Biblia Todo Logo
Bìoball air-loidhne

- Sanasan -




Hesekiel 20:12 - AHYERƐLƐ KRONGRON

12 Asa koso, mvale m’afofingyẽa nemɔ mane bɛ, kyɛ ɔte sɛngyerɛnneɛ bɔ ɔla me ne bɛ y’afia ɔ, amaa ɔnate so banwu kyɛ me, AWURADE, me yeɛ mete bɛ nwo ɔ.

Faic an caibideil Dèan lethbhreac




Hesekiel 20:12
28 Iomraidhean Croise  

Yiti Nyameɛ yirale kyẽa bɔ ɔtɔ so nzoo ne, na ɔyɛle ye krongron, ofikyɛ ye adwuma bɔ ɔyɔle ye wɔ nningyein bɔlɛ nu ne, sɔ kyẽa ne yeɛ olele ye nwome ɔ.


Ɛmaa benwuni w’afofikyẽa krongron ne, yeɛ ɛnate wɔ somvoɛ Mose so mane bɛ ahyɛdeɛ ne nhyehyɛleɛ ne mmeraa.


Ɛmɔanwu ye kyɛ, AWURADE ama ɛmɔ afofikyẽa, na ye sɔ ati yeɛ kyẽa bɔ ɔtɔ so nzia ne, ɔma ɛmɔ elenyɔ aleɛ ɔ. Yiti ɔsɛ kyɛ ebiala tena ye awuro; nnɛma ebiala tu ye gya baa fite fi ye awuro kyẽa bɔ ɔtɔ so nzoo ne.”


Elesia yeɛ ɔsɛ kyɛ ɛmɔfa bɛyɔ adwuma ɔ, nakoso kyẽa bɔ ɔtɔ so nzoo ne de, ɔte afofikyẽa krongron ma ɛmɔ, ɔte nwomelelɛ kyẽa bɔkɔɔ ma AWURADE. Na ebiala bɔ ɔkɔyɔ adwuma sɔ kyẽa nen, ɔsɛ kyɛ beku ye.


Sona bɔ ɔyɔ sɔ ne, ɔte saleɛ ma ye, yeɛ sona awa bɔ otira nu pindinn ne, bɔ odi afofikyẽa ne aso, bɔ ɔmva efiɛ nga ye ne, bɔ ɔte ye nwo fi bɔne biala yɔlɛ nwo ne.”


Nnɛma ɛmɔsoa nningyein befi ɛmɔ awuro mɔ nu afofikyẽa, yeɛ nnɛma ɛmɔyɔ adwuma biala, na mmom ɛ́mɔsie afofikyẽa ne krongron, kyɛbɔ nhyehyɛle mane ɛmɔ nana mɔ ne.


ɛ́mɔyɛ m’afofingyẽa nemɔ krongron ma bɛyɛ sɛngyerɛnneɛ bɔ ɔla me ne ɛmɔ y’afia ɔ, amaa ɔnate so ɛmɔanwu kyɛ me ole AWURADE ɛmɔ Nyameɛ ne.


na nguale bɛ nwo fiɛ wɔ b’ayɛyɛdeɛ nu, nyakyili bɛ maa bɛfale bɛ bamuɛbaa mɔ amukoraa bɛbɔle afɔleɛ wɔ see nu, amaa ɔnate so masɛkye bɛ pasapasa. Nyɔle sɔ, kyɛbɔ ɔkɔyɛ bɔ bekonwu kyɛ me ole AWURADE ɔ.


Na afei maen maen mɔ bekonwu kyɛ me ole AWURADE bɔ mete Yisrael nwo ɔ, mmerɛ bɔ me nekaa krongron ne ogyi bɛ nu afebɔɔ ne.”


Sɛ edwirɛ ba mmenia b’afia a, bɛ yeɛ bɛkɔyɛ ndɛenbualɛfoɛ ɔ, na bekogyina me ndɛenbualɛ so yeɛ bekobua ɔ. Odi kyɛ bedi me mmeraa ne m’ahyɛdeɛ so wɔ m’aluolue bɔ mahyehyɛ amukoraa nu, yeɛ odi kyɛ bedi m’afofingyẽa nemɔ so krongron nu.


