Hesekiel 21:12 - AHYERƐLƐ KRONGRON

¹² Sona awa, sũ ná bɔ awuye, ofikyɛ sɔ dwirɛ ne kɔto me maen; ɔkɔto Yisrael mbanyi amukoraa; mafa bɛ ne me maen mawura ngrandɛ sa, yiti fa wɔ sa gua w’ahone so di aworabɔlɛ.

Hesekiel 21:12 Iomraidhean Croise

Yesaya 13:7

Yiti asaa mukoraa nu kohodwo, ahunundetelɛ kɔtɔ sona biala so,

Yeremia 25:34

“Ɛmɔ, mmoaenneafoɛ, ɛ́mɔbɔ awuye ná ɛ́mɔsu; mmoaen kure nemɔ so atitire mɔ, ɛ́mɔmunumunu ɛmɔ nwo wɔ nzoen nu, ofikyɛ ɛmɔ hunɛ ne ɛmɔ ayabɔlɛ ngyẽa ne wadwu, na ɛmɔkowuwu kyɛ mmoaen nyii bɔ balɔ ɔ.

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Yeremia 31:19

Amba, nzale me si, na ye si ye, nzakyerale m’adwene. Na ye si ye bɔ me nye wale me nwo so ne, mvale me sa nguale m’ahone so; mvɛrele, na me nyunu guale ase, ofikyɛ mmɔle nyanzoen bra wɔ me mmerandeɛ nu.’

Hesekiel 21:11

“ ‘Ɔfale ngrandɛ ne mane kyɛ behwi ye nwo, amaa sɛ betira nu a wayɛ yee. Basi ngrandɛ ne, yeɛ bahwi ye nwo, kyɛ bɛfa bewura sonahunɛniɛ ne sa nu.

Hesekiel 21:13

“ ‘Ɛ́mɔdwene ye nwo: Sɛ ɛmɔbu mbire ne animtia a, aso edwirɛ ne ngosi anaa? AWURADE Nyameɛ noa dwirɛ ɛne.’

Hesekiel 21:14

“Na wɔ, Sona awa, hyɛ ngɔm ná bɔ wɔ sa nu. Ma ngrandɛ ne ohũhũ ye pɛen nyɔ so ɔne ye pɛen nza so. Mmenia huhunɛ ngrandɛ ne, ɔte ngrandɛ bɔ bɛbaafa bekũkũ mmenia pee bɔ wahã bɛ wapua ɔ.

Hesekiel 21:25

“ ‘Na wɔ, Yisrael panyi busueniɛ amumuyɛɛniɛ bɔ wɔ kyẽa ne adwu ɔ, wɔ so hwenɛ mmerɛ ne adwu bɔkɔɔ;

Hesekiel 21:6

“Na wɔ, Sona awa, fa aworabɔlɛ ne yealɛlilɛ gua anwongokoɔ bɔ bɛ nye tua ɔ.

Hesekiel 22:6

“ ‘Tie, Yisrael mbanyi bɔ bɛwɔ wɔ nu ne, bɛ nu biala gyina ye tumi so yeɛ ɔkã mogya gua ɔ.

Hesekiel 30:2

“Sona awa, hyɛ ngɔm ná se kyɛ, AWURADE Nyameɛ nwa nyoo: “Ɛ́mɔbɔ awuye! Ah, ɛ́mɔbɔ kyẽa ne nwo awuye!

Hesekiel 6:11

AWURADE Nyameɛ nwa nyoo, “Bɔ wɔ sa nu, fa wɔ gya pem pem berɛ, ná kã kyɛ, ‘Aa!’ Ɔnate Yisrael awuro ama b’akyiwadeɛ bɔne bɔ bayɔ ne amukoraa ti ɔ; ofikyɛ bɛkɔtotɔ ngrandɛ noa, na ɛhɔen ne ewue anwonyerɛ kohũhũ bɛ.

Hesekiel 7:17

Asaa mukoraa nu kɔyɛ hodwoo, nangoroma mukoraa kɔyɛ mmerɛ kyɛ nzue.

Hesekiel 9:8

Na begu so bɔ bekũkũ bɛ ne, ɔhale me ngome wɔ berɛ, na mvale me nyunu mmutuli berɛ ndeateane nu kyɛ, “Ao, AWURADE Nyameɛ, aso ɛbaanua bɛ bɔ baha wɔ Yisrael ne amukoraa bɛ boso wɔ wɔ yaafɛlɛ bɔ afɛ ye wɔ Yerusalem so ne anu anaa?”

Yoel 1:13

Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Yoel 2:1

Ɛ́mɔhu totorobɛndo wɔ Sion, ɛ́mɔbɔ ese wɔ me bokaa krongron ne aso! Aseɛ ne aso ama amukoraa, odi kyɛ ɛmɔma ɛmɔ nwo wosowoso ɛmɔ, ofikyɛ AWURADE kyẽa ne ɔ́ba, na wapingye.

Mika 1:8

Na ɛhe ati, ngosu ngɔbɔ awuye; ngɔye me gya ngogua ase ngɔye me nwo ngɔto so; ngɔbɔ awuye kyɛ ɛserɛ so ngyea, ná mali aworabɔlɛ kyɛ patue.