Hesekiel 2:7 - AHYERƐLƐ KRONGRON

⁷ Na sɛ betie oo, sɛ bandie oo, wɔ de kã me noa dwirɛ ne kyire bɛ, ofikyɛ bɛte abusua bɔ bayɛ lɔen ɔ.

Hesekiel 2:7 Iomraidhean Croise

Ɛksadɔso 6:29

AWURADE sele Mose kyɛ, “Me ole AWURADE. Kã edwirɛ bɔ mekã mekyire wɔ ne amukoraa kyire Misraim hene Faro.”

Yeremia 1:17

Nakoso wɔ de, bɔ w’abɔsoɛ ná dwɔso, na kã bɔ ngɔhyɛ wɔ kyɛ ɛhã ne amukoraa kyire bɛ. Nnɛma wɔ nwo wosowoso wɔ wɔ bɛ nyunu, anyɔ sɔ a, ngɔma wɔ nwo kɔwosowoso wɔ wɔ bɛ nyunu.

Yeremia 1:7

Nakoso AWURADE sele me kyɛ, “Nnɛkã kyɛ, ‘Nde akwadaa’, ofikyɛ bɛ bɔ ngɔsoma wɔ wɔ bɛ berɛ ne amukoraa, odi kyɛ ɛkɔ ɔ, na edwirɛ biala bɔ ngɔfa ngɔsoma wɔ ne, odi kyɛ ɛkã ɔ.

Yeremia 17:20

ná se bɛ kyɛ, ‘Ɛmɔ Yuda ahemvo ne Yudafoɛ amukoraa, yeɛ Yerusalemfoɛ amukoraa bɔ ɛmɔfa pambim nemɔ anu bewura kuro ne anu ɔ, ɛ́mɔtie AWURADE dwirɛ.

Yeremia 23:28

Ngɔmhyɛlɛniɛ bɔ wahye laleɛ ne, odi kyɛ ɔfa laleɛ ne to dwaa, na bɔ mafa me dwirɛ matua ye noa ne koso, odi kyɛ ɔkã me dwirɛ ne nahorɛ nu. Nzikyɛ ngitahoɛ yeɛ ɔla afafu ne atokoɔ b’afia ɔ? AWURADE noa dwirɛ ɛne.

Yeremia 26:2

“AWURADE nwa nyoo: Gyina AWURADE awuro n’aluo berɛ, ná dwudwo kyire Yuda nguro nemɔ amukoraa bɔ bɛba AWURADE awuro berɛ bɛbasɔne ne. Na edwirɛ amukoraa bɔ mahyɛ wɔ kyɛ ɛhã hyire bɛ ne, kã kyire bɛ; nnɛye ko po fi nu.

Yeremia 34:6

Yeɛ ngɔmhyɛlɛniɛ Yeremia hane sɔ dwirɛ ne amukoraa hyirele Yuda hene Sedekia wɔ Yerusalem,

Yeremia 36:14

Yeɛ atitire nemɔ amukoraa bɛsomane Yehudi bɔ ye baba ole Netania, bɔ ye baba ole Selemia, bɔ ye baba ole Kuse kyɛ oose Baruku kyɛ, “Nwomaa bɔ ɛkengale nu dwirɛ mane maen ne bɛtele ne, fa tira bra.” Yiti Baruku bɔ ye baba ole Neria ne, ɔfale nwomaa ne tirale, na ɔhɔle bɛ berɛ.

Yeremia 42:21

Na ɛnɛ kyẽa ye, mafa mato ɛmɔ nyunu, nakoso ɛmɔandie AWURADE ɛmɔ Nyameɛ noa dwirɛ, anaa bɔ ɔfa somane me kyɛ nga ngyire ɛmɔ ne anu biala.

Yeremia 44:20

Yeɛ Yeremia sele mmenia nemɔ amukoraa, mmienzua ne mmrasua, yeɛ bɛ bɔ bɛmane ye sɔ mmuayɛɛ ne amukoraa kyɛ,

Yeremia 6:28

Bɛ mukoraa bɛte asoserɛfoɛ bɔ bayɛ lɔen ɔ, bɛnate bedi nzekure; bɛte kɔɔbere ne buralɛ, bɛ mukoraa bɛte ngondombofoɛ.

Yeremia 7:27

“Yiti ɛkɔhã sɔ dwirɛ he amukoraa kohyire bɛ, nakoso bengotie wɔ dwirɛ. Ɛkɔfrɛ bɛ, nakoso bɛngɔtɛ wɔ so.

Hesekiel 11:25

Na ngane bɔ AWURADE ye hyirele me ne amukoraa ngyirele bɛ bɔ bahye bɛ nnure ne.

Hesekiel 12:2

“Sona awa, abusua bɔ bayɛ lɔen ɔ yeɛ ɛte bɛ nu ɔ. Bɛte mmenia bɔ bele anyeɛ bɔ odi kyɛ onwu nikye, nakoso bennwu nikye; bele asoɛ bɔ odi kyɛ ɔte dwirɛ, nakoso bɛnde dwirɛ, ofikyɛ bɛte ɛlɔenyɛlɛ abusua.

Hesekiel 2:5

Na sɛ betie oo, sɛ bandie oo, (ofikyɛ bɛte abusua bɔ bayɛ lɔen ɔ), kyɛbɔ ɔkɔyɛ biala, bekonwu kyɛ ngɔmhyɛlɛniɛ wɔ bɛ nu.

Hesekiel 20:27

“Yiti, Sona awa, dwudwo kyire Yisrael awuro ama, ná se bɛ kyɛ, ‘AWURADE Nyameɛ nwa nyoo: Sɔ atee he aso koso yeɛ ɛmɔ nana mɔ bɛfa betiatiale me ɔ, ofikyɛ banni nahorɛ bamma me.

Hesekiel 3:10

Na osa sele me kyɛ, “Sona awa, me dwirɛ amukoraa bɔ mebaahã mekyire wɔ ne, fa wɔ so tie ná ma ɔhɔ wɔ ti anu.

Hesekiel 3:17

“Sona awa, mafa wɔ mayɛ Yisrael awuro ama so wɛmvoɛ; yiti tie me noa dwirɛ, ná fa bɔ bɛ kɔkɔ ma me.

Hesekiel 3:4

Na osele me kyɛ, “Sona awa, kɔ Yisrael awuro ama berɛ, ná kɔhã me dwirɛ ne kyire bɛ.

Hesekiel 33:7

“Yiti wɔ, Sona awa, mafa wɔ mayɛ Yisrael awuro ama bɛ wɛmvoɛ. Yiti tie me noa dwirɛ, ná fa bɔ bɛ kɔkɔ.

Hesekiel 40:4

Na biaa ne sele me kyɛ, “Sona awa, fa wɔ nye nea, ná fa wɔ so tie, ná ma w’adwene bra bɔ mebaala ye ali mekyire wɔ ne amukoraa so; ofikyɛ mvale wɔ mmale wa, kyɛbɔ ɔkɔyɛ bɔ ngɔye ngohyire wɔ ɔ. Bɔ enwu ye amukoraa, bɔ ye dawure kyire Yisrael awuro ama.”

Amose 3:13

AWURADE Nyameɛ, Asafo Nyameɛ nwa, “Ɛ́mɔtie, ná ɛ́mɔbɔ Yakob awuro kɔkɔ kyɛ,

Yona 3:2

“Dwɔso kɔ Ninewe, sɔ kuro piri ne aso, ná kɔbɔ edwirɛ bɔ méka mékyire wɔ ne dawure kyire bɛ.”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”