Hesekiel 20:6 - AHYERƐLƐ KRONGRON

⁶ Na sɔ kyẽa ne, ndale ndaen ngyirele bɛ kyɛ ngɔye bɛ ngofi Misraim aseɛ so ngɔfa bɛ ngɔhɔ aseɛ bɔ mapena mato berɛ mama bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne.

Hesekiel 20:6 Iomraidhean Croise

Nehemia 9:12

Afei koso, ɛfale munungum ningɔnn lili bɛ nyunu eyia, yeɛ ɛfale see ningɔnn lili bɛ nyunu kɔngɔen maa ɔtale maa benwuni ase bɛhɔle nekaa bɔ bɛkɔ ɔ.

Nehemia 9:9

“Yɛ nana mɔ bɔ né bɛwɔ Misraim ne, enwuni amaneɛ bɔ né bɛwɔ nu ɔ, na etiele bɛ sufrɛ wɔ Ɛpo Kɔkorɛ noa.

Edwein 106:24

Afei aseɛ kamakama ne, bɛtole ye nwo, na bannya gyidie wɔ ye bɔhyɛ ne anu.

Edwein 47:5

Esebɔlɛ nu yeɛ Nyameɛ fa fo kɔ anwuro ɔ, totorobɛndohulɛ nu yeɛ AWURADE ɔfa fo kɔ ɔ.

Edwein 48:2

bɔ ogyi berɛ tendenn nyemenenyemene ne, ɔte aseɛ ye amukoraa anika; Sion bokaa, bɔ ɔwɔ sorɔ dɔ dedeede ne, ɔte Ɛhene piri ne, ye kuro.

Ɛksadɔso 13:5

Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Ɛksadɔso 33:3

Kɔ aseɛ bɔ nyɔfonesue ne woɛ tengyɛ wɔ so ne aso; nakoso me de, me ne wɔ ngɔbɔ agyirɛ ngɔhɔ, annea né mama wɔ boso akyikyi wɔ atunu, ofikyɛ ɛte maen bɔ wɔ so yɛ se ɔ.

Ɛksadɔso 6:8

Aseɛ bɔ mata ndaen kyɛ ngɔfa ngɔma Abraham, Yisake ne Yakob nen, ngɔfa ɛmɔ ngɔhɔ so. Ngɔfa ngɔma ɛmɔ maa ɔkɔyɛ ɛmɔ deɛ. Me ole AWURADE.’ ”

Yeremia 11:5

amaa ɔnate so, ndaen bɔ nda ngyirele ɛmɔ nana mɔ kyɛ ngɔma bɛ aseɛ bɔ nyɔfone sue ne woɛ tengyɛ wɔ so, kyɛbɔ ɔte ɛnɛ ala ye ne, mamaa wawa nu.” Yeɛ mmuale kyɛ, “Ao AWURADE, maa ɔbra nu sɔ.”

Yeremia 3:19

“ ‘Ndwenene kyɛ ngɔmaa ɛkɔyɛ titire paa wɔ me mma mɔ anu, na ngɔma wɔ aseɛ bɔ ɔkye aleɛ ɔ, bɔ ɔte maen mɔ b’agyapadeɛ paa paa ɔ. Na né medwene kyɛ ɛkɔfrɛ me ‘Me Baba’ bɔ ɛngɔyakyi me si lilɛ ɔ.

Yeremia 32:22

na ɛfale sɔ aseɛ he mane bɛ, aseɛ bɔ nyɔfonesue ne woɛ tengyɛ wɔ so, bɔ ɛtale ndaen kyɛ ɛkɔfa kɔma bɛ nana mɔ ne.

