoɛ ahoneserɛfoɛ.

Yosua 2:11

Yɛtele sɔ dwirɛ ne pɛ yeɛ ahunundetelɛ tɔle yɛ so ɔ, na ɔnate ɛmɔ ti yɛ mukoraati y’aba nu buli; ofikyɛ AWURADE ɛmɔ Nyameɛ ne, ye ole Nyameɛ wɔ nyameɛso anwuro anwuro ne aseɛ ye aso amba.

Yesaya 59:10

Yɛfuafua yɛpena terɛ kyɛ anyesiniwaafoɛ, yɛfuafua kyɛ bɛ bɔ belle anyeɛ ɔ; yɛsoti eyia ketee kyɛ kɔngɔen ahɔ ɔ, na yɛte kyɛ awufoɛ wɔ anwoserɛfoɛ nu.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Yeremia 18:15

Nakoso me maen de, ye wora afi me, bɛyera ɛyɛɛ mɔ bɛma mmosoen mbaen mbaen mɔ; bamaa basoti wɔ b’atee mɔ so, bafi atimbire daa nemɔ aso, bafa makyebu atee mɔ so, bɔ nna atimbire ahɔ ɔ.

Hesekiel 21:16

O ngrandɛ, pɛ kɔ famaa so, pɛ kɔ bɛen so, pɛ kɔ nekaa biala bɔ bɛkɔfa wɔ nyunu bekohyire ne.

Hesekiel 21:19

“Wɔ, Sona awa, atee nyɔ bɔ Babilɔn hene ngrandɛ ɔkɔfa so kɔwa ne, fa beabea berɛ. Ma bɛ munyɔ bɛhyɛ ye bo befi aseɛ komapɛ aso bɛbra. Na ngwandaa bɔ ɔkɔ kuro ne anu ne, fa frangaa bie pena berɛ bɔ okyire atee ne ɔ.