Hesekiel 19:11 - AHYERƐLƐ KRONGRON

¹¹ Ye mmaen nemɔ anu yɛle se, na ɔkakyili ahemvo mɔ bɛ hɔtɔ. Ɔyɛle tendenn paa trale mmaen frɔmfrɔm pusaa nemɔ, na ebiala nwuni ye tendenn ne ye mmaen pusaa ne.

Hesekiel 19:11 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

1 Ahemvo 5:1

Tiro hene Hiram tele kyɛ bapopa Solomon ngoo maa wali ye baba bia. Na ɔsomane ye somvoɛ mɔ wɔ Solomon berɛ, ofikyɛ né Hiram te Dawide obiɛngo fi tete.

Ɛsra 4:20

Ahemvo atitire lili Yerusalem so, bɔ b’ahennie ne ɔtrɛ hɔle asue Yufreti si dɔ mbɔtam ne aso amukoraa ɔ. Na mmenia tuale ɛtoɔ, ndɔ, ɔne aseɛ nwo toɔ bɛmane ahemvo nemɔ.

Ɛsra 5:11

Na mmuayɛɛ bɔ bɛfa bɛmane yɛ ɛhe, ‘Anwuro ne aseɛ Nyameɛ ne, yɛte ye ngoaa. Yɛsa yɛsi awuro bɔ daa tetetete besili, bɔ ɔte awuro bɔ Yisrael hene piri bie osi yiele korakora ɔ.

Edwein 110:2

Wɔ tumi hɔtɔ ne, AWURADE kɔtengyɛ kofi Sion. Di hene wɔ wɔ pɔfoɛ mɔ b’afia.

Edwein 80:15

bobe boo bɔ ɛnate wɔ bɔbɔ wɔ tumi so ayɛ ne, ɔne mmaen bɔ afa atindim berɛ ama wɔ nwo ne.

Edwein 80:17

Nakoso sona bɔ ɔwɔ wɔ sa famaa so ne, sona awa bɔ wɔ ti amaa wanya anwoserɛ ne, nea ye so, ná bɔ ye nwo waen.

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Hesekiel 19:12

Nakoso betutuli bobe bakaa ne abo anyeborolɛ so, na begyili ye bɛtole ase. Eyia afiteleɛ mvrama kesene ye mma nemɔ, ye mmaen serɛserɛ nemɔ wuli, na see yerale bɛ.

Hesekiel 19:14

Na see afi bakaa ne anu, waatɔ ye mmaen nemɔ anu, ɔne ye mma ne anu wayera bɛ. Yiti mmaen serɛserɛ biala nne berɛ ko bɔ ɔkɔyɛ ahemvo mɔ bɛ hɔtɔ ɔ. Ɛhe te awuyebɔlɛ, na waayɛ awuyebɔlɛ.

Hesekiel 21:10

bɔ basi kyɛ bɛfa bekũkũ ɔ, bɔ bahwi ye nwo maa ɔte yerɛmyerɛm kyɛ agralaa ɔ! Aso odi kyɛ yɛfa edwirɛ ne yɛdi angorɛ anaa? Mma, abu mbire ne ne asohwenɛ amukoraa animtia.

Hesekiel 21:13

“ ‘Ɛ́mɔdwene ye nwo: Sɛ ɛmɔbu mbire ne animtia a, aso edwirɛ ne ngosi anaa? AWURADE Nyameɛ noa dwirɛ ɛne.’

Hesekiel 31:3

Nea, Asiria te kyɛ Lebanon sida, ye mmaen nyemenenyemene, pusaa bɔ ye bo te fɔnwoo ɔ, na ɔwale paa kɔ anwuro, na ye ti anwuro kɔkã munungum ne anu dɔ.

Daniel 4:11

Bakaa ne nyini yɛle piri, na ɔyɛle se, na ye ti ne oodwuli nyameɛso, na benwuni ye wɔ aseɛ so nekaa biala.

Lewitikɔso 23:40

Kyẽa bɔ oli moa ne, ɛ́mɔfa mmakaa paa bɛ mma, ɛberɛ, bakaa kusuu mmaen frɔmfrɔm, ɔne asuenoa mmakaa; ná ɛ́mɔli ahurusi AWURADE ɛmɔ Nyameɛ nyunu ɛlɛsoo.

Numeri 24:17

Bɔ menwu ye mefa ye nwo ne, nna kekesaala ye yeɛ ɔkɔwa nu ɔ; bɔ me nye tua fa ye nwo ne, ongosi kekesaala ye. Nzramaa bie kofi Yakob nu kofite, na ɛhɔtɔ bie kofi Yisrael nu kodwɔso. Okoli Moabo mbanyi so ngonim, ná wabrɛ Sɛti boso ama amukoraa ase.