Hesekiel 2:8 - AHYERƐLƐ KRONGRON

⁸ “Na wɔ, Sona awa, tie bɔ méka mékyire wɔ ye. Nnɛyɛ lɔen kyɛ sɔ ɛlɔenyɛlɛ abusua ne. Bukye wɔ noa nu, ná di bɔ méfa méma wɔ ye.”

Hesekiel 2:8 Iomraidhean Croise

Edwein 105:28

Ɔsomane awosii, na ɔmane aseɛ ne aso yɛle tunn; nakoso bamva ye dwirɛ ne banyɛ huu.

Yesaya 50:5

AWURADE Nyameɛ abukye me so, manyɛ lɔen, yeɛ mangakyi me si mamma ye.

Yesaya 8:11

AWURADE dwudwo hyirele me wɔ mmerɛ bɔ né ye tumi wɔ me so serɛserɛ, na ɔbɔle me kɔkɔ kyɛ, maen he atee bɔ ɔnate so ne, nnɛmaa mefa so bie. Ɔnwa:

Yeremia 13:2

Yiti ngyinane AWURADE dwirɛ ne aso ngɔndɔle abɔsoɛ, na mva mmɔle me yaase.

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Hesekiel 12:2

“Sona awa, abusua bɔ bayɛ lɔen ɔ yeɛ ɛte bɛ nu ɔ. Bɛte mmenia bɔ bele anyeɛ bɔ odi kyɛ onwu nikye, nakoso bennwu nikye; bele asoɛ bɔ odi kyɛ ɔte dwirɛ, nakoso bɛnde dwirɛ, ofikyɛ bɛte ɛlɔenyɛlɛ abusua.

Hesekiel 12:7

Yeɛ nyɔle kyɛbɔ ɔhyɛle me kyɛ nyɔ ne ala. Me nningyein borɛ bɔ ɔte kyɛ sona bɔ ɔkɔ nnurehyelɛ nu deɛ ne, nye mvitele eyia. Na odwuli nɔsoa ne, mvale me sa mmɔngyele fasue ne anu. Na me nningyein borɛ ne, mva ndole me kɔme anwo nzili nu mvale awosii nu ngɔle, bɔ né bɛ nye tua ɔ.

Hesekiel 3:10

Na osa sele me kyɛ, “Sona awa, me dwirɛ amukoraa bɔ mebaahã mekyire wɔ ne, fa wɔ so tie ná ma ɔhɔ wɔ ti anu.

Hesekiel 33:7

“Yiti wɔ, Sona awa, mafa wɔ mayɛ Yisrael awuro ama bɛ wɛmvoɛ. Yiti tie me noa dwirɛ, ná fa bɔ bɛ kɔkɔ.

Hesekiel 40:4

Na biaa ne sele me kyɛ, “Sona awa, fa wɔ nye nea, ná fa wɔ so tie, ná ma w’adwene bra bɔ mebaala ye ali mekyire wɔ ne amukoraa so; ofikyɛ mvale wɔ mmale wa, kyɛbɔ ɔkɔyɛ bɔ ngɔye ngohyire wɔ ɔ. Bɔ enwu ye amukoraa, bɔ ye dawure kyire Yisrael awuro ama.”

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Yona 1:3

Nakoso Yona dwɔsole kyɛ ɔnwati fi AWURADE nyunu ɔkɔ Tasise. Ɔhɔle Yopa, na onwuni ɛlɛen bie bɔ ɔkɔ Tasise ɔ. Yiti otuale ye ɛlɛen sikaa ne, na ɔfo ɔtenane nu kyɛ ɔnwati fi AWURADE nyunu ɔne bɛ kɔ Tasise.

Numeri 20:24

“Aarɔn kowu kɔɔtoa ye mbanyi mɔ. Ye gya baa ngotia aseɛ bɔ mafa mama Yisraelfoɛ ne aso, ofikyɛ ɛmɔyɛle m’ahyɛdeɛ nwo asoserɛ wɔ Meriba asue nwo.

1 Petro 5:3

bɔ ɔnzɛ kyɛ ɛmɔhyɛ bɛ bɔ bewura ɛmɔ sa ne aso, na mmom kyɛ ɛ́mɔyɛ nhwɛsoɛ bɛ́ma mmoaen kure ne ɔ.

Nyekyire 10:9

Yiti ngɔle abɔfo ne nwo berɛ, na nzele ye kyɛ, “Fa nwomaa kaaba ne ma me.” Na osele me kyɛ, “De ná di; na ɔkɔyɛ weewee wɔ wɔ kunu, nakoso ɔkɔyɛ menemene kyɛ woɛ wɔ wɔ noa nu.”