Hesekiel 20:15

Nza ndale ndaen ngyirele bɛ wɔ ɛserɛ ne aso, kyɛ mengɔfa bɛ ngɔhɔ aseɛ bɔ mva mane bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne;

Hesekiel 20:23

Nza ndale ndaen ngyirele bɛ wɔ ɛserɛ ne aso, kyɛ ngɔbɔ bɛ ngɔsande ngɔhɔ maen maen mɔ nu, ná mato bɛ mapete aseɛ mɔ so;

Hesekiel 20:42

Na ɛmɔkonwu kyɛ me ole AWURADE, mmerɛ bɔ ngɔfa ɛmɔ ngɔwa Yisrael aseɛ so, aseɛ bɔ ndale ndaen kyɛ ngɔfa ngɔma ɛmɔ nana mɔ ne.

Hesekiel 20:5

ná se bɛ kyɛ, AWURADE Nyameɛ nwa nyoo: Kyẽa bɔ nneanea nu nyele Yisrael ne, ndale ndaen mvoale so ngyirele Yakob awuro ama, na nyele me nwo ali ngyirele bɛ wɔ Misraim aseɛ so. Na ndale ndaen ngyirele bɛ kyɛ, Me ole AWURADE ɛmɔ Nyameɛ ne.

Hesekiel 47:14

Ɛ́mɔhyɛ bɛma ebiala deɛ ɔyɛ pɛpɛɛpɛ, ofikyɛ ndale ye nwo ndaen kyɛ ngɔfa ngɔma ɛmɔ nana mɔ, na aseɛ he kɔla berɛ kɔma ɛmɔ maa ɔkɔyɛ ɛmɔ agyapadeɛ.

Daniel 11:16

Na ebiala bɔ ɔkɔfa koɛ kɔɔtoa ye nen, bɔ okuro biala yeɛ ɔkɔyɔ ɔ, ebiala ngɔhora ye nyunu gyina, okoogyina aseɛ nyemenenyemene ne aso, na ɔkɔfa ye tumi kɔsɛkye aseɛ ne.

Daniel 11:41

Ɔkɔwa aseɛ nyemenenyemene ne aso, na mmenia pee kɔtotɔ, nakoso ɛhemɔ de, bekonya bɛ ti bekodidi nu bekofi ye sa nu: Edom, Moabo ne Amonfoɛ atitirefoɛ nemɔ.

Daniel 8:9

Mmɛen nemɔ anu, mmɛen kaaba bie fifili fili ko anu, onyini yɛle piri paa mane ye nye hyirele ngwaen, eyia afiteleɛ ne aseɛ nyemenenyemene ne.

Lewitikɔso 20:24

Nakoso mahã mahyire ɛmɔ kyɛ, Ɛmɔ yeɛ ɛmɔkɔfa b’aseɛ ne ɔ, na ngɔfa aseɛ bɔ nyɔfonesue ne woɛ tengyɛ wɔ so ɔ ngɔma ɛmɔ maa ɔkɔyɛ ɛmɔ deɛ. Me ole AWURADE ɛmɔ Nyameɛ, na maye ɛmɔ masie ahameɛ mafi maen maen ngaa nemɔ anu.

Sakaria 7:14

Na mvale mvrama bɔ ɔpɛ ye nwo ɔ mmɔle bɛ nzandele maen maen amukoraa bɔ bɛnze bɛ ɔ so. Na aseɛ bɔ bɛyakyili ye bɛ si ne ɔlale berɛ mbaen, bɔ sona biala wambɛ nu berɛ, kyɛ ɔkɔ oo, anaa ɔba oo, na aseɛ nyemenenyemene ne lale berɛ mbaen.”

Numeri 13:27

Bɛbɔle Mose amaneɛ kyɛ, “Yɛɛdwuli aseɛ bɔ ɛsomane yɛ wɔ so ne aso. Nyɔfonesue ne woɛ tengyɛ wɔ so, na so mmakaammaa ne bie ɛhe.

Numeri 14:8

Sɛ AWURADE do yɛ a, aseɛ he bɔ nyɔfonesue ne woɛ tengyɛ wɔ so ye, ɔkɔfa yɛ kɔhɔ so ná wafa wama yɛ.

