Hesekiel 20:16 - AHYERƐLƐ KRONGRON

¹⁶ ɔnate kyɛ, bɛpole me mmeraa, banni m’ahyɛdeɛ so, yeɛ beguale m’afofingyẽa nemɔ nwo fiɛ, ofikyɛ b’ahone oolili bɛ mmosoen nemɔ asi.

Hesekiel 20:16 Iomraidhean Croise

Hesekiel 11:21

Nakoso bɛ bɔ b’adwene li bɛ nningyein tɛɛ ne b’akyiwadeɛ si ne de, ngɔma bɛ yɔleɛ kɔbɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 20:38

Na mmenia bɔ bayɛ lɔen, ɔne bɛ bɔ bɛto me mmeraa ne, ngɔpa nu ngɔye bɛ ngofi ɛmɔ nu. Ngɔɔye bɛ ngofi aseɛ bɔ bɛtete so ne aso de, nakoso bɛ gya baa ngotia Yisrael aseɛ so. Na afei ɛmɔkonwu kyɛ me ole AWURADE.

Hesekiel 20:8

Nakoso bɛyɛle me nwo lɔen, bɔ bandɛ me so ɔ. Bɛ nu biala wangyi akyiwadeɛ nningyein bɔ ye nye gye ye nwo ne wangua, yeɛ banyakyi Misraim mmosoen sɔnenɛ. Yiti ngane kyɛ ngɔma m’ahone kohu bɛ so, bɔ me yaafɛlɛ ne kɔyɔ bɛ nwo adwuma koyie ɔ, wɔ Misraim aseɛ so.

Hesekiel 23:8

Ye gyandera bra bɔ ɔbɔle fili mmerɛ bɔ né ɔwɔ Misraim ne, wanyakyi; ofikyɛ ofi ye mmaayaa nu yeɛ mmienzua ne ye bala basosɔ ye ababunu nyɔfone nu, ná bɛ ne ye babɔ adwaman ɔ.

Numeri 15:39

Odi kyɛ ɛmɔfa sɔ nningyein ne besinzesinze ye noa, amaa sɛ ɛmɔnwu ye a, ɛmɔakaye AWURADE mmeraa dwirɛ amukoraa ná ɛmɔali so, ná ɛmɔanni ɛmɔ bɔbɔ b’akɔnnɔ ɔne nningyein bɔ ɔyɛ ɛmɔ nyemene si.

Numeri 25:2

Moabo mmrasua nemɔ hwehwene Yisraelfoɛ hɔle Moabo mmosoen sɔnenɛ nu. Yisraelfoɛ lili mmosoen so aleɛ ne bie, na bɛkotole bɛ mmosoen nemɔ.