Hesekiel 20:11 - AHYERƐLƐ KRONGRON

¹¹ Yeɛ mvale m’ahyɛdeɛ mane bɛ, na ngyirele bɛ me mmeraa bɔ sɛ sona di so a onya ngoa ne.

Hesekiel 20:11 Iomraidhean Croise

Anyandera 6:23

Ofikyɛ mmeraa dwirɛ ne te kanea, yeɛ ngyerɛkyerɛ ne te hyireinn, na betwi wɔ nyunu bɛtengyɛtengyɛ wɔ a, ɔte asetena nu esaa bɔ ɔla berɛ ɔ;

Hesekiel 18:9

odi me nhyehyɛleɛ so, ná odi m’ahyɛdeɛ so nahorɛ nu a, sɔ sona ne yeɛ ɔtengyɛ ɔ, na nahorɛ nu, okonya ngoa, AWURADE Nyameɛ noa dwirɛ ɛne.

Hesekiel 20:13

Nakoso Yisrael awuro ama yɛle me nwo lɔen wɔ ɛserɛ ne aso; banni m’ahyɛdeɛ so, na mmom bɛpole me mmeraa bɔ sɛ sona di so a onya ngoa ne; na beguale m’afofingyẽa nemɔ nwo fiɛ piri paa. “Yeɛ ngane kyɛ: Ngɔma m’ahone kohu bɛ so wɔ ɛserɛ ne aso, ná mahuhu bɛ.

Hesekiel 20:21

Nakoso mmaa nemɔ yɛle me nwo lɔen; banni m’ahyɛdeɛ so, yeɛ me mmeraa ne bɔ sona di so a onya ngoa ne, ye koso banni so; na m’afofingyẽa ne koso, beguale bɛ nwo fiɛ. Yiti ngane kyɛ: Ngɔma m’ahone kohu bɛ so, na ngɔma me yaafɛlɛ ne kɔyɔ bɛ nwo adwuma koyie wɔ ɛserɛ ne aso.

Hesekiel 33:15

ná sɛ bɔnefoɛ ne fa nikyee bɔ bafa basi ye berɛ awowaa ne osa ma ye mene, osa fa nikyee bɔ wawua ɔ ɔma ye mene, ná odi ngoa ahyɛdeɛ ne aso, bɔ ɔnyɔ amumuyɛɛ a, ye de, amba, okonya ngoa, ongowu.

Hesekiel 33:16

Ye bɔne bɔ wayɔ ne, mengɔkaye nu biala; wayɔ bɔ ɔte paa ne bɔ ɔtengyɛ ɔ, na amba, okonya ngoa.

Lewitikɔso 18:5

Yiti ɛ́mɔli m’ahyɛdeɛ ne me nhyehyɛleɛ so, na sona bɔ okoli so ne, okonya ngoa: Me ole AWURADE.

Luka 10:28

Na Yesu sele ye kyɛ, “Ama mmuayɛɛ yé; yɔ sɔ, na ekonya ngoa.”

Romanfoɛ 10:5

Mose hyerɛle fale tenenee bɔ ebie di mmeraa ne aso a ɔyɛ ne nwo kyɛ, “Sona bɔ odi mmeraa n’ahyɛdeɛ so ne, ɔkɔfa so konya nu ngoa.”

Romanfoɛ 3:2

Ye nwo le mvasoɛ atee pee so! Bɔ oli moa ɔ, Nyameɛ fale ye noa dwirɛ wurale Yudafoɛ bɛ sa.

Galatiafoɛ 3:12

Na mmeraa ne de, oggyi gyidie so; nakoso ebiala bɔ odi so ne okonya nu ngoa.”

Deuteronomi 30:19

Na ɛnɛ kyẽa ye, méfrɛ anwuro ne aseɛ maa bedi adanzeɛ bétia wɔ, kyɛ mafa ngoa ne ewue, yeɛ saleɛ ne musue masie wɔ nyunu: yiti fa ngoa, amaa ɔnate so ɛne wɔ boso ama banya ngoa.

Deuteronomi 4:1

“Afei Yisrael, tie ahyɛdeɛ ne nhyehyɛleɛ bɔ mekyirekyire ɛmɔ kyɛ ɛmɔli so ne, amaa ɔnate so ɛmɔanya ngoa, ná ɛmɔahɔ baafa aseɛ bɔ AWURADE ɛmɔ nana mɔ Nyameɛ ɔ́fa ma ɛmɔ ne.

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.

Deuteronomi 4:8

Aso maen titire foforɛ bie wɔ berɛ, bɔ ole ahyɛdeɛ ne nhyehyɛleɛ bɔ ɔtengyɛ kyɛ sɔ mmeraa he amukoraa bɔ méfa méma ɛmɔ ɛnɛ ye ɔ?