Deuteronomi 11:9

amaa amɔanya ngoa tendenn wɔ aseɛ bɔ AWURADE fa hyɛle ɛmɔ nana mɔ bɔ, kyɛ ɔkɔfa kɔma bɛ ne bɛ bosofoɛ ne aso, aseɛ bɔ nyɔfonesue ne woɛ tengyɛ wɔ so ne.

Deuteronomi 26:15

To wɔ nye fi nyameɛso, w’atenaleɛ krongron ne, ná nea aseɛnwo, ná yira wɔ mmenia ne aseɛ bɔ nyɔfonesue ne woɛ tengyɛ wɔ so, bɔ afa ama yɛ ne, kyɛbɔ ɛtale ndaen hyirele yɛ nana mɔ ne.’

Deuteronomi 26:9

Wafa yɛ wawa wa, na wafa aseɛ he bɔ nyɔfonesue ne woɛ tengyɛ wɔ so ne wama yɛ.

Deuteronomi 27:3

Mmerɛ bɔ ɛkɔpɛ asue ne kɔhɔ aseɛ bɔ AWURADE wɔ Nyameɛ ɔ́fa ma wɔ ne aso ne, aseɛ bɔ nyɔfonesue ne woɛ tengyɛ wɔ so ne, bɔ AWURADE wɔ nana mɔ Nyameɛ fa hyɛle wɔ bɔ ne, kyerɛ mmeraa he anu dwirɛ amukoraa gua nyɔboɛ ne aso.

Deuteronomi 3:25

Mesrɛ wɔ ala, maa mbɛ asue Yɔɔdan ngɔ ye si dɔ ngɔnea aseɛ paa bɔ ɔla dɔ ne: sɔ mmokaa aseɛ nyemenenyemene ne, ɔne Lebanon.’

Deuteronomi 31:20

Ofikyɛ, mefa bɛ mekodwu aseɛ bɔ nyɔfonesue ne woɛ tengyɛ wɔ so, bɔ ndale ndaen kyɛ ngɔfa ngɔma bɛ nana mɔ ne aso, ná bedidi ma bɛ ko yi, ná bɛyɛ mbiri mbiri a, bekooli nyameɛ foforɛ biemɔ si bɛkɔso bɛ, bɛkɔpo me, ná babu m’apam ne aso.

Deuteronomi 32:40

Ofikyɛ mema me sa so mekyire nyameɛso, ná meta ndaen kyɛ, Kyɛ nde ase afebɔɔ ye de,

Deuteronomi 32:8

Anwuro Anwuro Nyameɛ hyɛle aseɛ mane maen maen mɔ nen, ohyirele nekaa bɔ ebiala ɔtena nen, ɔtotole maen maen nemɔ wɛen, kyɛbɔ Nyameɛ mma nemɔ bɛ somaa te ɔ.

Deuteronomi 6:3

Yiti, Yisrael, tie, ná nea kyɛ ekoli so ɔ, amaa ɔnate so wayie wɔ yé, ná wɔ boso atrɛ pee wɔ aseɛ bɔ nyɔfonesue ne woɛ tengyɛ wɔ so ne aso, kyɛbɔ AWURADE wɔ nana mɔ Nyameɛ ahyɛ wɔ bɔ ne.

Yosua 5:6

Afoɛ aburanna yeɛ Yisraelfoɛ tuli atee fale ɛserɛ ne aso ɔ, kɔpem kyɛ maen ne amukoraa ne bɛ koɛhonɛfoɛ amukoraa bɔ befi Misraim bɛwale ne bewuwuli ɔ, ofikyɛ bandie AWURADE dwirɛ. Na AWURADE tale ndaen hyirele bɛ kyɛ, ɔngɔma bengonwu aseɛ bɔ ɔtale ndaen hyirele bɛ nana mɔ kyɛ ɔkɔfa kɔma yɛ ne, aseɛ bɔ nyɔfonesue ne woɛ tengyɛ wɔ so ne.