Hesekiel 20:3 - AHYERƐLƐ KRONGRON

³ “Sona Awa, se Yisrael mbanyi nemɔ kyɛ, ‘AWURADE Nyameɛ nwa nyoo: Me berɛ abisa ti yeɛ ɛmɔwale hɔ anaa? Kyɛ nde ase ye de, mengɔma ɛmɔngɔfa ɛmɔ abisa ngɔto me nyunu, AWURADE Nyameɛ noa dwirɛ ɛne.

Hesekiel 20:3 Iomraidhean Croise

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 21:27

Bɔnefoɛ afɔleɛ te akyiwadeɛ, na sɛ ɔfa adwene tɛɛ ɔbɔ afɔleɛ ne po de a, ye de né wasram so!

Anyandera 28:9

Sɛ ebie prapra ye so asi wɔ mmeraa ne anwo a, ye mbaeɛ po ɔte akyiwadeɛ.

Yesaya 1:12

Sɛ ɛmɔba me nyunu a, nwa yeɛ osele ɛmɔ kyɛ ɛmɔyɔ sɔ ɔ, kyɛ ɛ́mɔtiatia m’aluo berɛ basabasa ɔ?

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Yesaya 58:2

Hmmm, bɛpena me si atee daa biala, bekuro kyɛ benwu m’atee mɔ, kyɛ gyamea bɛte maen bie bɔ bɛyɔ bɔ ɔtengyɛ ɔ, bɔ bambo bɛ Nyameɛ ahyɛdeɛ ɔ. Bebisa ndɛen turoloo befi me berɛ, na bekuro kyɛ bekopingye Nyameɛ ɔ.

Hesekiel 14:1

Yeɛ Yisrael mbanyi nemɔ bie wale me berɛ bɛɛtenane me nyunu.

Hesekiel 20:2

Na AWURADE lale ye dwirɛ ali hyirele me kyɛ,

Hesekiel 20:31

Sɛ ɛmɔfa ɛmɔ ayɛyɛdeɛ ne bɛba, ná ɛmɔfa ɛmɔ mma mɔ bɛbɔ afɔleɛ wɔ see nu a, ɛhe kyire kyɛ ɛmɔkɔ so bɛfa ɛmɔ mmosoen begua ɛmɔ nwo fiɛ maa waadwu ɛnɛ. O Yisrael awuro ama, aso odi kyɛ mema ɛmɔba me berɛ abisa anaa? Kyɛ nde ase ye de, mengɔma ɛmɔngɔwa me berɛ abisa, AWURADE Nyameɛ noa dwirɛ ɛne.

Hesekiel 33:30

“Na wɔ Sona awa, wɔ maen mmaa nemɔ bɛkekã edwirɛ bɛfa wɔ nwo, bɛkekã ye wɔ fasue nemɔ anwo ne awuro nemɔ anoa nu. Bɛkekã bekyirekyire bɛ nwo ne b’eliɛma mɔ kyɛ, ‘Ɛmɔbra beetie edwirɛ bɔ ofi AWURADE noa ne oo!’

Amose 8:12

Mmenia kohyini kofi mboanoa bɛkɔɔhã mboanoa, bekofi sorɔ bekoodwu eyia afiteleɛ; bekoli akɔneaba bɛkɔpena AWURADE dwirɛ si atee, nakoso bengonwu ye.

Mika 3:7

Bɛ bɔ bɛse ase ne, bɛ nyunu kogua ase, na ngonyaayelɛfoɛ kɔfɛre; amba, bɛ mukoraa bekomua bɛ noa, ofikyɛ mmuayɛɛ biala mvi Nyameɛ berɛ ɔmma.

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Luka 3:7

Yeɛ osele mmenia wora bɔ bɛwale kyɛ ɔbɔ bɛ asu ne kyɛ, “Ɛbɔnaa mmaa! Nwa yeɛ ɔbɔle ɛmɔ kɔkɔ kyɛ ɛmɔnwati befi ɛyaafɛlɛ bɔ ɔ́ba ne ɔ?

Yohane 4:24

Nyameɛ te sunzum, na bɛ bɔ bɛsɔne ye ne, ɔsɛ kyɛ bɛsɔne ye wɔ sunzum nu ne nahorɛ nu.”

1 Samuel 28:6

Sɔɔlo bisale AWURADE, nakoso laleɛ nu oo, Yurim so oo, anaa ngɔmhyɛlɛfoɛ so oo, AWURADE andɛ ye so.