Ɛ́mɔli m’ahyɛdeɛ so, ná ɛ́mɔfa bɛ́bɔ bɛ bra: Me ole AWURADE, Me yeɛ mete ɛmɔ nwo ɔ.


amaa ye boso ama nwo angua fiɛ wɔ ye abusua nu; ofikyɛ me ole AWURADE bɔ mete ye nwo ɔ.”


Nakoso ɔnate kyɛ wali nnɛen ne ati, nnɛmaa opingye mbɛmuɛ tena ne anaakyɛ ɔba afɔleɛ bokyea ne anwo, ná wamva efiɛ wanga nekaa krongron ne, ɔne nu nningyein; ofikyɛ me ole AWURADE bɔ mete bɛ nwo ɔ.”


Odi kyɛ Yisraelniɛ biala nwu asɔfo mɔ kyɛ bɛte krongron, ofikyɛ bɛ yeɛ bɛbɔ aleɛ afɔleɛ bɛma wɔ Nyameɛ ɔ; nwu bɛ kyɛ bɛte krongron, ofikyɛ me AWURADE bɔ mete ɛmɔ nwo ne, nde krongron.


“Ka kyire Yisraelfoɛ kyɛ, Bosome bɔ ɔtɔ so nzoo ne, ye kyẽa bɔ oli moa ne, ɛ́mɔma ɔ́yɛ afofikyẽa bɔkɔɔ ma ɛmɔ; ɛ́mɔfa totorobɛndohulɛ béyia nyianu krongron.


Elesia yeɛ ɔsɛ kyɛ ɛmɔfa bɛ́yɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ. Ɔte nyianu krongron, ná onni kyɛ ɛmɔyɔ adwuma biala; ɔte afofikyẽa ma AWURADE wɔ nekaa biala bɔ ɛmɔkɔtena ɔ.


Ɔkɔyɛ nwomelelɛ kyẽa bɔkɔɔ kɔma ɛmɔ, na odi kyɛ ɛmɔkye ɛhɔen fi bosome ne, ye ɛlɛhona ne nɔsoa; ɔsɛ kyɛ ɛmɔdi afofikyẽa ne aso fi nɔsoa kodwu nɔsoa.”


“Afei, bosome nzoo ne, ye kyẽa bɔ ɔtɔ so buru ne nnu ne, mmerɛ bɔ ɛmɔafa aseɛ ne aso aleɛ bayie ne, ɛ́mɔli AWURADE aluolue ne ɛlɛsoo. Kyẽa bɔ oli moa ne, ɔne ɛlɛbɔtwɛ ne, ɛ́mɔli afofi bele bɛ nwome bɔkɔɔ.


Nakoso afoɛ bɔ ɔtɔ so nzoo ne de, odi kyɛ ɔyɛ afofi afoɛ bɔ aseɛ ne de ye nwome bɔkɔɔ ma AWURADE ɔ. Nnɛdua hwee wɔ wɔ fieso yeɛ nnɛpepɛ bɔ wafefɛ wɔ bobe mmakaa nwo ne.


Yiti nnɛmɔma ebiala bua ɛmɔ ndɛen fa aleɛ anaa anonneɛ, anaa aluolue, anaa ɛsraen foforɛ anaa afofingyẽa nwo.


Na asomdwee Nyameɛ ne, yɛsrɛ kyɛ ye bɔbɔ ɔte ɛmɔ nwo bɔkɔɔ, ná ɔnea ɛmɔ sunzum ne ɛmɔ kra ne ɛmɔ nipadua so, bɔ ngekalewa biala ngɔwa ye nwo kɔpem kyɛ y’Awurade Yesu Kristo kɔwa ɔ.


Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.


Lean sinn:

Sanasan


Sanasan