Hesekiel 19:12 - AHYERƐLƐ KRONGRON

¹² Nakoso betutuli bobe bakaa ne abo anyeborolɛ so, na begyili ye bɛtole ase. Eyia afiteleɛ mvrama kesene ye mma nemɔ, ye mmaen serɛserɛ nemɔ wuli, na see yerale bɛ.

Hesekiel 19:12 Iomraidhean Croise

2 Ahemvo 23:29

Ye aberɛ so, Misraim hene Faro Neko hɔle ɔɔbokale Asiria hene wɔ koɛ nu wɔ asue Yufreti nwo. Nana Yosia fale koɛ ɔɔtoale Faro Neko. Nakoso Faro Neko yiale Yosia wɔ Megido ne, ohuni Yosia.

2 Ahemvo 23:34

Faro Neko fale Nana Yosia awa Eliakim sili ye baba gya nu lili hene, na Faro Neko sesane Eliakim dumaa frɛle ye Yehoakim. Nakoso ɔhyele Yehoahase nnure hɔle Misraim, na owuli wɔ dɔ.

2 Ahemvo 24:6

Afei Yehoakim toale ye mbanyi mɔ, na ɔwa bienzua Yehoakyin lili ye bia.

Edwein 52:5

Nakoso Nyameɛ kobubu wɔ kogua berɛ afebɔɔ; ɔkɔpra wɔ boso kɔhwe wɔ kofi wɔ tena sua nu; okotu wɔ bo kofi teasefoɛ aseɛ so. Sela

Edwein 80:16

Bafa see bayera ye, bapɛ bato ase; sɛ wɔ nye boro bɛ so a, bewuwu!

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yesaya 27:8

Bɛ bɔne so yeɛ egyinane pɛle bɛ asue ɔ. Ɔfale ye nwomeɛ suronyisuronyi ne foane bɛ kyɛ eyia afiteleɛ mvrama anoa serɛserɛ kyẽa ne.

Yeremia 22:30

Bɔ AWURADE kã ɛhe: “Ɛmɔhyerɛ bɛfa biaa he anwo kyɛ, ɔte ebie bɔ olle ba ɔ, biaa bɔ ongoyie ye yé wɔ mmerɛ bɔ ɔte ase, ofikyɛ ongoyie ye boso ama nu biala yé maa ɔngɔtena Dawide ahennie bia so, bɔ okosa koli hene wɔ Yuda ɔ.”

Yeremia 31:28

Na ɔkɔwa kyɛ, kyɛbɔ nneane bɛ so kyɛ ngotutu bɛ bo, ngobubu nu, ngodwiri ngogua, ngɔsɛkye, ná mama musue ato bɛ ne, sɔ ala yeɛ ngɔnea bɛ so ngosi ná malua ɔ, AWURADE noa dwirɛ ɛne.

Awuye 2:1

Nea kyɛbɔ AWURADE ole yaa, wafa munungum wamundu Sion awa brasua ne aso ɔ! ná wagyi Yisrael anwonyemene wafi nyameɛso waato ase, bɔ wangaye ye gya bo ndiasoɛ, wɔ ye ɛyaafɛlɛ kyẽa ne anu ɔ.

Hesekiel 15:2

“Sona awa, nzikyɛ yeɛ bobe bakaa fa tra bakaa biala ɔ, anaa nzikyɛ yeɛ bobe mmaen ɔfa tra ɛhɔayeɛ nu mmakaa mɔ ɔ?

Hesekiel 15:4

Tie, bɛfa bɛsɔ see maa ye ti ne ye ti ne ɔyera, na ye afia ne tɔ nzoen a, aso bɛfa bɛyɔ nikyee bie a ɔyɛ yee anaa?

Hesekiel 17:10

Tie, sɛ betu bɛtɛ a, aso ɔkɔyɛ yee? Sɛ eyia afiteleɛ mvrama bɔ ye a, aso ɔngɔkese ngowu anaa? Ɔkɔkese wɔ ngofie bɔ ofifili so nemɔ aso anaa?”

Hesekiel 19:11

Ye mmaen nemɔ anu yɛle se, na ɔkakyili ahemvo mɔ bɛ hɔtɔ. Ɔyɛle tendenn paa trale mmaen frɔmfrɔm pusaa nemɔ, na ebiala nwuni ye tendenn ne ye mmaen pusaa ne.

Hesekiel 28:17

W’anwonyemene ti ɛyɛle anwomasoɛ, wɔ talɛ bɔ ɛta ti ɛsɛkyele wɔ nworɛ. Yiti mvindini wɔ ndole ase, nguale wɔ nyunu ase wɔ ahemvo mɔ bɛ nyunu, maa betuli bɛ nye beguale wɔ so.

Hosea 13:15

Ɔwɔ nu kyɛ okonya ngɔsoɛ wɔ oliɛma mɔ nu, nakoso eyia afiteleɛ mvrama bɔ ɔte AWURADE mvrama ne, okotu kofi ɛserɛ so dɔ kɔwa, ye asue ti kɔwewe, yeɛ ye mbombonzue kɔwewe, na mvrama ne kɔsesa nningyein nyɔboɛ serɛ biala kofi nekaa bɔ osie ye nningyein ɔ.

Yona 4:8

Na eyia pukyele ne, Nyameɛ somane eyia afiteleɛ mvrama hyerɛhyerɛ bie; eyia ne bɔle Yona ti afia maa ɔyɛle mmerɛ, bɔ ɔhale ye ngome a ahaa né wawu ɔ. Na ɔhane kyɛ, “Ɔte paa ma me kyɛ ngowu tra kyɛ ngɔtena ngoa nu ɔ.”

Mateo 3:10

Bafa akumaa ne babɔ bakaa ne ndii nu dada. Yiti bakaa biala bɔ onzu mmaa paa ne, bekobu ye, ná bagyi bato see nu.

Yohane 15:6

Na sɛ ebie wandena me nu a, begyi ye bɛto kyɛ bakaa mmaen, na ɔkese; na bɛboaboa mmaen nemɔ noa begua see nu bɛyera bɛ.

Deuteronomi 29:28

AWURADE fɛle yaa. Ole ɛyaa piri ne ɛyaa hahii yeɛ otuli bɛ fili b’aseɛ so ɔ, na waagyi bɛ wagua aseɛ foforɛ so, kyɛbɔ kekesaala ye ɔte ye.’

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.