Hesekiel 2:5 - AHYERƐLƐ KRONGRON

⁵ Na sɛ betie oo, sɛ bandie oo, (ofikyɛ bɛte abusua bɔ bayɛ lɔen ɔ), kyɛbɔ ɔkɔyɛ biala, bekonwu kyɛ ngɔmhyɛlɛniɛ wɔ bɛ nu.

Hesekiel 2:5 Iomraidhean Croise

2 Ahemvo 5:8

Nakoso Nyameɛ sona Elisa tele kyɛ Yisrael hene asunzua ye ndaadeɛ nu ne, ɔmaa beesele ye kyɛ, “Nzu ati yeɛ asunzua wɔ ndaadeɛ nu ɔ? Ma ɔbra me wa, amaa ɔnate so wanwu kyɛ ngɔmhyɛlɛniɛ wɔ Yisrael.”

Yeremia 36:21

Yeɛ ɛhene ne somane Yehudi kyɛ ɔɔfa nwomaa ne ɔbra. Ɔɔfa fili ahyerɛlɛniɛ Elisama ye pumbu nu dɔ, na Yehudi kengale hyirele ɛhene ne, ɔne atitire amukoraa bɔ né begyigyi ɛhene ne anwo berɛ ne.

Yeremia 42:19

Ɛmɔ, Yudafoɛ bɔ ɛmɔaha ɔ, AWURADE ahã ahyire ɛmɔ kyɛ, ‘Nnɛma ɛmɔkɔ Misraim!’ Ɛ́mɔkaye kyɛ ɛnɛ kyẽa ye, mabɔ ɛmɔ kɔkɔ.

Hesekiel 12:9

“Sona awa, Yisrael awuro ama bɔ bɛte ɛlɔenyɛlɛ abusua ne, aso bammisa wɔ kyɛ, ‘Nzikyɛ yeɛ ɛ́yɔ e?’

Hesekiel 17:12

“Bisa ɛlɔenyɛlɛ abusua ne kyɛ, Aso ɛmɔnde ɛhemɔ abo hɔ ɔ? Kã kyɛ, Ɛ́mɔtie, Babilɔn hene wale Yerusalem, ɔhyehyele nu hene ne nu atitire, na ɔsesale bɛ hɔle Babilɔn.

Hesekiel 2:7

Na sɛ betie oo, sɛ bandie oo, wɔ de kã me noa dwirɛ ne kyire bɛ, ofikyɛ bɛte abusua bɔ bayɛ lɔen ɔ.

Hesekiel 24:3

Bu ɛlɔenyɛlɛ abusua ne anyandera, ná se bɛ kyɛ, AWURADE Nyameɛ nwa nyoo: Fa kukue ne sie see so, fa sie so, hwie nzue gua nu;

Hesekiel 3:19

Nakoso sɛ ɛbɔ bɔnefoɛ ne kɔkɔ, ná mmom wandwe ye nwo wamvi ye bɔne nwo, anaa ye amumuyɛɛ nwo a, ye de okowu ye amumuyɛɛ nu, nakoso wɔ de, apepɛ ale wɔ kra.

Hesekiel 3:26

Ngɔma wɔ temverema kɔmata wɔ nnaalɔ, na ɛkɔtɔ mumu bɔ ɛngɔhora bɛ nyunu twi ɔ, ofikyɛ bɛte abusua bɔ bayɛ lɔen ɔ.

Hesekiel 3:27

Nakoso sɛ me ne wɔ yɛdwudwo a, ngɔsangye wɔ temverema nyamaa ne maa ekose bɛ kyɛ, ‘Bɔ AWURADE Nyameɛ ɔkã hɔ ɛhe.’ Bɔ okotie ne, maa otie, yeɛ bɔ ongotie ne koso, yakyi ye, ofikyɛ bɛte abusua bɔ bayɛ lɔen ɔ.

Hesekiel 33:33

Na sɛ sɔ dwirɛ ne ba nu a, yoo, ɔkɔwa nu koso amba, yeɛ afei bekonwu kyɛ ngɔmhyɛlɛniɛ bie ɔne bɛ baatena le ɔ.”

Hesekiel 33:9

Nakoso sɛ ɛbɔ bɔnefoɛ ne kɔkɔ kyɛ ɔyakyi ye yɔleɛ, ná wanyakyi ye yɔleɛ a, ye amumuyɛɛ nu yeɛ okowu ɔ, nakoso wɔ de, ekonya ngoa kɔma wɔ kra.

Hesekiel 44:6

Na kã kyire mmenia bɔ bayɛ lɔen ne, bɔ bɛ ole Yisrael awuro ama ne, kyɛ, AWURADE Nyameɛ nwa nyoo: O Yisrael awuro ama, wayɛ yee! Ɛmɔ akyiwadeɛ yɔleɛ ne amukoraa, ɛ́mɔpɛ so!

Yohane 15:22

Sɛ mamma manga dwirɛ ne mangyire bɛ a, ahaa benni bɔne nwo foɛ; na afei de, belle bɛ bɔne nwo nyeanoɛ biala.

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Romanfoɛ 3:3

Na sɛ bɛ nu biemɔ banni nahorɛ de ɛ? Aso ɛhe kyire kyɛ Nyameɛ koso nni nahorɛ anaa?